Category: Infocom

‼️ Վրաստանի հայ համայնքին չեն թույլատրել ակցիա անցկացնել Թուրքիայի դեսպանատան մոտ։
💬 Համայնքի վարչության անդամ Ժանետա Բաղդասարյանը փոխանցել է, որ հայ համայնքը հրաժարվում է ակցիան անցկացնել այլ վայրում, իրենք չեն դիտարկում ակցիայի անցկացումը Թուրքիայի դեսպանատան մոտի տարածքից բացի այլ հասցեում. «Այդ իսկ պատճառով ոչինչ անցկացնել չեն պատրաստվում»: |azatutyun.am|

🇦🇲🇫🇷 Սուրեն Պապիկյանը ընդունել է Ֆրանսիայի զինված ուժերի և վետերանների հարցերով լիազոր նախարար Ալիս Ռուֆոյին։
🗣 «Հանդիպման ընթացքում քննարկվել են պաշտպանության ոլորտում Հայաստան-Ֆրանսիա համագործակցությանն առնչվող մի շարք հարցեր։ Բարձր ենք գնահատել երկկողմ համագործակցության ներկա մակարդակը և ընդգծել դրա շարունակական խորացման կարևորությունը»,- գրել է Պաշտպանության նախարարը։

🔸Ամենայն Հայոց Կաթողիկոսը Մայր Աթոռ Սուրբ Էջմիածնի միաբանների ուղեկցությամբ այցելել է Ծիծեռնակաբերդի հուշահամալիր:
🔸 Հուշահամալիրում կատարվել է Հայոց Ցեղասպանության սուրբ նահատակների բարեխոսական կարգ:
⛪️ Ծիծեռնակաբերդ է տարվել նաև Հայոց Ցեղասպանության սրբոց նահատակաց մասունքարանը:
[Մայր Աթոռ Սուրբ Էջմիածին]

🇫🇷 Ֆրանսիան հիշատակում է 1915 թվականի Հայոց ցեղասպանությունը և հարգանքի տուրք է մատուցում դրա զոհերի հիշատակին․ Ֆրանսիայի նախագահ Էմանուել Մակրոն
🗣 «Սա հնարավորություն է՝ հիշելու, փոխանցելու և ընդգծելու այն անխզելի կապը, որը միավորում է Ֆրանսիան Հայաստանի և ֆրանսիացի ժողովրդին հայերի հետ»,- գրել է Մակրոնը։
🇬🇷 Հունաստանի նախագահ Կոնստանտինոս Տասուլասի ուղերձի մեջ նշված է՝ «Հունաստանն ու Հայաստանը կապված են համատեղ փորձությունների, ինչպես նաև համերաշխության, բարեկամության և փոխադարձ հարգանքի ամուր հարաբերությունների միջոցով կերտված հավերժական կապերով»։
🗣 «Օսմանյան կայսրության կողմից իրականացված Հայոց ցեղասպանության 111-րդ տարելիցին, որը մարդկության դեմ ամենասարսափելի հանցագործություններից մեկն է, մենք հարգանքի տուրք ենք մատուցում 1.5 միլիոն զոհերի հիշատակին»,- նշել է Հունաստանի նախագահը։

🇷🇺 Վլադիմիր Պուտինը Հայոց ցեղասպանության 111-րդ տարելիցի կապակցությամբ ուղերձ է հղել՝ նշելով, որ այն 20-րդ դարի ամենասարսափելի ողբերգություններից մեկն է։
🗣 «Մենք համոզված ենք, որ էթնիկ պատկանելության հիման վրա մարդկանց զանգվածային ոչնչացման և տեղահանության քաղաքականությունը չի կարող և երբեք չի արդարացվի, և միջազգային հանրությունը պետք է միավորի ուժերը՝ ապահովելու համար, որ նման բարբարոսությունը երբեք չկրկնվի»։
🇱🇧 Ուղերձ է հղել նաև Լիբանանի նախագահ Ժոզեֆ Աունը՝ նշելով, որ խոր ցավով է հիշում այդ մարդկային ողբերգությունը, որը բաց վերք է դարձել մարդկության խղճի վրա։
📣 «Հայկական ծագումով լիբանանցիները երբեք հյուր չեն եղել այս երկրում, այլ իսկական գործընկերներ են եղել նրա կառուցման, տոկունության և բարգավաճման գործում։ Նրանք իրենց ներդրումն են ունեցել տարբեր ոլորտներում»:

📣 Ադրբեջանի ԱԳՆ-ն հայտարարություն է տարածել՝ նշելով՝ «խստորեն դատապարտում են ապրիլի 23-ին Երևանում «Ջահերով երթի» ժամանակ թուրքական դրոշի այրումը»։
🔸 Երկրի արտգործնախարարությունը նշել է, թե Հայաստանի կառավարությունը պետք է ժամանակին կանխեր նման արշավը և ձեռնարկեր համապատասխան միջոցառումներ։
🗣 «Նման գործողությունները, որոնք դեռևս էթնիկ ատելության վրա հիմնված ռևանշիստական ​​և ֆաշիստական ​​գաղափարախոսության հստակ դրսևորում են, պետք է դատապարտվեն և կանխվեն միջազգային մակարդակով։
📌 Ադրբեջանի ԱԳՆ-ն կոչ է արել Հայաստանի կառավարությանը պատասխանատվության ենթարկել այդ գործողությունները կատարողներին։

▪️ Այսօր Ծիծեռնակաբերդի հուշահամալիրի ճանապարհին քաղաքացին, ըստ նախնական տվյալների, հանկարծամահ է եղել։ Այս մասին factor.am-ին հայտնել են ՆԳՆ ոստիկանությունից՝ նշելով, որ դիակի վրա բռնության հետքեր չկան։
📌 Ավելի վաղ լրատվամիջոցները հայտնել էին, որ Ծիծեռնակաբերդ տանող ճանապարհին դի է հայտնաբերվել։

🔸 Գարեգին Բ կաթողիկոսը այցելել է Ծիծեռնակաբերդի հուշահամալիր։ Անմար կրակի առջև նրա նախագահությամբ կատարվել է Հայոց ցեղասպանության սուրբ նահատակների բարեխոսական կարգ։ 
📣 Գարեգին Բ-ն նաև ուղերձ է հղել Հայոց ցեղասպանության 111-րդ տարելիցի կապակցությամբ․
🔸 «Ապրիլի 24-ն ուխտի օր է՝ միահյուսված աշխարհասփյուռ մեր ժողովրդի պահանջատիրությանը, որը զերծ է թշնամանքից ու ատելությունից, ուղղված է արդարության ու ճշմարտության վերականգնմանը և ցեղասպանության արհավիրքի ուրացման բացառմանը։
🔸 Ցեղասպանության աղետալի դեպքերից հարյուրամյակ անց, երբ թվում էր, թե նման սոսկալի հանցագործությունները մնացել են անցյալում, ցավոք, նոր ցեղասպան գործողություններով հայաթափվեց Արցախը, բռնությամբ տեղահանվեցին ավելի քան 120.000 արցախցիներ։ Այս ծանր կացության և առկա սպառնալիքների հանդիման, մեր նահատակների զոհողությունը մեզ պարտավորեցնում է ամրապնդել մեր միաբանությունն ու համերաշխությունը և հզորացնել հայոց պետությունը», – ասված է Ամենայն Հայոց կաթողիկոսի ուղերձում:

📣 Մեծ Եղեռնը մեզ հետ տեղի ունեցած մեծագույն ողբերգությունն է, որը մեր ժողովուրդը վերապրում է արդեն 111 տարի․ Փաշինյանի ուղերձը Հայոց ցեղասպանության 111-րդ տարելիցի կապակցությամբ
🔸 «Ապրիլի 24–ի մեր համազգային երթը նաեւ մտածելու, խորհելու, պատմությունը գնահատելու, եւ Մեծ Եղեռնի կրկնությունը թույլ չտալու հաստատակամության դրսեւորում է։ Այս մտածումների եւ հաստատակամության վրա է հիմնված մեր՝ ՀՀ Կառավարության եւ կառավարող մեծամասնության վերջին տարիների քաղաքականությունը։
🔸 Այսօր մենք ՀՀ-ն առաջնորդում ենք հենց այս տրամաբանությամբ, Իրական Հայաստանի գաղափարախոսությամբ, հասկանալով, որ խաղաղությունն ու անվտանգությունն առաջին հերթին հարեւանների հետ կարգավորված հարաբերություններն են՝ հիմնված միմյանց տարածքային ամբողջականությունը, ինքնիշխանությունը, սահմանների անխախտելիությունը եւ քաղաքական անկախությունը ճանաչելու վրա։
🔸 ՀՀ քաղաքացիների ազատությունը, անվտանգությունը, բարեկեցությունն է մեր բոլոր նահատակների իղձերի եւ ընդհատված երազանքների իրագործումը։ Մենք գնում ենք այս ճանապարհով։ Հայաստանի ժողովուրդը գնում է այս ճանապարհով», — ասված է ուղերձում։