Category: Infocom

❗️«Լուսավոր Հայաստան» կուսակցությունը մասնակցելու է 2026 թվականի խորհրդարանական ընտրություններին, «Լուսավոր Հայաստան» կուսակցության 5-րդ համագումարի ժամանակ այսօր հայտարարեց կուսակցության նախագահ Էդմոն Մարուքյանը, ընդգծելով, որ չեն համագործակցելու իշխող ուժի հետ. «Բացառում ենք, որ գործող իշխանության հետ որևէ բան կանենք», – ասաց Մարուքյանը:
🗣 Ընդդիմադիրի «Լուսավոր Հայաստան» կուսակցության ղեկավար Էդմոն Մարուքյանը խորհրդարանական ընտրություններում հաղթանակի հասնելու և «Քաղաքացիական պայմանագրին» պարտության համար առաջարկում է խոշոր դաշինքներ ձևավորել, որպեսզի ընդդիմադիր դաշտի հաղթանակը դառնա իրատեսական։ |azatutyun.am|

🇺🇦🇷🇺 Ռուսաստանի կողմից Ուկրաինա լայնածավալ ներխուժման սկսվելուց ի վեր առաջնագծում զոհվել է առնվազն 155 368 ռուս զինծառայող։ BBC-ի ռուսական ծառայության և Mediazona-ի լրագրողները, կամավորների խմբի հետ միասին  պարզել են զոհերի ինքնությունը։
🔸 Բոլոր մահացածների 1/3 կամավորներ են, որոնք պայմանագրեր էին կնքել ռուսական բանակի հետ 2022-ի պատերազմի սկսվելուց հետո: Հետազոտողները նշում են, որ ընդամենը մեկ տարի առաջ այս կատեգորիան կազմում էր մահացածների միայն 15%-ը: Լրագրողները այս կատեգորիայի զոհերի թվի աճը բացատրում են նրանով, որ կամավորներն այժմ տեղակայվում են ռազմաճակատի ամենադժվար հատվածներում, հիմնականում՝ Դոնեցկի մարզում:
📌 Բոլոր մահացածների 13%-ը դատապարտյալներ են, որոնք ռազմաճակատ են ուղարկվել ուղղիչ գաղութներից և նախնական կալանքի կենտրոններից, իսկ 11%-ը՝ մոբիլիզացվածներն են:
🔸 Բաշկորտոստանը և Թաթարստանը առաջատար են հաստատված զոհերի բացարձակ թվով։ |factor.am|

📜 Տեղի է ունեցել Սահմանադրական բարեփոխումների խորհրդի հերթական նիստը, որը վարել է Արդարադատության նախարար Սրբուհի Գալյանը:
📌 Խորհուրդն այս նիստի ընթացքում քննարկել է շրջակա միջավայրի պահպանության և կայուն զարգացման, Զինված ուժերի վերաբերյալ հարցերը, ինչպես նաև քննարկել և քվեարկել է Կառավարության կազմավորման վերաբերյալ հարցը:
[ՀՀ արդարադատության նախարարություն]

🚔 ՆԳՆ քրեական ոստիկանության ծառայողները, համագործակցելով Քննչական կոմիտեի գործընկերների հետ, այսօր ձերբակալել են 4 անձանց, որոնք կասկածվում են դեկտեմբերի 8-ին մոլերից մեկի հարակից ավտոկայանատեղիում կատարված հանցագործության մեջ։
📌 Նրանք կներկայացվեն Քննչական կոմիտե:
[ՀՀ ՆԳՆ խոսնակ Նարեկ Սարգսյան]

ՊԵԿ-ի նախկին պաշտոնյաների ընկերությունը՝ ՊԵԿ-ի գնումների անփոխարինելի մասնակից

💰 Պետական եկամուտների կոմիտեի նախկին պաշտոնյաների ղեկավարած ընկերությունը տարիներ շարունակ հաղթում է ՊԵԿ հայտարարած պետական գնումներում՝ կնքելով միլիոնավոր դրամների պայմանագրեր։
📑 2024-ի մայիսի 23-ին ՊԵԿ Մաքսային հսկողության վարչության պետի տեղակալ Սուրեն Ավետիսյանը դարձել է 2015-ին հիմնադրված «Դանիամ» ընկերության սեփականատերը, իսկ ՊԵԿ ՏՏ վարչության նախագծերի իրականացման բաժնի գլխավոր մաքսային տեսուչ Կարեն Մարտիրոսյանը ստանձնել է նույն ընկերության տնօրենի պաշտոնը։
☝️ 2021-2024-ին այս ընկերությունը հաղթել է պետական գնման 20 մրցույթում։ Ուշագրավ է, որ 20-ից 19-ի դեպքում պայմանագրեր են կնքվել հենց ՊԵԿ-ի հետ, իսկ 19 մրցույթներից 16-ում «Դանիամը» եղել է մրցույթի միակ մասնակիցը։

📌 «Ինֆոքոմն» ուսումնասիրել է ՊԵԿ-ի եւ «Դանիամի» միջեւ կնքված պայմանագրերը, զրուցել ընկերության ներկայացուցիչների ու փորձագետների հետ՝ հասկանալու՝ որքանով են ապահովված մրցակցայնությունն ու թափանցիկությունը, եւ ինչ ռիսկեր կարող են լինել նման դեպքերում։

🇮🇷🇦🇿 Իրանն ու Ադրբեջանը վճռական են տրամադրված երկկողմ հարաբերությունները ռազմավարական մակարդակի բարձրացնելու հարցում։ 
🗣 Այդ մասին հայտնում է Իրանի ԱԳՆ-ն՝ ամփոփելով նախարարի՝ Բաքու կատարած այցի արդյունքները՝ նշելով, որ բոլոր հանդիպումներում ընդգծվել է Հարավային Կովկասում  կայունության և անվտանգության պահպանման անհրաժեշտությունը՝ որպես բոլոր երկրների առաջընթացի և բարեկեցության նախապայման։
📌 Իրանի ԱԳ նախարար Աբբաս Արաղչիի գլխավորած պատվիրակությունն Ադրբեջան էր այցելել դեկտեմբերի 8-ին։ Այցի շրջանակում նա հանդիպել է Ադրբեջանի նախագահ Իլհամ Ալիևի, ԱԳ նախարար Ջեյհուն Մայրամովի, փոխվարչապետ Շահին Մուստաֆաևի, խորհրդարանի ղեկավար Սահիբա Գաֆարովայի հետ։ |armenpress.am|

‼️ Նոա-Լեգիա խաղից հետո Ոստիկանություն ահազանգ է ստացվել, որ «Վերնիսաժ»-ի մոտ լեհ երկրպագուները կոտրում են ամեն ինչ:
📣 «Խանջյան փողոցից հասարակության հանդեպ բացահայտ անհարգալից վերաբերունք դրսևորելու և խուլիգանություն կատարելու անմիջականորեն ծագած հինավոր կասկածով ձերբակալվել և ոստիկանություն է տեղափոխվել Լեհաստանի Հանրապետության 17 քաղաքացի»,- «Փաստինֆո»-ին հայտնել են ՆԳՆ-ից՝ հավելելով, որ կազմված փաստաթղթերը փոխանցվել են քննչական բաժին։
📌 Նշենք, որ Կոնֆերենցիաների լիգայի 5-րդ տուրում Հայաստանի չեմպիոն ու գավաթակիր «Նոա»-ն 2:1 հաշվով կամային հաղթանակ է տարել լեհական «Լեգիա»-ի նկատմամբ ու ապահովել փլեյ-օֆֆի ուղեգիր։

🇦🇲🇦🇿 Փոխավարչապետ Մհեր Գրիգորյանը հաստատում է՝ Ադրբեջանի փոխավարչապետի հետ քննարկել են Ադրբեջանից Հայաստան նավթի ու նավթամթերքի արտահանման հարցը:
🗣 «Ազատության» հարցմանն ի պատասխան, թե Երևանն ու Բաքուն արդեն պայմանավորվե՞լ են Ադրբեջանից վառելիքի ներկրման շուրջ, փոխվարչապետը պատասխանել է. «Այո, քննարկումներ եղել են, համագործակցության հնարավորություններ կան»:
💬 «Վառելիքի հետ կապված հետագա ընթացքն արդեն մասնավոր արտահանողների և ներկրողների համագործակցության տիրույթում է, իսկ հնարավոր գործարքների պայմանները լինելու են շուկայական»,- հայտնել է Գրիգորյանը: |azatutyun.am|