Category: Infocom

🔸 ՄԻՊ ներկայացուցիչներն այցելել են «Արմավիր» ՔԿՀ՝ Սուրբ Աննա եկեղեցու միջադեպի գործով կալանավորված Դավիթ Մինասյանին տեսակցելու նպատակով, առանձնազրույց են ունեցել նրա հետ, ինչպես նաև ուսումնասիրել նրա վերաբերյալ կազմված փաստաթղթերը։
🔸 Բարձրացված հարցերի մի մասը տեղում քննարկվել է ՔԿՀ վարչակազմի և «Քրեակատարողական բժշկության կենտրոն» ՊՈԱԿ-ի անձնակազմի հետ՝ այդ թվում՝ բժշկական հսկողության պատշաճ կազմակերպումն ապահովելու համար։ Հատուկ ուշադրության կենտրոնում են եղել անձի կրթության իրավունքի ապահովման հետ կապված հարցերը:
🗣 «Պաշտպանը վերահաստատում է իր դիրքորոշումն առ այն, որ կալանքը որպես խափանման միջոց ընտրելիս անհրաժեշտ է խստորեն պահպանել դրա կիրառման իրավաչափությանը վերաբերելի չափանիշները»,- ասվում է ՄԻՊ հայտարարության մեջ:

🔻 ՊՊԾ աշխատակիցը հենց նրա համար է, որ եթե կա իրավիճակ, ուժ գործադրի. ինքը բոլոր լիազորություններն ունի։ Իրավիճակը սրվի՝ անհրաժեշտության պարագայում կարող է և զենք գործադրել։ Բա եթե այդ աշխատանքը չանի, ՊՊԾ աշխատակցի դեմ է քրեական գործ հարուցվելու, հայտնվելու է բանտում՝ իր ծառայողական պարտականությունները չկատարելու համար։
🔻 Երբ ինչ-որ մեկը գործողություններ է անում, ինքը բեյջ չունի, թե 18 տարեկան է, առողջական խնդիրներ ունի կամ որևիցե այլ բան, և ծառայությունը պետք է իրականացնի իր պարտականությունները․․․ Բա ի՞նչ պետք է աներ, պետք է հրավիրեր սրճարան՝ սուրճ խմելո՞ւ:
[Նիկոլ Փաշինյանը՝ Սուրբ Աննա եկեղեցու միջադեպի մասին] |arm.sputniknews.ru|
🔗 Կարդալ ավելին

💬 ՀՀ վարչապետը կարծում է, որ ՌԴ նախագահը տեղյակ չէր ՀՀ Սահմանադրության մանրամասներից, որ ԱԺ ընտրություններին կարող են մասնակցել միայն Հայաստանի քաղաքացիություն ունեցողները:
🗣️ «Ռուսաստանի նախագահը, առավել ևս հաշվի առնելով երկրի մասշաբները և այն օրակարգը, որի հետ առնչվում է, ուզենար էլ, չէր կարող մանրամասների մեջ մտնել: Կարծում եմ՝ այդ նյուանսի մասին իրեն տեղյակ չէին պահել, այդքան բան:
📌 Ես պարզապես իրեն տեղյակ պահեցի, որ այդպիսի նյուանս կա»,- ասաց Փաշինյանը ճեպազրույցի ժամանակ։ |azatutyun.am|

‼️ Նիկոլ Փաշինյանի ստացած «Զայեդ» 500 հազար դոլար մրցանակը կավանդադրվի:
✅ Համապատասխան որոշումն ընդունվեց կառավարության այսօրվա նիստի ժամանակ։
🗣 «Թույլատրվում է ՀՀ վարչապետի աշխատակազմին ՀՀ ֆինանսների նախարարության գանձապետարանում իր անվամբ բացել ՀՀ դրամով արտաբյուջետային ավանդային հաշիվ, ինչը հնարավորություն կտա իրականացնել մրցանակային միջոցների ավանդադրումը և ապահովել դրանց հաշվին ՀՀ կառավարության որոշումներով սահմանված ծախսերի ֆինանսավորումը»,- ասվում է հիմնավորման մեջ:

🗣 Նիկոլ Փաշինյանը, ի պատասխան Պուտինի պնդման, նշել է, որ Հայաստանը Լեռնային Ղարաբաղը ճանաչել է Ադրբեջանի կազմում այն բանից հետո, երբ ՌԴ-ն այդ մասին արդեն հրապարակային հայտարարել էր․
🔸 «Այո, մենք ճանաչել ենք Ղարաբաղն Ադրբեջանի կազմում, սակայն դա արել ենք միայն այն բանից հետո, երբ Ռուսաստանի Դաշնության բարձրագույն ղեկավարությունը երկու անգամ հրապարակայնորեն այդ մասին հայտարարել է, և Դուք հիշում եք՝ մենք այդ մասին բազմիցս խոսել ենք»,- նշել է Փաշինյանը։