Category: Infocom

🇮🇷 Իրանը Իսրայելի ու ԱՄՆ-ի հարձակման ֆոնին շարունակում է ինտենսիվ հարվածները Ծոցի երկրների տարածքներին։
🇰🇼 Անօդաչու թռչող սարքերը հարվածներ են հասցրել Քուվեյթի միջազգային օդանավակայանի օբյեկտներին՝ վնասելով օդանավակայանի ռադարային համակարգի մի մասը։ Այս մասին հայտնել է Al Jazeera-ն՝ հղում անելով Քուվեյթի իշխանություններին։
🛫 Միջադեպի հետեւանքով ուղեւորներից կամ օդանավակայանի անձնակազմից ոչ ոք չի տուժել։ |news.am|

🛣 ՀՀ տարածքում ավտոճանապարհները հիմնականում անցանելի են:
📌 Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները։
🚚 Դիլիջանի ոլորանները, Ջուջևան-Ոսկեպար, Բերդ-Ճամբարակ, Լուսաշող-Լանջառ, Սարավան-«Զանգեր» և Գյումրի-Բավրա ավտոճանապարհները փակ են կցորդով տրանսպորտային միջոցների համար։
🏔 Վարդենյաց լեռնանցքը փակ է բոլոր տեսակի տրանսպորտային միջոցների համար։
📌 Ապարանի, Արագածի տարածաշրջաններում, Սևան, Ճամբարակ քաղաքներում, Դիլիջանի ոլորաններում, Ջուջևան-Ոսկեպար, Բերդ-Ճամբարակ, «Մեղրու սար» և Սիսիան-«Զանգեր» ճանապարհահատվածներում տեղում է ձյուն։
[ՀՀ ՆԳՆ փրկարար ծառայություն]

Բրոնզեդարյան տեխնոլոգիաները ժամանակակից մարդու ձեռքերում․ Փորձարարական հնագիտության լաբորատորիայից ներս
🏺 Երբեմն հնագիտության մեջ միայն գտածոների հայտնաբերումը, թվագրումն ու արտաքին զննությունը բավարար չեն որևէ ժամանակաշրջանի մասին ամբողջական պատկերացում կազմելու համար։
⛏️ Նման դեպքերում գործի են դրվում փորձարարական հնագիտության մեթոդները․ գիտնականները փորձում են նույնությամբ կրկնել հնագույն հասարակությունների փորձառությունն ու վերակազմել նրանց ստեղծածը։
🏹 Փորձրարարական հնագիտության լաբորատորիայի գիտնականները հենց այս մեթոդով են ուսումնասիրում Բրոնզի դարը՝ վերստեղծելով բրոնզեդարյան զենքեր ու այլ առարկաներ։
🔗 Կարդալ ավելին

🇦🇲🇶🇦 Մերձավոր Արևելքով թռիչքների չեղարկման հետևանքով այս պահի դրությամբ Կատարում է գտնվում 21 ՀՀ քաղաքացի, այդ թվում` 8 ուսանող և 8 մարզիկ, ում հետ Դոհայում ՀՀ դեսպանությունը կապ է պահպանում:
✈️ Նախատեսվում է ՀՀ մարզիկների վերադարձը ՀՀ Սաուդյան Արաբիայի ճանապարհով, ուսանողների համար դիտարկվում են այլ տարբերակներ:
[ՀՀ ԱԳՆ խոսնակ]

🇦🇲🇮🇷 ԻԻՀ-ում ՀՀ դեսպանությունը շարունակում է աշխատել ինտենսիվ ռեժիմով:
📌 Դեսպանության թեժ գծի զանգերը որոշակիորեն նվազել են. դրանք հիմնականում վերաբերում են ԻԻՀ-ՀՀ սահմանի անցանելիությանը և Իրանում գտնվող քաղաքացիների վերաբերյալ տեղեկատվության հարցմանը:
🔸 Այս պահի դրությամբ ՀՀ վերադառնալու հարցով դիմած ՀՀ երկու քաղաքացիներին դեսպանության կողմից ցուցաբերվել է անհրաժեշտ աջակցություն։
[ՀՀ ԱԳՆ խոսնակ]

✈️ 🇴🇲🇦🇲 Մարտի 13-ին Մասկատից Երևան ժամանած թռիչքով ՀՀ է վերադարձել ևս 46 քաղաքացի։
🇸🇦🇶🇦 Նրանց թվում էին Կատարից Սաուդյան Արաբիայով տեղափոխված ՀՀ 10 քաղաքացիները, որոնք Կատարում էին մնացել իրենց թռիչքների չեղարկման հետևանքով:
[ՀՀ ԱԳՆ խոսնակ]

🇺🇸🇮🇶 Իրաքում ԱՄՆ դեսպանատունը հրթիռային հարձակման է ենթարկվել, ինչից հետո շենքից ծուխ է բարձրացել։
📌 ԱՄՆ դեսպանատնից անմիջապես մեկնաբանություն չի եղել։ Դեռ չի հաղորդվում, թե արդյոք հարձակման հետևանքով կան զոհեր։ Հասցված վնասի ճշգրիտ չափը ևս հայտնի չէ։ |azatutyun.am|

🇦🇿🇪🇺 Ադրբեջանի նախագահի օգնական Հիքմեթ Հաջիևը հանդիպել է Կենտրոնական Ասիայի հարցերով Եվրամիության հատուկ ներկայացուցիչ Էդուարդ Ստիպրայսի հետ:
📌 Ըստ ադրբեջանական կողմի՝ արդյունավետ քննարկումներ են ունեցել՝ հատուկ ուշադրություն դարձնելով հաղորդակցությունների զարգացման, Տրանսկասպյան միջանցքի և TRIPP-ի նախագծերին: |1lurer.am|

🗣 ՀԱԿ-ը պատրաստ է սկսել կոնսոլիդացիայի գործընթաց «Ուժեղ Հայաստան»-ի և այլ ընդդիմադիր ուժերի հետ միասին։ Այս մասին «Հայ ազգային կոնգրես» կուսակցության 5-րդ համագումարի ժամանակ հայտարարել է ՀԱԿ-ի վարչապետի թեկնածու Լեւոն Զուրաբյանը։
📌 Համագումարին հրավիրված են «Ուժեղ Հայաստան», «Ապրելու երկիր», «Լուսավոր Հայաստան», «Հաղթանակ», «Նոր ուժ» կուսակցություններն ու «Նժար» սահմանադրական շարժման անդամները:
🔸 Կուսակցության առաջնորդ, Հայաստանի առաջին նախագահ Լևոն Տեր-Պետրոսյանը ներկա չէր համագումարին, բայց դահլիճում հնչեց նրա ուղերձը, որում ասված է․ «Իմ նախազգացումով՝ առաջիկա ընտրություններում ընդդիմության հաղթանակի դեպքում հիրավի տեղի է ունենալու կապիտալ վերանորոգում»։ |azatutyun.am|