Category: Infocom

🇺🇸🇮🇷 ԱՄՆ-ն և Իրանը մեծ առաջընթաց են գրանցել բանակցություններում և ամուր հիմք դրել հակամարտությունը դադարեցնելու շուրջ վերջնական պայմանավորվածության համաձայնեցման համար․ ԱՄՆ փոխնախագահ Ջեյ Դի Վենս
📣 Վենսը նշել է, որ ԱՄՆ-ն և Իրանը նաև համաձայնության են հասել Ատոմային էներգիայի միջազգային գործակալության (ԱԷՄԳ) տեսուչների՝ Իրան վերադառնալու հարցի շուրջ։
🗣 «Իրանցիները համաձայնել են ԱԷՄԳ-ի տեսուչներին հետ կանչել իրենց երկիր։ Սա կարևոր հանգրվան է ամերիկյան ժողովրդի համար և առաջին քայլը դեպի լիակատար ապամիջուկայնացում կամ Իրանի միջուկային զենքի ստեղծման ծրագրի մշտական ​​դադարեցում», — հայտարարել է ԱՄՆ փոխնախագահը։ |armenpress.am|

⚖️ «Հայաստան» դաշինքը կդիմի ՍԴ՝ Սեդա Սաֆարյանի մասնակցությունը ընտրությունների վերաբերյալ դատավարությանը անհնարին ճանաչելու պահանջով։
📣 Դաշինքից նշել են, որ ՍԴ դատավոր Սաֆարյանը պետք է չմասնակցի դատավարությանը կողմնակալության հիմքով: Նա 2021 թվականի խորհրդարանական ընտրություններում ընդգրկված էր «Շիրինյան-Բաբաջանյան ժողովրդավարների դաշինք»-ի ցուցակում:
📌 Արման Բաբաջանյանի «Հանուն Հանրապետության» կուսակցությունը ևս Սահմանադրական դատարանում բողոքարկում է ընտրությունների արդյունքները, իսկ 2021-ին Բաբաջանյանը Սաֆարյանի հետ նույն դաշինքում էր: |azatutyun.am|

❗️ Փամբակ գետում հայտնաբերվել է 13-ամյա աղջկա մարմինը։
📣 ՆԳՆ փրկարար ծառայության ջրասուզակը հայտնաբերել է հունիսի 15-ից որոնվող 2013 թվականի ծնված Մարինե Մարտիրոսյանի մարմինը։
📌 Որոնողական աշխատանքներին ներգրավվել էին փրկարարական և ոստիկանական ծառայողներ, կամավորներ, ջրասուզակներ, անօդաչու թռչող սարքեր, օգտագործվել են նաև նավակներ ու այլ տեխնիկական միջոցներ։
[ՀՀ ՆԳՆ փրկարար ծառայություն]