Category: Infocom

⚖️ Քննչական կոմիտեն քննում է Սուրբ Աննա եկեղեցում 18-ամյա Դավիթ Մինասյանին հարվածելու դրվագը: Թե ինչ կարգավիճակ ունի Դավիթին բռունցքով հարվածած վարչապետի անվտանգության աշխատողը, Քննչականը չի մանրամասնում:
🗣 Քննությունն արվում է եկեղեցու միջադեպից հետո հարուցված գործի շրջանակում:
[Քննչական կոմիտե] |azatutyun.am|

🛬 Մայիսի 3-5-ը ՀՀ օդային տարածքում արգելվում է ընդհանուր նշանակության ավիացիայի, այդ թվում քաղաքացիական անօդաչու օդանավերի ցանկացած բնույթի թռիչքների իրականացումը։
📌 Այս մասին հայտնում է Հայաստանի քաղաքացիական ավիացիայի կոմիտեն՝ նշելով, որ որոշումը կայացվել է՝ ելնելով անվտանգության նկատառումներից՝ hաշվի առնելով 2026թ. մայիսի 3-ից մինչև մայիսի 5-ը ՀՀ-ում կայանալիք լայնամասշտաբ միջոցառումները (ԵՔՀ 8-րդ գագաթնաժողով, ՀՀ-ԵՄ գագաթնաժողով, Երևանյան երկխոսություն), և օտարերկրյա մեծաթիվ պատվիրակությունների մասնակցությունը նշված միջոցառումներին։

⚖️ Սամվել Կարապետյանի գործով դատական նիստը հետաձգվեց, այն կշարունակվի ապրիլի 17-ին՝ ժամը 13:30։
📣 Կարապետյանի փաստաբանական խմբից Արամ Վարդևանյանը նշեց՝ անընդունելի և անհասկանալի է դատարանի մոտեցումն առ այն, որ առաջնահերթության կարգով քննարկման առարկա է դառնում խափանման միջոցի հարցը, բայց ծանրաբեռնվածությունից ելնելով հետաձգվում է դրա ի վերջո լուծումը։
🗣 Դատարանի բակում հավաքվածների առաջ ելույթ ունեցավ «Ուժեղ Հայաստան» կուսակցության անդամ Նարեկ Կարապետյանը․ «Այսօրվա նիստը այն մասին է՝ արդյոք Սամվել Կարապետյանը մասնակցելու է նախընտրական քարոզարշավին, թե ոչ։ Դատախազությունը ցանկանում է 3 ամսով երկարաձգել տնային կալանքը։ Այս պրոցեսի հիմնական նպատակը Կարապետյանի ու ժողովրդի շփումը խոչընդոտելն է», — հայտարարեց Կարապետյանը։
📌 Հիշեցնենք, որ երեկ միջնորդություն էր ներկայացվել դատարան՝ առաջնահերթության կարգով քննելու Կարապետյանի խափանման միջոցի հարցը:

🇦🇲🇪🇺 📑 «Ազատության» տրամադրության տակ է ԵՄ Արտաքին հարաբերությունների և անվտանգության հարցերով բարձրագույն հանձնակատարի առաջարկը՝ Հայաստան ուղարկվելիք ԵՄ առաքելության մանդատի, կառուցվածքի ու ժամկետների վերաբերյալ։
🔻 Ակնկալվում է, որ ԵՄ նոր խումբը Հայաստանում տեղակայվելու է երկու տարով, ունենալու է 20-30 միջազգային աշխատակից և գործելու է «Եվրամիության գործընկերության առաքելություն» անվանման ներքո։ Նշվում է, որ այն բաց է լինելու նաև երրորդ երկրների համար, եթե և երբ Բրյուսելը նրանց հետ համաձայնության հասնի այդ ուղղությամբ։
🔻 Առաքելությունը պետք է գնահատի՝ ինչ է անհրաժեշտ Հայաստանում անվտանգության ոլորտում կարողությունները զարգացնելու համար, որ երկիրն առավել արդյունավետ բացահայտի ու արձագանքի հիբրիդային սպառնալիքներին՝ ԵՄ մեթոդաբանությունների և ստանդարտների համաձայն։
📌 ԵՄ երկրների դեսպաններն այսօր Բրյուսելում ընդունել են որոշումը, ակնկալվում է՝ վերջնական հաստատումը կլինի հաջորդ շաբաթ կայանալիք ԵՄ արտգործնախարարների նիստում: |azatutyun.am|
🔗 Կարդալ ավելին