Category: Infocom

🏘📣 ՊԵԿ-ը ներկայացրել է եկամտային հարկի վերադարձի դեպքում սպասվող փոփոխությունները։
❗️ 2025 թվականի հունվարի 1-ից Երևանում եկամտային հարկի վերադարձի հնարավորությամբ հիփոթեքային վարկ կարող է ձեռք բերել այն շահառուն, որի գնած բնակարանի շինարարության թույլտվությունը ստացված կլինի մինչև 2022 թվականի հունվարի 1-ը։
💰 Մեկ այլ փոփոխությամբ՝ եկամտային հարկի վերադարձի ծրագրի շահառուներին հունվարի 1-ից հետո ստացված հիփոթեքային վարկի գծով եռամսյակային պարբերականությամբ վերադարձվող եկամտային հարկի գումարը չի կարող գերազանցել 750 հազար դրամը։

📌 Փոփոխությունները չեն վերաբերի մինչ 2025 թվականի հունվարի 1-ը հիփոթեքային վարկ ստացած շահառուներին։

‼️ Նիկոլ Փաշինյանը հեռավար նախագահելու է ԵԱՏՄ նիստը:
🗣 «Արմենպրես»-ի հետ զրույցում այս մասին հայտնել է ՀՀ վարչապետի մամուլի խոսնակ Նազելի Բաղդասարյանը։

🇺🇸🇺🇦 ԱՄՆ նախագահ Ջո Բայդենը հանձնարարել է Պենտագոնին արագացված տեմպերով շարունակել զենքի մատակարարումներն Ուկրաինային:
💬 Բայդենն այս հայտարարությունն արել է Ուկրաինայի էներգետիկ ենթակառուցվածքների վրա դեկտեմբերի 25-ի առավոտյան Մոսկվայի զանգվածային հարձակումների ֆոնին։ |azatutyun.am|

🚇 Դեկտեմբերի 31-ին մետրոպոլիտենի աշխատանքը կսկսվի ժամը 07:00-ից և կշարունակվի մինչև 2025թ. հունվարի 1-ի ժամը 02:00-ն:

⚖️ Վերջերս լրացավ Գյումրու բնակիչ, 25-ամյա Արտյոմ Ադանալյանի սպանության 10 տարին։ Արտյոմը սպանվել է 2014 թ․ իր իսկ տանը։ Ըստ քրեական գործի՝ ճաշկերույթի ժամանակ կենացները ձգձգելու համար նա հորը դիտողություն է արել, ինչին միջամտել է ներկաներից 28-ամյա Արթուր Մարտիրոսյանը՝ նրան անվանելով «Արտյոմիկ»։ Արտյոմը նույն կերպ է պատասխանել՝ Մարտիրոսյանին անվանելով «Արթուրիկ»։ Կողմերի միջեւ վիճաբանություն է սկսվել, որն էլ ողբերգական ավարտ է ունեցել։
📄10 տարվա ընթացքում փոխվել է 5 դատարան, 7 դատախազ, գործի նյութերը 10 հատորից հասել են 60-ի, բայց որդեկորույս մայրը՝ Ռուզան Ադանալյանը, շարունակում է վճռականորեն դատական մի ատյանից մյուսը գնալ, մի միջնորդության հետեւից մյուսը ներկայացնել։ Ադանալյանը նաեւ հասարակական կազմակերպություն է հիմնել, զբաղվում է սպանություններից տուժած անձանց իրավունքների պաշտպանությամբ՝ հավատով, որ արդարադատությունը հիվանդանում, բայց չի մահանում։
➡️Մանրամասներին ծանոթանալու համար կարդացե՛ք Ինֆոքոմի լրագրող Միլենա Խաչիկյանի հոդվածը այս թեմայով։

🇷🇺🇦🇲🇦🇿 ՌԴ ԱԳՆ ներկայացուցիչ Մարիա Զախարովան հայտարարել է, որ Լեռնային Ղարաբաղի կարգավորման հարցով ԵԱՀԿ-ի ստեղծած Մինսկի խմբի համանախագահների մանդատը կորցրել է իր արդիականությունը։
📌 «Դա սկսվեց Արևմուտքի կողմից այս ձևաչափի աշխատանքի արգելափակումից, հետո իրական կյանքում եղան փոփոխություններ: Հետևաբար Մինսկի կոնֆերանսի բոլոր կառույցները՝ Մինսկի խումբը, բարձր մակարդակի պլանավորման խումբը, ԼՂ-ի հակամարտության կարգավորման գծով ԵԱՀԿ գործող նախագահի ներկայացուցչի պաշտոնը, ենթակա են լուծարման։
🔸 Կարծում ենք, որ այդ հարցում համապատասխան որոշում կայացնելու օպտիմալ տարբերակը լուծարման վերաբերյալ Բաքվի և Երևանի համատեղ առաջարկն է»,- նշել է Զախարովան։ |1lurer.am|

🇷🇺 Կրեմլն ակնկալում է, որ Նիկոլ Փաշինյանը, որը չի կարողացել ժամանել Սանկտ Պետերբուրգ Covid-ի դրական թեստի պատճառով, դեկտեմբերի 26-ին տեսակապի միջոցով կմասնակցի ԵԱՏՄ բարձրագույն տնտեսական խորհրդի նիստին։ Այս մասին ասել է ՌԴ նախագահի մամուլի խոսնակ Դմիտրի Պեսկովը։
🔸Նա նշել է նաև, որ Հայաստանի աշխատանքն ԱՊՀ-ում երկուստեք շահավետ է. դա օգուտ է տալիս և՛ երկրին, և՛ ԱՊՀ-ին․ «Մեր հայ գործընկերները չեն մասնակցում ՀԱՊԿ-ին, նրանք դադարեցրել են մասնակցությունը: Այնուհանդերձ, Հայաստանը դեռևս շատ կարևոր մասնակից է և՛ ԵԱՏՄ-ում, և՛ ԱՊՀ-ում: Այս մասնակցությունից և՛ Հայաստանը, և՛ հայ ժողովուրդը մեծ դիվիդենտներ են ստանում։ Այնպես որ, սա երկկողմանի ճանապարհ է. դրանում շահագրգռված են և՛ ԱՊՀ-ն, և՛ մեր հայ ընկերները»։