Category: Infocom

🇷🇺🇺🇦 Ռուսաստանը և Ուկրաինան հաղորդում են երեկ ուժի մեջ մտած Զատկի զինադադարի խախտումների մասին՝ դրանց համար մեղադրելով միմյանց:
🔶 Ուկրաինայի Սումիի մարզում գիշերը ռուսական ուժերը անօդաչու թռչող սարքով հարվածել են շտապ բուժօգնության ավտոմեքենային: Զինադադարի խախտման մասին լուրեր ստացվում են նաև այլ մարզերից։
🔷 ՌԴ Բելգորոդի մարզում անօդաչու թռչող սարքի հարվածի հետևանքով վիրավորվել է 2 բնակիչ: Անօդաչուների գրոհների մասին հաղորդումներ են ստացվել նաև Կուրսկի մարզից:
📌 Այնուհանդերձ, երկու կողմից էլ հայտնում են, որ զինադադարը ռազմաճակատի հատվածների մեծ մասում իրոք գործում է։ |azatutyun.am|

🇮🇷🇺🇸 Իրանի և ԱՄՆ-ի միջև ընթացող բանակցություններն ավարտվել են առանց որևէ համաձայնության՝ «ամերիկյան կողմի ներկայացրած չափազանց մեծ պահանջների պատճառով»։ Այս մասին հայտարարել է Իրանի ԱԳՆ մամուլի խոսնակ Էսմայիլ Բաղային, հաղորդում է Tasnim-ը։
📌 Բաղային ասել է, որ Իրանն ու ԱՄՆ-ն «մի շարք հարցերի շուրջ հասել են փոխըմբռնման», և որ առկա են եղել տարակարծություններ 2-3 կարևոր խնդիրների շուրջ։
🗣 «Այս բանակցություններին ավելացան որոշ նոր խնդիրներ, ինչպիսին է Հորմուզի նեղուցի հարցը, որոնցից յուրաքանչյուրն ունի իր բարդությունները»,- նշել է իրանցի պաշտոնյան։

🇺🇸 ԱՄՆ նախագահ Դոնալդ Թրամփը հայտարարել է, որ ամերիկյան ուժերը սկսել են Հորմուզի նեղուցի «մաքրման» գործընթացը։
📌 Truth Social հարթակում ապրիլի 11-ին հրապարակված գրառման մեջ Սպիտակ տան ղեկավարը ընդգծել է, որ գործողությունը նպատակ ունի ապահովել միջազգային նավարկության անվտանգությունը։
🗣 «Մենք հիմա սկսում ենք Հորմուզի նեղուցի մաքրման գործընթացը՝ որպես ծառայություն աշխարհի բոլոր երկրների համար, ներառյալ Չինաստանը, Ճապոնիան, Հարավային Կորեան, Ֆրանսիան, Գերմանիան և շատ ուրիշներ»,- նշել է Թրամփը։ |factor.am|