Category: Infocom

‼️ ՄԻՊ ներկայացուցիչները այցելել են «Աբովյան» ՔԿՀ և առանձնազրույց ունեցել Արեգնազ Մանուկյանի հետ:
🔸 Վերջինս հայտնել է, որ իր նկատմամբ դատարանի կիրառած հաղորդակցության սահմանափակման հետևանքով չի կարողանում հաղորդակցվել դստեր հետ։ Հարցը ՄԻՊ-ը հասցեավորել է անձի կողմից խնդիրը բարձրաձայնելուց անմիջապես հետո։
🔸 «Պաշտպանի հաստատությունը հաղորդակցություն է վարում գործընկեր կազմակերպությունների հետ՝ նշված գործընթացում երեխայի լավագույն շահն ապահովելու, ինչպես նաև երեխայի կարիքներին համարժեք աջակցության ապահովման
հնարավորությունը քննարկելու ուղղությամբ»,- ասվում է ՄԻՊ հաղորդագրության մեջ:

✅ Զինծառայող Ն.Թ.-ի մահվան դեպքի առթիվ նախաձեռնված քրեական վարույթի նախաքննության ընթացքում վերջինիս համածառայակից կրտսեր սերժանտի նկատմամբ հարուցվել է հանրային քրեական հետապնդում՝ Քրեական օրենսգրքի 522-րդ հոդվածի 2-րդ մասի 1-ին, 2-րդ և 3-րդ կետերով, իսկ շարքային զինծառայողի նկատմամբ՝ 522-րդ հոդվածի 2-րդ մասի 1-ին և 3-րդ կետերով (զինծառայողին անզգուշությամբ ինքնասպանության հասցնելը):
⚖️ Վերջիններս ձերբակալվել են և նրանց նկատմամբ կալանքը որպես խափանման միջոց կիրառելու վերաբերյալ միջնորդություն է ներկայացվել դատարան:
[ՔԿ խոսնակ Կիմա Ավդալյան]

🛍 Wildberries-ը սկսել է առաջին վճարումները վաճառողներին իր պահեստների վրա հարձակումից հետո: Այս մասին լրագրողներին հայտնել է Wildberries-ի հիմնադիր Տատյանա Կիմը, հաղորդում է ՏԱՍՍ-ը։
🗣 «Այսօր ավելի քան 88 հազար վաճառող կստանա առաջին փոխհատուցումները։ Մեկ օրվա ընթացքում դրանք կհայտնվեն վաճառողի հաշվեկշռում։
📌 Փոխհատուցման մեխանիզմի մանրամասն բանաձևը կհրապարակվի վաճառողների պորտալում»,- տեղեկացրել է Կիմը։ |tert.am|

📣 Հայաստանում վերջին ժամանակներում քաղաքական հայտ ներկայացնելը հանցագործություն է համարվում, իր ֆեյսբուքյան էջում հայտարարել է Նարեկ Կարապետյանը։
🗣 «Կարիք չկա խորանալու, թե ինչի մեջ քեզ կմեղադրեն։ Ավելի մեծ պատիվ է մեր պայքարի համար գտնվել ճաղերի այն կողմում, քան այս կողմում։
🔸 Մենք շարունակելու ենք այս պրոցեսը, որովհետև սա մի մեծ պատմության, մեծ տարածաշրջանային զարգացման մի մաս է, որի հիմնական նպատակները լրիվ այլ են»,- նշել է Կարապետյանը։