Category: Infocom

🇹🇷 Թուրքիայի օդային տարածքի խախտումը «չի կարող արդարացվել որևէ պատճառով»։
☎️ Այդ մասին Թուրքիայի նախագահ Էրդողանն ասել է Իրանի նախագահ Փեզեշքիանի հետ հեռախոսազրույցում՝ ընդգծելով, որ Անկարան հավանություն չի տալիս Իրանի դեմ «անօրինական միջամտություններին» և Իրանի կողմից տարածաշրջանի երկրների թիրախավորմանը։
🇮🇷 Իրանի նախագահը ասել է, որ ԱՄՆ-ն և Իսրայելը փորձում են անհամաձայնություն ստեղծել Թեհրանի և տարածաշրջանային պետությունների միջև։

🇺🇸 🇷🇺 Թրամփի վարչակազմը դիտարկում է ռուսական նավթի նկատմամբ սահմանված պատժամիջոցները մեղմելու հնարավորությունը՝ համաշխարհային էներգակիրների գների կտրուկ աճը զսպելու նպատակով։
🗣 Այս մասին հայտնում է Reuters-ը՝ հղում կատարելով իր երեք աղբյուրներին։

🇷🇺🇺🇸 Վլադիմիր Պուտինն ու Դոնալդ Թրամփը հեռախոսազրույց են ունեցել, հայտնել է ՌԴ նախագահի օգնական Յուրի Ուշակովը։
📞 Զրույցը, որը տևել է մոտ մեկ ժամ, կայացել է ամերիկյան կողմի նախաձեռնությամբ։
🗣 «Շեշտը դրվել է Իրանի հետ հակամարտության շուրջ ստեղծված իրավիճակի և ուկրաինական կարգավորման շուրջ ընթացող եռակողմ բանակցությունների վրա։
📌 Ռուսաստանի նախագահը մի շարք նկատառումներ է հայտնել՝ ուղղված իրանական հակամարտության արագ քաղաքական և դիվանագիտական կարգավորմանը»,- հայտնել է Ուշակովը։

🇦🇲🇫🇷 Վարչապետ Նիկոլ Փաշինյանն աշխատանքային այցով մեկնել է Ֆրանսիայի Հանրապետություն։
🔸 Մարտի 10-ին՝ Փարիզում, վարչապետը կմասնակցի Միջուկային էներգիայի գագաթնաժողովին։
[ՀՀ վարչապետի մամուլի քարտուղար]

🇮🇱🇱🇧 Իսրայելի պաշտպանության ուժերը (IDF) հայտնել են, որ Լիբանանից երկրի ուղղությամբ արձակված հրթիռներ են որսացել։
🗣 «Իսրայելի մի քանի շրջաններում Լիբանանից արձակված արկեր են հայտնաբերվել։ Իսրայելի ռազմաօդային ուժերը որսացել են դրանցից մի քանիսը, և ևս մի քանիսն ընկել են բաց տարածքներում։ Հարված է գրանցվել նաև Իսրայելի կենտրոնում», — նշվում է Իսրայելի պաշտպանության ուժերի հաղորդագրությունում։ |armenpress.am|

🇦🇲 Վարչապետ Նիկոլ Փաշինյանը տեսակոնֆերանսի ձևաչափով մասնակցել է Եվրոպական խորհրդի նախագահ Անտոնիու Կոշտայի և Եվրոպական հանձնաժողովի նախագահ Ուրսուլա ֆոն դեր Լայենի նախաձեռնությամբ կազմակերպված հեռավար հանդիպմանը։
💬 Տարածաշրջանի մի շարք երկրների ղեկավարներ քննարկել են Մերձավոր Արևելքի շուրջ ստեղծված իրավիճակը և տարածաշրջանային լարվածության նվազեցման հնարավոր ուղիները։
📣 Վարչապետ Փաշինյանն իր ելույթում նշել է, որ Հայաստանը մտահոգությամբ է հետևում տարածաշրջանում զարգացող իրադարձություններին՝ հատկապես հաշվի առնելով, որ իրավիճակում ներգրավված են Հայաստանի համար բարեկամ և գործընկեր մի շարք երկրներ։
[ՀՀ կառավարություն]

