Category: Infocom

Team-ի 5G-ն արդեն ամբողջությամբ հասանելի է Գյումրիում և Վանաձորում
Team Telecom Armenia-ի 5G ցանցը գործարկվել է Գյումրիում և Վանաձորում: Նորագույն սերնդի այս տեխնոլոգիայի շնորհիվ ևս երկու քաղաքների բնակիչներ օգտվում են բոլոր ժամանակակից թվային հարթակներից ու ծառայություններից ավելի բարձր արագությամբ և հուսալիությամբ։ Team-ի բջջային ցանցերի արդիականացման լայնամասշտաբ աշխատանքները Երևանում ու մարզերում շարունակվում են:
🔗 Կարդալ ավելին
#վճարովի_բովանդակություն

👩‍⚖️ Դատախազությունը դիմել է Բարձրագույն դատական խորհուրդ՝ Մանվել Գրիգորյանի դատավոր դստեր` Նաիրա Գրիգորյանի նկատմամբ հանրային քրեական հետապնդում հարուցելու միջնորդությամբ: Այս մասին տեղեկանում ենք ԲԴԽ-ից:
⚖️ ԲԴԽ-ի մեկ այլ որոշմամբ էլ՝ դատավորի լիազորությունները կասեցվել են: |factor.am|

👮 Ձերբակալվել է ՀՀ էկոնոմիկայի նախկին նախարար Վահան Քերոբյանը:
🗣 Տեղեկությունը «Ազատությանը» փոխանցել է նրա եղբայրը՝ Ավետիք Քերոբյանը՝ նշելով, որ խուզարկել են Քերոբյանի տունը:
📌 Ավետիք Քերոբյանը պնդում է, որ տան խուզարկությունը կապ չունի եղբոր պաշտոնավարման հետ: Այժմ փորձում են հասկանալ իրավապահ մարմինների գործողությունների պատճառը:

🇺🇸🗣 TRIPP նախագիծը կնպաստի Կենտրոնական Ասիայի երկրների առևտրի աշխուժացմանը, կօգնի տարածաշրջանի ժողովուրդներին. Թրամփ
💬 «Այս պատմական համաձայնագիրը ներառում է նաև նոր Թրամփի երթուղու կառուցումը։ Դա հրաշալի է։ Նրանք՝ Ադրբեջանը և Հայաստանը, այն անվանեցին իմ անունով և ես գնահատում եմ դա։ Այն իսկապես մեծ համաձայնագիր է, նոր երթուղի միջազգային խաղաղության համար։ Սա ճանապարհ է, որն անցնում է աշխարհի տնտեսապես կարևոր տարածաշրջանով, որը կաշխուժացնի առևտուրը Կասպից ծովի մյուս կողմում և կօգնի Կենտրոնական Ասիայի ժողովուրդներին»,- ասել է ԱՄՆ նախագահ Դոնալդ Թրամփը: |1lurer.am|

📄 ՀՀ արդարադատության նախարար Սրբուհի Գալյանը՝ Սահմանադրությունում «սկզբունքային փոփոխությունների» մասին.
🔸 «Որոշում ունենք նաև ինչ-որ առումով փոխել ընտրությունների կարգը։ Առաջին ընտրությունների պարագայում որոշում ենք կայացրել հրաժարվել կայուն մեծամասնությամբ խորհրդարան ձևավորելու սկզբունքից և դա թողնել երկրորդ ընտրություններին (…): Խոսքն այս դեպքում երկրորդ փուլի մասին չէ, այլ երկրորդ ընտրությունների:
🔸 Խնդիր ունենք մի շարք ոլորտներում ուժեղացնել Ազգային ժողովի լիազորությունները: Որոշում է կայացվել Կառավարության անդամների և՛ ընտրության, և՛ անվստահություն հայտնելու գործընթացում ԱԺ մշտական հանձնաժողովներին տալ դերակատարում։ 
🔸 Որոշում է կայացվել ընդունել կարգավորում նաև Ազգային ժողովի ինքնալուծարման վերաբերյալ»,- Հանրային ՀԸ-ին տված հարցազրույցին ասել է Գալյանը: |armenpress.am|
🔗 Կարդալ ավելին

📣🇦🇿 Ադրբեջանի կառավարության ֆինանսավորմամբ Բաքվում տեղի է ունեցել «Վերադարձ դեպի Արևմտյան Ադրբեջան» թեմայով քննարկում։
🗣 Ադրբեջանական ՀԿ-ներից մեկի ղեկավար, պրոֆեսոր Ֆուադ Մամեդովը հայտարարել է, թե «ադրբեջանցիների վերադարձը ներկայիս Հայաստան մարդու հիմնարար իրավունքների հարց է, և իրենք պետք է առավել ակտիվ աշխատեն այս ուղղությամբ»։
📌 Ադրբեջանի «Ոչ կառավարական կազմակերպությունների պետական աջակցության գործակալության» տնօրեն Այգուն Ալիևան էլ հայտարարել է, որ այս տարի պաշտոնական Բաքուն ռեկորդային՝ 51 նախագիծ է ֆինանսավորել «Վերադարձ դեպի Արևմտյան Ադրբեջան» թեմայով։ Նրա խոսքով՝ այս ուղղությամբ աշխատող ՀԿ-ների նախագծերը տարեցտարի աճում են, և 2026-ին էլ այս թեման կլինի դրամաշնորհային մրցույթների առաջնահերթություններից մեկը։ |azatutyun.am|

🇦🇿 Իլհամ Ալիևը ՆԱՏՕ-ի պատվիրակության հետ հանդիպման ժամանակ հայտարարել է, որ ադրբեջանական բանակը համապատասխանեցվում է ՆԱՏՕ-ի չափանիշներին, և այս հարցում սերտորեն համագործակցում է թուրքական բանակի հետ։
📌 Ադրբեջանական կողմի հայտարարության համաձայն՝ քննարկվել են ՆԱՏՕ-ի հետ համագործակցության հեռանկարները, կարծիքներ փոխանակվել տարածաշրջանային և գլոբալ հարցերի շուրջ։ ՆԱՏՕ-ի պատվիրակության անդաները շնորհավորել են Վաշինգտոնում Ադրբեջանի և Հայաստանի միջև խաղաղության օրակարգի առաջխաղացման գործում ձեռք բերված հաջողությունների համար։ |armenpress.am|