Category: Infocom

❗️Աղստև գետից տղամարդու դի է դուրս բերվել․ ՆԳՆ
🗣 Այսօր ժամը 15։15-ին ահազանգ է ստացվել, որ Աղստևի Ազատամուտ գյուղի հատվածում գետում երկու եղբայրներ են խեղդվում։ Նշված վայր են մեկնել ՆԳՆ փրկարար ծառայության և ոստիկանության աշխատակիցներ։ Որոնողափրկարարական աշխատանքներին մասնակցում է 31 փրկարար, 5 ջրափրկարար և գյուղի բնակիչներ։ Որոնողափրկարարական աշխատանքները շարունակվում են։
[ՆԳՆ խոսնակ Նարեկ Սարգսյան] |factor.am|

🇧🇩 Բանգլադեշում ցույցերի ֆոնին հրաժարական տված ու երկիրը լքած վարչապետ Շեյխ Հասինան ապաստան է խնդրել Մեծ Բրիտանիայից։ Նրա քույրը՝ Ռեհանան, որը Մեծ Բրիտանիայի քաղաքացիություն ունի, ուղեկցում է նրան։ Այս մասին հայտնել են The Hindu լրատվամիջոցի աղբյուրները։
🔸Նշենք, որ Բանգլադեշի վարչապետը հրաժարական է տվել և լքել երկիրը զանգվածային ցույցերի ֆոնին, որոնց հետևանքով առնվազն 300 մարդ է զոհվել: Հրաժարականից առաջ տեղեկություններ են տարածվել, որ հազարավոր ցուցարարներ գրոհել են մայրաքաղաք Դաքքայում գտնվող նրա նստավայրը:
🔸Ըստ ԶԼՄ-ների Բանգլադեշում հուլիսի սկզբից շարունակվող բողոքի ակցիայի մասնակիցները դժգոհում են, որ պետական հատվածի աշխատատեղերի 30%-ը նախատեսված է 1971 թ․ պատերազմի վետերանների հարազատների համար, ինչի պատճառով նորավարտ ուսանողները դժվարությունների են բախվում պետական ծառայության անցնելիս:

🇪🇺 Որքան ինձ հայտնի է, խաղաղության պայմանագրի նախագծի մեծ մասն արդեն համաձայնեցված է, ինձ թվում է, որ պակասում է միայն վերջնագիծն անցնելու համար անհրաժեշտ քաղաքական կամքը․ Տոյվո Կլաար

🔸 Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչի խոսքով՝ խաղաղության պայմանագիրը և դրա հետագա իրականացումը հիմնովին կփոխեն տարածաշրջանի իրավիճակը․ «Կարծում եմ, որ առաջնորդները նույնպես կիսում են այս տեսակետը և կձեռնարկեն բոլոր անհրաժեշտ ջանքերը՝ այս հարցի շուրջ վերջնական համաձայնության հասնելու համար:
🗣 Սակայն այն փաստը, որ նրանք չհանդիպեցին Միացյալ Թագավորությունում վերջերս կայացած Եվրոպական քաղաքական համայնքի գագաթնաժողովի ժամանակ, հիշեցում է նաև, թե որքան փխրուն է դեռևս այս գործընթացը: Դա չի նշանակում, որ կողմերից որևէ մեկը հանձնառություն չունի, բայց ակնհայտ ցույց է տալիս այն զգայունությունը, որը կա ոչ միայն բովանդակության, այլև հարաբերությունների կարգավորման քննարկումների գործընթացի առնչությամբ:|jam-news.net|

🇷🇺🇦🇲 «Զվարթնոց» օդանավակայանում ծառայությունն ավարտելուց հետո ռուս սահմանապահներն այն շարունակում են Հայաստան-Թուրքիա և Հայաստան-Իրան սահմանին. ԱԱԾ
🔸Հարցին՝ քանի՞ ռուս սահմանապահ է ծառայություն իրականացրել «Զվարթնոց»-ում, ԱԱԾ-ից տեղեկության տրամադրումը մերժել են՝ պնդելով, որ դա պետական գաղտնիք է։ |azatutyun.am|

🔸 Օգոստոսի 14-ից 16-ը Նովոսիբիրսկում կանցկացվեն ՀԱՊԿ «Կոբալտ-2024» զորավարժությունները՝ Ռոսգվարդիայի ղեկավարությամբ․ Հայաստանը մասնակիցների թվում չէ։

📌 Ռոսգվարդիայի մամուլի ծառայությունից նշել են, որ միջոցառմանը կմասնակցեն Ռուսաստանի Դաշնության, Բելառուսի, Ղազախստանի, Տաջիկստանի և Ղրղզստանի շահագրգիռ նախարարությունների և գերատեսչությունների ներկայացուցիչներ։ |tert.am|

🔍 Կենտրոնական բժշկական հանձնաժողովի անդամը պայմանավորվածություն է ձեռք բերել զորակոչիկի հետ՝ վերջինիս պարտադիր զինվորական ծառայությունից ազատելու հարցի լուծման համար 6000-6500 ԱՄՆ դոլար կաշառք ստանալու շուրջ:
🔸Զորակոչիկն ու նրա մտերիմ անձը 6000 ԱՄՆ դոլար կաշառքի գումարը փոխանցել են վիրաբուժական կլինիկաներից մեկի ղեկավարին, ով նշված գումարից 4000 ԱՄՆ դոլարը տվել է նշված հանձնաժողովի անդամին։ Արդյունքում զորակոչիկը ճանաչվել է ոչ պիտանի և ազատվել պարտադիր զինվորական ծառայությունից:
🔸Պարզվել է նաեւ, որ վիրաբուժական կլինիկայի ղեկավարը ևս երեք զորակոչիկների զինվորական ծառայությունից ազատելու հարցը լուծելու համար ստացել է տարբեր չափերի դրամական միջոցներ: [ՔԿ]

🛍 ՄՊՀ-ն «Գլոբբինգի/Globbing»-ի նկատմամբ նշանակել է շուրջ 53 մլն դրամի տուգանք՝ հասարակության մոլորեցման դրսևորումներով անբարեխիղճ մրցակցության համար:
🇨🇳 Չինաստանից ՀՀ օդային առաքումների համար «5-10 աշխատանքային օր» ժամկետ հայտարարելու պարագայում 2022 թ. հունվարի 1-ից մինչև 2023 թ. ապրիլի 25-ն ընկած ժամանակահատվածում առաքումների առնվազն 26%-ն առաքվել է ժամկետի խախտմամբ,

🔸 Կայքի գլխավոր էջում «5-10 աշխատանքային օր» ժամկետ սահմանելու պարագայում նույն կայքի «Ընդհանուր դրույթներ և պայմաններ» բաժնում նշել է, որ հայտարարված փոխադրման ժամկետները պայմանական են և դրանց խախտման համար Globbing-ը որևէ պատասխանատվություն չի կրում, այսինքն կայքի տարբեր բաժիններում նշվել են իրար հակասող պայմաններ։

🇬🇧🇱🇧Մեծ Բրիտանիան հետ է կանչել Բեյրութում դեսպանատան աշխատակիցների ընտանիքներին և կրկնել կոչը իր քաղաքացիներին լքել երկիրը՝ հաշվի առնելով Մերձավոր Արևելքում անվտանգային իրավիճակը. «Մենք խորապես անհանգստացած ենք Լիբանանում անվտանգության ծայրահեղ փխրուն իրավիճակով», – ասել է ԱԳՆ խոսնակը՝ հավելելով, որ տարածաշրջանում լրացուցիչ հյուպատոսական սպաներ և զինվորականներ են տեղակայվել։
🌍 Իրենց քաղաքացիներին Լիբանանը լքելու կոչ են արել ԱՄՆ-ն, Մեծ Բրիտանիան, Ֆրանսիան, Հորդանանը, Թուրքիան, Ճապոնիան, Հայաստանը և այլ երկրներ։