Category: Infocom

💬 Փաշինյանի համար անսպասելի է եղել բեռների տարանցման բոլոր սահմանափակումների վերացման մասին Ալիևի հայտարարությունը:
🗣 «Այն հայտարարությունը, որ հնչեց Ղազախստանում, Ադրբեջանի նախագահի այցի ընթացքում, ըստ էության, մեզ համար անսպասելի էր, և սա այն դեպքերից էր, երբ Ադրբեջանից հնչում է անսպասելի, բայց շատ դրական հայտարարություն»,- ասաց Փաշինյանը։
📌 Վարչապետը հայտնեց, որ այդ որոշումը նախապես այդ ծավալով Հայաստանի հետ քննարկված չի եղել, թեև կար ըմբռնում, համաձայնություն, որ մի գնացք կգա։ |civilnet.am|

‼️ Գեղարքունիքում այսօր խնամակալության և հոգաբարձության մարմնի հրատապ նիստ է հրավիրվել. քննարկվելու են 3-ամյա Տիգրանի ընտանիքին առնչվող հարցեր, այդ թվում՝ ծնողներին ծնողական իրավունքից զրկելու և երեխաների հետագա խնամքի հարցը։
🗣 Այս մասին news.am-ին հայտնել է Գեղարքունիքի մարզպետարանի առողջապահության և սոցիալական հարցերի վարչության գլխավոր մասնագետ Մամիկոն Գալոյանը։

💬 Նիկոլ Փաշինյանը կրկնեց ավելի վաղ արված հայտարարությունը, որ «Լեռնային Ղարաբաղից տեղահանվածների վերադարձի օրակարգը համարում է վնասակար և վտանգավոր խաղաղության համար, որովհետև, իր խոսքով, դա նշանակում է հետ դառնալ կոնֆլիկտի նախնական պարամետրերին»:
📌 Այս համատեքստում ՀՀ վարչապետ նշեց, որ և՛ Հայաստանում, և՛ Ադրբեջանում ապաշրջափակման վերաբերյալ խոսելիս ոմանք տեսակետներ են հնչեցնում, որ միմյանց սահմանային և մաքսային ծառայությունների հետ առնչվելիս կարող են հոգեբանական բարդություններ առաջանալ քաղաքացիների համար, իսկ հետո խոսում են փախստականների վերադարձի մասին. «5 րոպեանոց կոնտակտը համարում են պրոբլեմատիկ, խոսում Նախիջևանից, Բաքվից, Սումգայիթից փախստականների մասին: Ուզում եմ ասել՝ այստեղ տրամաբանական խզում կա»:

OC Media-ի ուսումնասիրած արտահոսած փաստաթղթերը բացահայտում են, թե ինչպես է Ադրբեջանի նախագահի աշխատակազմը համակարգել և ֆինանսավորել «Արևմտյան Ադրբեջան» նարատիվի միջազգային տարածումը
📄 Փաստաթղթերը ցույց են տալիս, որ նախագահի վարչակազմն անմիջականորեն ֆինանսավորել ու վերահսկել է արշավը՝ կազմակերպելով համաժողովներ, վարձելով հաղորդակցության խորհրդատուների և պատրաստելով հաղորդագրություններ։
🖇Ջանքերի կենտրոնում է եղել 2023 թ․ Բաքվում կայացած բարձր մակարդակի միջազգային համաժողովը՝ «Հայաստանից արտաքսված ադրբեջանցիների անվտանգ և արժանապատիվ վերադարձի ապահովումը. գլոբալ համատեքստ և արդար լուծում» խորագրով: Ադրբեջանի պետական ​​միջոցները՝ ավելի քան 109,000 մանաթ (65,000 դոլար), ներառել են հյուրանոցային կեցության, տեսաձայնային արտադրության, բրենդավորման և վերադարձին աջակցող բովանդակության տարածման համար թվային հարթակի ստեղծման հարցերը: Հյուրընկալվել են Եվրոպայից, Ասիայից և Մերձավոր Արևելքից առնվազն 34 օտարերկրյա մասնակիցներ։
❌ Չնայած այս ջանքերին՝ OC Media-ի կողմից հետագա վերլուծությունը որևէ հետևանք չի բացահայտել։ Տուն վերադառնալուց հետո քիչ մասնակիցներ են հրապարակավ հիշատակել համաժողովը կամ դրա թեմաները, և միջազգային լուսաբանումը շատ չի եղել։ Այնուամենայնիվ, Բաքվում պետական ​​լրատվամիջոցները մեջբերել են մասնակիցների մեծ մասին, որոնք աջակցել են ուղերձին։ |factor.am|

🥇🏋🏼‍♀️ Հայաստանի ծանրամարտի կանանց թիմ անդամ Լիանա Գյուրջյանը դարձել է Եվրոպայի մինչև 23 տարեկանների առաջնության ոսկե մեդալակիր՝ նվաճելով հավաքականի 5-րդ ոսկե մեդալն ընթացիկ առաջնությունում։
Այս մասին հայտնում են Հայաստանի Ծանրամարտի Ֆեդերացիայից։

▪️ Վանաձորի Տարոն 4 թաղամասի Լեռնային փողոցի տներից մեկում տեղի է ունեցել փլուզում, փրկարարները հատուկ տեխնիկայի օգնությամբ փլատակներից դուրս են բերել քաղաքացու դին։
[ՆԳՆ փրկարար ծառայություն]

📣 Ալիևը հայտարարել է, թե «ադրբեջանցիների վերադարձը ժամանակակից Հայաստան չպետք է վախեցնի Հայաստանի ժողովրդին և պետությանը»։
🗣 «Ես սա վաղուց եմ ասում։ Մենք պետք է վերադառնանք մեր պատմական հողեր ոչ թե տանկերով, այլ մեքենաներով։ Այստեղ, իհարկե, հիմնական պատասխանատվությունը ընկնում է պետության վրա։ Հասարակական կազմակերպությունները և, միևնույն ժամանակ, այն ադրբեջանցի գիտնականները, որոնց ես ճանաչում եմ, բազմաթիվ գիտական ​​աշխատանքներ են արել այս ոլորտում», — ասել է Ադրբեջանի նախագահը երկրի Գիտությունների ազգային ակադեմիայի 80-ամյակին նվիրված նիստի իր ելույթում։
📌 Նա նշել է, թե «ադրբեջանցիները երբեք չեն վարակվել անջատողականության հիվանդությամբ»․ «Մեր ժողովուրդը ներդրում է ունեցել այն երկրների պետականության մեջ, որտեղ ապրել է: Այսօր ոչ մի երկրում ադրբեջանցիները խնդիրներ չեն ստեղծում և չեն ստեղծի որևէ պետության կամ որևէ այլ ժողովրդի համար»։

💰 2026-ի բյուջեի նախագծով նախատեսվել է ՆԳՆ-ին 102 մլրդ 644 մլն դրամ հատկացնել, որը 2 մլրդ 355 մլն դրամով պակաս է 2025-ի հաստատված բյուջեից։
🗣 «Նվազեցումները հիմնականում տեղի են ունեցել երկու ծրագրերի մասով՝ ներքին գործերի կրթական ծառայություններ և ՆԳՆ ոլորտի քաղաքականության մշակում, կառավարում, կենտրոնացված միջոցառումների մոնիթորինգ և վերահսկողություն ծրագրերով»,- ԱԺ-ում հայտնել է ֆինանսների նախարար Վահե Հովհաննիսյանը: