Category: Infocom

🛎️ Այսօր ԿԸՀ-ից «Պառլամենտարիզմի զարգացման միջազգային կենտրոնին» ծանուցել են, որ արտահերթ նիստ է հրավիրված, և կենտրոնի նկատմամբ վարույթ է ներկայացվել։
🗳️Այս մասին հայտնել է Կենտրոնի ղեկավար Գոհար Մելոյանը՝ նշելով, որ հնարավոր է՝ վաղը կայանալիք Վաղարշապատի ընտրություններում իրենց մասնակցության հարց բարձրացվի։ | tert.am |

🏔️Երկրաշարժ է ցեղի ունեցել Գառնի գյուղից 6 կմ հյուսիս-արևելք, օջախի 10 կմ խորությամբ 1.4 մագնիտուդով:
🔸Էպիկենտրոնային գոտում ստորգետնյա ցնցման ուժգնությունը կազմել է 1-2 բալ:
🌍 Երկրաշարժը զգացել են՝ Կոտայքի մարզի Գառնի, Գողթ և Գեղարդ գյուղերում՝ 1-2 բալ ուժգնությամբ։
[ՀՀ ՆԳՆ փրկարար ծառայություն]

🏢 Դատախազությունն ընթացք է տվել Ժուռնալիստների միության գույքը ՀՀ սեփականությանը վերադարձնելու ՔՊ պատգամավոր Սիսակ Գաբրիելյանն ու ԱԺ նախագահ Ալեն Սիմոնյանի դիմումին։
📃 Գաբրիելյանը հայտնել է, որ դիմումը դատախազություն է ուղարկվել ամիսներ առաջ, հայցն արդեն մուտքագրվել է դատարան, հարուցվել է քրեական գործ: Ժուռնալիստների միության փաստաթղթերի ուսումնասիրության արդյունքում դատախազությունը հանցանքի մասին հաղորդում է ներկայացրել Հակակոռուպցիոն կոմիտե։
🗣 «Սա միայն մեկն է այն հազարավոր գույքերից, որոնք մեր կարծիքով անկախացումից հետո դարձել են ՀՀ սեփականություն և ոչ իրավաչափ եղանակներով փոխանցվել տարբեր անհատների կամ կազմակերպությունների։ Գույքերի մեծ մասը երբեք չի ծառայել հանրության շահին, իսկ ոլորտի ներկայացուցիչները դրանց օտարումից կամ վարձակալության գումարներից գրեթե ոչինչ չեն ստացել»,- գրել է պատգամավորը։

🇦🇲🇬🇪 Նոյեմբերի 14-ին Հայաստանի ԱԳ Արարատ Միրզոյանը հանդիպումներ է ունեցել Վրաստանի վարչապետ Իրակլի Կոբախիձեի և նախագահ Միխայիլ Կավելաշվիլի հետ։
🤝 Միրզոյանն ու Կոբախիձեն քննարկել են երկրների միջև ռազմավարական գործընկերության շարունակական զարգացմանն ուղղված աշխատանքները։ Գործարար կապերի խթանման համատեքստում անդրադարձ է կատարվել երկու երկրների տարանցիկ ներուժի արդյունավետ իրացման ուղղությամբ գործադրվող ջանքերին։
🗣 ԱԳ նախարարը նախագահի հետ հանդիպմանը, անդրադառնալով տարածաշրջանային հարցերին, նշել է. «Հաստատված խաղաղության շահառուն միայն Հայաստանն ու Ադրբեջանը չեն, այլ նաև Վրաստանն ու ընդհանուր տարածաշրջանը: Դրանից կշահի նաև ավելի լայն աշխարհագրությամբ փոխկապակցվածությունը»: Միրզոյանը հավելել է, որ դրա օրգանական շարունակությունը կլինի Հարավային Կովկասում համագործակցության զարգացումը, այդ թվում՝ եռակողմ ձևաչափով: Վրաստանի նախագահն աջակցություն է հայտնել այս տեսլականին:
[ՀՀ ԱԳՆ]

📣 Այսօր և վաղը Հայաստանում անցկացվում է «Աղոթք-նախաճաշ» միջոցառումը, որը, ըստ պաշտոնական տեղեկատվության, կազմակերպվել է ՀՀ վարչապետ Նիկոլ Փաշինյանի աջակցությամբ և մասնակցությամբ:
📍 Միջոցառման շրջանակում այժմ Ազգային պատկերասրահում պանելային քննարկումներ են ընթանում, վաղը նախատեսվում է բուն աղոթքի նախաճաշը «Մարիոթ» հյուրանոցում, ինչպես նաև այցելություն Մայր Աթոռ Սուրբ Էջմիածին:
💬 Մայր Աթոռի Տեղեկատվական համակարգի տնօրեն Տեր Եսայի քահանա Արթենյանը, 24news-ի գրավոր հարցմանն ի պատասխան, հայտնել է, որ Մայր Աթոռը ևս ստացել է միջոցառման հրավեր, և դրան մասնակցելու է Գևորգյան հոգևոր ճեմարանի ասպիրանտուրայի բաժնի ղեկավար Գերաշնորհ Տ. Դանիել եպիսկոպոս Ֆընդըկյանը՝ «նեկայացնելու խղճի ազատության Հայ Եկեղեցու տեսակետներն ու ընկալումները»:
❓ Հարցին, թե տեղյա՞կ են, որ Մայր աթոռ այց է նախատեսվում, պատասխանել են. «Այո, տեղյակ ենք։ Մասնակիցները կայցելեն Մայր Տաճար, Մայր Աթոռի թանգարաններ, իսկ մի խումբ մասնակիցների կընդունի Ամենայն Հայոց Կաթողիկոսը»:

🧸❌ «ՍԻԹԻ» ՍՊԸ-ին պատկանող սուպերմարկետներում վաճառվող խաղալիքներում հայտնաբերվել են վտանգավոր նյութեր. Շուկայի վերահսկողության տեսչական մարմին
🔸 «Մասնավորապես՝ «Սլայմեր» տեսակի «Արջուկ», «Հրեշ» և «Միաեղջյուր» անվանումներով վաճառվող խաղալիքների բաղադրության մեջ առկա են եղել երեխաների առողջության համար վտանգավոր նյութեր:
📌 Համապատասխան հանձնարարականներ են տրվել արտադրանքի իրացման կասեցման, վաճառքից հետկանչման, և ոչնչացման վերաբերյալ»,- ասվում է տեսչական մարմնի հաղորդագրությունում:

🛣 TRIPP նախագծի իրագործման առաջին գործողությունը կանոնակարգման գրավոր բազա ստեղծելն է: Այդ բազայի ստեղծման առաջին փուլը Վաշինգտոնի հռչակագիրն է, որտեղ ընդհանուր շրջանակը նկարագրված է: Հաջորդիվ՝ ԱՄՆ-ի ու ՀՀ-ի կողմից համատեղ իրավաբանական անձի ստեղծումն է լինելու, որը կլինի ՀՀ-ԱՄՆ համատեղ հիմնադրված ընկերություն, տնօրենների խորհուրդ, որը կկառավարի ընկերությունը, որում ներկայացված կլինեն Հայաստանը և Նահանգները: Ռազմավարական նշանակության հարցերի վերաբերյալ Հայաստանը կունենա վճռական ձայնի իրավունք
🗣 Այս մասին «Խաղաղության խաչմերուկ. զարգացնելով տարածաշրջանային հաղորդակցությունները» խորագրով համաժողովի ընթացքում ասաց ՀՀ վարչապետ Նիկոլ Փաշինյանը:
❓ Նա նշեց, որ փորձագիտական շրջանում քննարկվում է հարցը, թե արդյոք ՀՀ որևէ ինստիտուտ որևէ սահմանափակում ունենալու է ՀՀ օրենսդրությամբ նախատեսված այդ տարածքների վերաբերյալ, որով անցնելու է TRIPP-ը, և ինքն էլ պատասխանեց այդ հարցին՝ ոչ: |azatutyun.am|