🏫❗️ ՀՀ հակակոռուպցիոն կոմիտեում նախաձեռնված քրեական վարույթով պարզվել է, որ Մանկավարժական համալսարանի պրոռեկտորի պաշտոնը զբաղեցրած անձը, ռեկտորի իմացությամբ, տրանսպորտային բաժնի պետին և համալսարանի ենթակայությամբ գործող «Աղավնաձոր» ուսումնական բազայի տնօրենին առաջարկել է ՀՊՄՀ հիմնադրամի […] հաշվեկշռում մուտքագրված գումարները տնօրինելու դիմաց իրեն և ռեկտորին կաշառք տալ:
💰 Վերը նշված պաշտոնատար անձինք կաշառք են պահանջել և ստացել նաև […] մի շարք այլ հանցավոր գործողություններ կատարելու դիմաց:
💵 Արդյունքում՝ համալսարանի պաշտոնատար անձինք որպես կաշառք ընդհանուր ստացել են շուրջ 18 միլիոն ՀՀ դրամ: Բացի այդ, հայտնաբերվել են ռեկտորի և պրոռեկտորի կողմից շուրջ 12 միլիոն ՀՀ դրամի գումարի հափշտակության դեպքեր: Արդյունքում՝ շուրջ 30 միլիոն ՀՀ դրամ չի մուտքագրվել համալսարանի հաշվեկշիռ:
📌 Համալսարանի ռեկտորին, պրոռեկտորին եւ համալսարանի 8 աշխատակիցների մեղադրանքներ են ներկայացվել ՀՀ քրեական օրենսգրքի մի շարք հոդվածներով։

⚖️ Նախաքննությունն ավարտվել է, նյութերը մեղադրական եզրակացությամբ ուղարկվել են ՀՀ հակակոռուպցիոն դատարան։
[ՀՀ հակակոռուպցիոն կոմիտե]

🇱🇧🇮🇱 Human Rights Watch (HRW) միջազգային իրավապաշտպան կազմակերպությունը հայտարարել է, որ իսրայելական ուժերը հարավային Լիբանանում «անօրինականորեն» հարվածել են սպիտակ ֆոսֆոր պարունակող արկերով։
❗️ HRW-ը հայտարարել է, որ չի կարող անկախ կերպով պարզել՝ արդյո՞ք տարածքում դեռևս կան բնակիչներ կամ արդյո՞ք որևէ մեկը տուժել է։ |factor.am|

📱❌ Սոցիալական հարթակներում ներդրում կատարելու միջոցով գումար աշխատելու վերաբերյալ գովազդները կեղծ են. Քննչական կոմիտե
📣 Տարբեր սոցիալական հարթակներում՝ «Facebook», «Telegram» և այլն, տեղադրվում են ներդրում կատարելու միջոցով գումար աշխատելու վերաբերյալ գովազդներ՝ թողնելով հղում, որտեղ քաղաքացին լրացնում է իր անձնական տվյալները։ Դրանից հետո քաղաքացու հետ կապ են հաստատում օնլայն հեռահաղորդակցման միջոցներով՝ «WhatsApp», «Telegram» և այլ հավելվածներով, ներկայացնում եկամուտ ստանալու պայմանները՝ հիմնականում ստեղծելով օտարերկրյա կազմակերպություններում ստեղծված կեղծ ներդրումային հղումներով կայքեր, որտեղ քաղաքացին գրանցվում է, ստեղծում օգտահաշիվ, ստանում ֆիշինգային հղում, որտեղ օգտահաշիվը լիցքավորելու քողի տակ լրացնում է իր բանկային քարտի նույնականացման տվյալները՝ հանցագործներին հնարավորություն տալով  հափշտակելու խոշոր և առանձնապես խոշոր չափերով դրամական միջոցներ։
📌 Քննչական կոմիտեն հորդորում է նմանատիպ գովազդներ կամ հաղորդագրություններ ստանալու դեպքում զերծ մնալ թելադրվող գործողությունները կատարելուց, ինչպես նաև այդ մասին հայտնել իրավապահ մարմիններին: