Category: Infocom

🇮🇱 Իսրայելի բանակը ցամաքային հարձակում է սկսել Գազա քաղաքը գրավելու համար: Այդ մասին հաղորդում է Axios-ը՝ հղում անելով իսրայելցի պաշտոնյաներին։
📍 Նախօրեին իսրայելական ռմբակոծությունների հետևանքով Գազայում ավերվել էր առնվազն 30 բնակելի շենք, հազարավոր մարդիկ հարկադրված լքել են իրենց տները: |azatutyun.am|

📌 Հակոբ Կարապետյանը ահազանգում է՝ քաղաքապետարանի պաշտոնյան իր հասցեին սպառնալիքներ է հնչեցրել, իսկ երկու շաբաթ անց դիմակավորված անձը նրան ծեծի է ենթարկել. Կարապետյանը համոզված է՝ երկու դեպքերը ուղիշ կապ ունեն իրար հետ.
🔸Կարապետյանը տեսուչների կողմից ավտոբուսում ուղեվարձը վճարած կնոջը տուգանելու առնչությամբ գրառում է կատարել, ինչից հետո
իրեն գրել է «ոմն Ավետիք Բաբայան եւ կեղտոտ ու անհարգալից բառապաշարով «հաշիվ պահանջել» գրածի համար»։
❗️Կարապետյանը պարզել է, որ վերջինս Երեւանի քաղաքապետարանի Հասարակական կարգի ծառայության պետի ժ/պ-ն է։
Կարապետյանի խոսքով՝ ինքը դիմել է քաղաքապետարան, սակայն որեւէ արձագանք չի ստացել։
🗣️«Երկու շաբաթ անց, իմ աշխատավայրից դուրս եմ գալիս մութ ժամին, բակի անկյունում դիմացս դուրս է գալիս դիմակավորված մեկն ու առանց բառ ասելու սկսում է հարվածներ հասցնել»։

📌 «Երևանի ավտոբուս» ՓԲԸ մամուլի խոսնակ Գեղամ Ասատրյանը Ֆեյսբուքի իր էջում անդրադարձել է հանգստյան օրերին մամուլում տարածված տեսանյութին, որտեղ վարորդը ղեկին ոչ պատշաճ դիրքով էր:
🗣 «Ուզում եմ հայտնել հետևյալը` տեսանյութը նկարահանվել է թիվ 23 երթուղին սպասարկող հանրային տրանսպորտում։ Վարորդն այսօր ազատվել է աշխատանքից»,- գրել է նա։

🇦🇲🇺🇸 Սեպտեմբերի 15-ին ՀՀ ԱԽ քարտուղար Արմեն Գրիգորյանն ընդունել է Ամերիկայի հայկական համագումարի պատվիրակությանը:
🤝 ԱԽ քարտուղարը պատվիրակության անդամներին ներկայացրել է օգոստոսի 8-ին Վաշինգտոնում ստորագրված համաձայնագրերն ու տարածաշրջանի հաղորդակցման ուղիների ապաշրջափակման շրջանակում ձեռքբերված պայմանավորվածությունները՝ ընդգծելով կնքված համաձայանգրերի և ապաշրջափակման արդյունքում ստեղծվող տնտեսական լայն հնարավորությունները՝ նաև Հայաստան-ԱՄՆ հարբերությունների ամրապնդման տեսնակյունից: [ԱԽ գրասենյակ]

🔥 Նուբարաշենի աղբավայրի կենցաղային աղբի թափման հատվածում`մոտ 700 քմ տարածքում, հրդեհ է բռնկվել։
🗣 Ահազանգը ստացվել է 11։42-ին։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից հինգ մարտական հաշվարկ, հրդեհաշիջման և փրկարարական աշխատանքների կազմակերպման բաժնի հերթապահ խումբը:
[ՆԳ մամուլի խոսնակ Նարեկ Սարգսյան] |factor.am|

💻💰 Մի շարք հարկ վճարողներ, հատուկ պահվող շտեմարանի միջոցով թաքցրել են 34 մլրդ դրամի ստվերային շրջանառություն։
🔸 Ընկերությունը, մեծամասամբ դեղատնային և բժշկական սպասարկման ոլորտում գործունեություն իրականացնողների համար, փոխադարձ համաձայնությամբ, ստեղծել է առևտրային և հաշվապահական հաշվառման ծրագրեր, որոնցում ներդրված հատուկ գործիքների միջոցով հսկիչ-դրամարկղային մեքենաների կիրառման արդյունքում, շրջանառության մի մասը չի ներառվել հարկվող շրջանառության մեջ:

🔸 Այս կերպ հնարավորություններ և պայմաններ են ստեղծվել ստվերային շրջանառության առանձնացված հաշվառում վարելու համար։ Ընկերության ծրագրային ապահովումը նաև հնարավորություն է ընձեռել հսկիչ-դրամարկային մեքենաներում մուտքագրման և հարկային մարմին ուղարկման ենթակա ապրանքների իրական անվանացանկը փոխարինելու այլ ապրանքներով։
[ՊԵԿ]
🔗Կարդալ ավելին

🛬 Wizz Air-ը Երևանում հայտարարում է բաց դռների օր՝ օդաչուների համար։
👩‍✈️ Այս տարվա հոկտեմբերի մեկին «Զվարթնոց» միջազգային օդանավակայանում պաշտոնապես բացելով ավիաընկերության բազան՝ Wizz Air-ն ընդլայնվելու է և պատրաստ է ընդունել փորձառու օդաչուների և անհատների, որոնք ցանկանում են ավելին իմանալ Եվրոպայի ամենաարագ զարգացող ավիաընկերություններից մեկում աշխատանքային հնարավորությունների մասին։
📅 Սեպտեմբերի 27-ին՝ ժամը 14։00-ին և 16։00-ին Best Western Plus Congress հյուրանոցում տեղի կունենան «Բաց դռների օր օդաչուների համար» և «Բաց դռների օր Wizz Air Pilot Academy-ի համար» հանդիպումները։
Մանրամասները՝ հղումով։
#գործընկերային_բովանդակություն

🗣 ՀՀԿ-ն չի քննարկում ընտրություններին մասնակցել-չմասնակցելու հարցը, որովհետև մենք զբաղված ենք իմպիչմենտի նախապատրաստություններով։ Մինչև ընտրություններ Փաշինյանը անդառնալի բաներ կարող է անել:
🔸 Ես չեմ կարծում՝ Հայաստանում կլինի քաղաքական ուժ, որը ռևանշիզմի գաղափարախոսությամբ կմասնակցի ընտրությանը․ նման խոսույթ օգտագործում են Ալիևն ու ՔՊ-ն:
[ԱԺ «Պատիվ ունեմ» խմբակցության ղեկավար Հայկ Մամիջանյանը՝ խորհրդարանական ճեպազրույցի ժամանակ] |aravot.am|

✅ ՀՀ կառավարության որոշմամբ փոփոխություններ են կատարվել պետական սահմանը հատելու վերաբերյալ անձնագրերում կամ դրանց փոխարինող փաստաթղթերում արվող նշումներում, մասնավորապես՝ փոփոխվել են կնիքի չափսերը, և հանվել է պատկերված Արարատ լեռը:
⏳ Որոշումն ուժի մեջ կմտնի 2025թ. նոյեմբերի 1-ից:
💬 Անդրադառնալով թեմային՝ ՀՀ ԱԺ «Հայաստան» խմբակցության պատգամավոր Քրիստինե Վարդանյանը գրել է, թե «Թուրքիան պահանջել է հրաժարվել Արարատ լեռի որևէ կերպ հիշատակումից, արշավ ենք սկսել լեռան դեմ՝ այն հեռացնելով բոլոր հնարավոր տեղերից»՝ հիշեցնելով հայկական կողմի պնդումները, թե «նախապայմաններ չկան»:
📣 ՀՀ աշխատանքի և սոցիալական հարցերի նախարար Արսեն Թորոսյանն էլ պարզաբանում է տարածել լայն քննարկումների առիթ դարձած որոշման վերաբերյալ՝ նշելով. «Որոշման հիմնավորումները շատ պարզ են՝ կնիքները համապատասխանեցվել են սահմանահատումներին ներկայացվող ժամանակակից պահանջներին, ինչպես նաև Իրական Հայաստանի գաղափարախոսությանը»: