Category: Infocom

🇦🇲🇪🇺 ՀՀ պաշտպանության նախարար Սուրեն Պապիկյանը Բրյուսելում հանդիպել է ԵՄ պաշտպանության և տիեզերքի հարցերով հանձնակատար Անդրիուս Կուբիլիուսի հետ։

🤝 Հանդիպման ընթացքում քննարկվել են պաշտպանության ոլորտում համագործակցության հնարավորություններին և զարգացման հեռանկարներին, ինչպես նաև տարածաշրջանային ու միջազգային անվտանգությանն առնչվող մի շարք հարցեր:
[ՀՀ ՊՆ]

🔸 Գործարար Սամվել Կարապետյանի տնային կալանքի դեմ բողոքի հարցով դատական նիստին ընդառաջ նրա առաջնորդած «Ուժեղ Հայաստան» կուսակցության ներկայացուցիչներն ակցիա են իրականացնում կառավարության դիմաց:
🗣 Ակցիայի մասնակիցները վարչապետից պահանջում են վերջ տալ «անօրինական գործողություններին, որ Հայաստանում այլևս չլինեն քաղբանտարկյալներ»: «Ազատություն Սամվել Կարապետյանին», «ազատություն Հայաստանի Հանրապետությանը»՝ այս կարգախոսներով են նրանք եկել Հանրապետության հրապարակ: |azatutyun.am|

✈️🇹🇷 ԱԺ նախագահ Ալեն Սիմոնյանի գլխավորած պատվիրակությունը ապրիլի 16-19-ը կգործուղվի Ստամբուլ՝ Միջխորհրդարանական միության 152-րդ վեհաժողովին մասնակցելու համար:
📌 Այս մասին տեղեկանում ենք ՀՀ ԱԺ կայքից:

❄️🌧 Ձյուն և ձնախառն անձրև. մարտի 14-ին առանձին շրջաններում, 15-16-ին շրջանների մեծ մասում սպասվում են տեղումներ, լեռնային գոտիներում՝ ձյան, նախալեռնային և հովտային գոտիներում՝ ձնախառն անձրևի և անձրևի տեսքով։
🌫⛸ Մարտի 15-16-ին Շիրակում, Լոռիում, Տավուշի բարձրադիր գոտիներում, Արագածոտնի, Կոտայքի, Վայց ձորի, Սյունիքի լեռնային գոտիներում, Գեղարքունիքում կտեղա ձյուն, առանձին հատվածներում ձյան տեղումները կլինեն զգալի՝ ուղեկցվելով բքով և ցածր հորիզոնական տեսանելիությամբ, ճանապարհներին կդիտվի մերկասառույց։
[Հիդրոօդերևութաբանության և մոնիթորինգի կենտրոն]

🇹🇷 Գիշերը Թուրքիայի Ինջիրլիք ավիաբազայում օդային տագնապի ազդանշաններ են հնչել՝ հաղորդել է թուրքական պետական ​​«Անադոլու» գործակալությունը։
🇦🇪 Դուբայում ԱԹՍ-ների հարվածների է ենթարկվել առևտրային օդանավակայանին կից ֆինանսական ենթակառուցվածքը: Ըստ տեղի լրատվականների՝ օդային հարձակումը հաջողությամբ կասեցվել է, սակայն բեկորները փոքր միջադեպի պատճառ են դարձել, և տուժածներ չկան:
🇮🇶 Իրաքյան Էրբիլում հարձակման հետևանքով ֆրանսիացի զինվորական է զոհվել, մի քանիսն էլ վիրավորվել են՝ հայտնել է Մակրոնը:
🇶🇦 Կատարը դատապարտել է Լիբանանի հյուսիսում Իսրայելի հարվածները՝ դրանք բնութագրելով որպես «միջազգային մարդասիրական իրավունքի ակնհայտ խախտում»:
🇮🇷🇮🇱 Օդային հարվածները շարունակվում են Իրանում, Իսրայելում և Ծոցի երկրներում:

🇵🇰🇦🇫 Պակիստանը ռմբակոծել է Kam Air մասնավոր ավիաընկերության վառելիքի պահեստը Աֆղանստանի Կանդահար օդանավակայանի մոտակայքում՝ հայտնել են թալիբները:
🗣 «Ընկերությունը վառելիք է մատակարարում քաղաքացիական ավիաընկերություններին, ինչպես նաև ՄԱԿ-ի ինքնաթիռներին»,- հայտարարել է «Թալիբան» շարժման ներկայացուցիչ Զաբիհուլլա Մուջահիդը: |azatutyun.am|

🇶🇦🇦🇲🇴🇲 Կատարից Օման անվճար տեղափոխվել է ՀՀ 10 քաղաքացի, որոնց Կատարում ՀՀ դեսպանը ուղեկցել է դեպի Սաուդյան Արաբիայի սահման:
🔸 Դեսպան Տիգրան Գևորգյանի մասնակցությամբ երկու անգամ կազմակերպվել է հանդիպում ՀՀ քաղաքացիների հետ։ ԱԳՆ-ի կողմից որոշում է կայացվել Կատարում գտնվող բոլոր ՀՀ քաղաքացիների համար ապահովել Սաուդյան Արաբիա մուտքի արտոնագրեր։
🔸 Կատարի Պետությունում գտնվող Հայաստանի սպորտային մարմնամարզության տղամարդկանց հավաքականի համար ևս տրամադրվել են Սաուդյան Արաբիա մուտքի արտոնագրեր՝ Հայաստան վերադարձի համար։
[ՀՀ ԱԳՆ]

🇦🇲🇪🇺 Փաշինյանն ընդունել է ԵՄ ներքին գործերի և միգրացիայի հարցերով հանձնակատար Մագնուս Բրուններին։
📣 Բրունները շեշտել է, որ Հայաստանը վիզաների ազատականացման գործողությունների ծրագիրն իրականացնում է հաջողությամբ և արդյունավետ: Նա հույս է հայտնել, որ Հայաստանի հետևողական քայլերը կհանգեցնի սպասված վերջնարդյունքին։ Նա ևս մեկ անգամ ընդգծել է բարեփոխումների առաջմղման նպատակով ԵՄ կողմից աջակցություն ցուցաբերելու պատրաստակամությունը։
🗣 Բրունները հանդիպել է նաև ՆԳ նախարար Արփինե Սարգսյանի հետ։ Համատեղ ասուլիսում Սարգսյանը նշել է, որ ԵՄ գործընկերների կողմից տրամադրված գործողությունների ծրագրում որևէ ժամկետային սահմանափակում չկա և հայկական կողմից է կախված, թե դրանք ինչ ժամկետում արագ և որակով կիրականացնի։