Category: Infocom

💬 Հանրային ՀԸ տնօրենը պնդում է՝ որևէ ֆիլմ չի արգելվել, և խոսքը պայմանագրային պարտավորությունները չկատարելու մասին է:
🔻 «Պատվիրվել է ֆիլմ, սահմանվել են հստակ ժամկետներ, և ֆիքսվել է եթերի օր, սակայն հեղինակը չի հանձնել ֆիլմը պայմանագրով նախատեսված ժամկետում: Չնայած դրան՝ որոշ ժամանակ անց հեղինակը սկսել է ֆիլմը ցուցադրել առանց իրավատիրոջ՝ Հանրայինի թույլտվության։

🔻 Եվ միայն այն պահին, երբ այդպիսի ցուցադրություններից մեկում հեղինակը սկսել է հրապարակային մեղադրանքներ հնչեցնել Հանրայինի հասցեին, առաջացել է անհրաժեշտություն իրավական արձագանքի։ Այդ պատճառով Հանրայինը դիմել է դատարան՝ պաշտպանելու իր իրավունքները»,- ֆեյսբուքյան իր էջում գրել է Հովհաննես Մովսիսյանը:

🇦🇲🇷🇺 Նիկոլ Փաշինյանը աշխատանքային այցով ժամանել է Ռուսաստանի Դաշնություն։
📹 Նիկոլ Փաշինյանը տեսանյութ է հրապարակել։

🏥 Դավիթ Մինասյանը տեղափոխվել է Էջմիածնի հիվանդանոց․ Sputnik Արմենիային հայտնել է փաստաբան Լուսինե Մարտիրոսյանը
🗣 «Դավիթը, «Արմավիր» քրեակատարողական հիմնարկ մուտք չգործած, գիտակցությունը կորցրել է։ Երեխային ծանր վիճակում շտապօգնությունով տեղափոխել են Էջմիածնի բժշկական կենտրոն, հիմա փաստաբաններով գնում ենք այնտեղ։ Այս երեխայի համար գիտակցության ամեն կորուստը մահ կարող է արժենալ։ Նա ունի չբացահայտված ալերգիա, նույնիսկ վալերիանկայից կարող է մահանալ։ Մենք հիմա նույնիսկ չգիտենք` այդ մասին վկայող թղթերը նրանց մոտ է»,– ասել է փաստաբանը։ |arm.sputniknews.ru|

⛪️ Համայնքի ղեկավարի կողմից որևէ միտումնավոր խոչընդոտում կամ սուբյեկտիվ մոտեցում առկա չէ․ Վաղարշապատի համայնքապետարանը արձագանքել է Մայր Աթոռի հայտարարությանը
📌 Համայնքապետարանից նշել են, որ նախկինում Մայր Աթոռին տրամադրված տարածքները փոխանցվել են հստակ ենթակառուցվածքային ծրագրերի իրականացման նպատակով, սակայն դրանք գտնվում են խիստ անմխիթար և անբարեկարգ վիճակում, նախատեսված համայնքի համար կենսական նշանակություն ունեցող նախաձեռնությունները մինչ օրս կյանքի չեն կոչվել։
🗣 «Ստեղծված իրավիճակը համայնքապետարանին հիմք է տալիս եզրակացնելու, որ Մայր Աթոռ Սուրբ Էջմիածնի կողմից առավելապես դիտարկվում է տարածքների փաստացի սեփականացման տարբերակը, այլ ոչ թե դրանց նպատակային օգտագործումը համայնքի զարգացման համար»,- նշված է հայտարարության մեջ։

🔍 Երևանի քաղաքապետարանը ուսումնասիրություն է կատարում Երևանի Մալաթիա-Սեբաստիա վարչական շրջանի թիվ 94 մսուր-մանկապարտեզում՝ տնօրեն Փառանձեմ Միրիբյանի կատարած գործողություններին պատշաճ արձագանք տալու համար։
🗣 Այս մասին «Sputnik Արմենիա»-ի հետ զրույցում ասել է Երևանի քաղաքապետարանի աշխատակազմի հանրակրթության վարչության պետ Մարգարիտ Խաչատրյանը։

👨‍⚖️ 18-ամյա Դավիթ Մինասյանը 2 ամսով կալանավորվեց։ Նա ձերբակալվել էր կիրակի Սուրբ Աննա եկեղեցումմիջադեպից հետո:
📌 Միջադեպի առթիվ հարուցված քրեական վարույթով 3 անձի նկատմամբ հարուցված է հանրային քրեական հետապնդում: