Category: Infocom

🇮🇷 ԱՄՆ-ի և Իսրայելի թիրախային սպանությունները չեն տապալի Թեհրանի «ամուր քաղաքական կառուցվածքը»։
🗣 Այս մասին հայտարարել է Իրանի արտաքին գործերի նախարար Աբբաս Արաղչին:
💬 «Իհարկե, անհատները ազդեցիկ են, և յուրաքանչյուր ոք խաղում է իր դերը՝ ոմանք ավելի լավ, ոմանք ավելի վատ, ոմանք ավելի քիչ, բայց կարևորն այն է, որ Իրանի քաղաքական համակարգը շատ պինդ կառույց է: Մենք չենք ունեցել որևէ մեկին, ով ավելի կարևոր լիներ, քան հենց առաջնորդը, և նույնիսկ առաջնորդը նահատակվեց, սակայն համակարգը շարունակեց իր աշխատանքը և անմիջապես ապահովեց փոխարինողին»,- ասել է արտաքին գործերի նախարարը»,- ասել է Արաղչին։ |civilnet.am|

‼️ 1 տարեկան երեխայի նկատմամբ ֆիզիկական ներգործություն է եղել 2026թ. հունվարի 22-ից մինչև մարտի 10-ը ներառյալ:
💬 «Արաբկիր վարչական շրջանում 1 տարեկան երեխայի նկատմամբ 2026թ. հունվարի 22-ից մինչև մարտի 10-ը ներառյալ պարբերաբար գործադրված ֆիզիկական ներգործության արդյունքում պատճառված ֆիզիկական ուժեղ ցավի, ինչպես նաև մարտի 15-ին ուղղակի դիտավորությամբ ապօրինաբար կյանքից զրկելու դեպքերով դատախազը հանրային քրեական հետապնդում է հարուցել երեխայի հոր երկրորդ կնոջ նկատմամբ՝ Քրեական օրենսգրքի 196-րդ հոդվածի 2-րդ մասի 3-րդ կետով (անչափահասի նկատմամբ ֆիզիկական ուժեղ ցավ կամ հոգեկան ուժեղ տառապանք պատճառելը) և 44-155-րդ հոդվածի 2-րդ մասի 3-րդ կետով (անօգնական վիճակում գտնվողի սպանությունը):
⚖️ Միջնորդություն է ներկայացվել դատարան՝ կալանքը որպես խափանման միջոց ընտրելու»,- հայտնել են ՔԿ-ից:
📌 Նշենք, որ երեխան վերակենդանացման և ինտենսիվ թերապիայի բաժանմունքում է՝ բժիշկների հսկողության տակ։ |1lurer.am|

ԵՄ-ից մինչև Չինաստան. ով և ինչպես արձագանքեց Հորմուզի նեղուցը բացելու Թրամփի խնդրանքին
🇬🇧 Մեծ Բրիտանիայի էներգետիկայի նախարարը վստահեցրել է, «որ նեղուցի վերաբացմանը աջակցելու ցանկացած տարբերակ քննարկվում է դաշնակիցների հետ»՝ ընդգծելով, որ «նեղուցը վերաբացելու լավագույն և հստակ ճանապարհը հակամարտությանը վերջ դնելն է»:
🇩🇪 Գերմանիայի պաշտպանության նախարարն ասել է. «Ի՞նչ է Թրամփը ակնկալում եվրոպական մի քանի ֆրեգատներից, ինչը չի կարող անել ամերիկյան հզոր նավատորմը»։
🇪🇺 ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը նշել է՝ «ոչ մեկը չի պատրաստվում իր ժողովրդին վտանգի ենթարկել Հորմուզի նեղուցում»:
🇺🇸 Թրամփն այսօր արդեն հայտնել է, որ ՆԱՏՕ-ում ԱՄՆ աջակիցների «մեծ մասը» տեղեկացրել է, որ չի ցանկանում ներգրավվածություն ունենալ, և ինքը զարմացած չէ արձագանքից: