Category: Infocom

🇦🇲🇬🇧 ՀՀ ԶՈՒ ԳՇ պետ, գեներալ-լեյտենանտ Էդվարդ Ասրյանը Լոնդոնում հանդիպել է բրիտանական բանակի գլխավոր շտաբի պետ, գեներալ Ռոլանդ Ուոքերի հետ։ Կողմերը քննարկել են երկու պետությունների միջև պաշտպանության ոլորտում առկա համագործակցության շրջանակը և դրա հետագա զարգացման ու ընդլայնման հնարավորությունները։
🔸 Ասրյանի գլխավորած պատվիրակությունը Լոնդոնում մասնակցել է Ցամաքային պատերազմավարման հարցերին նվիրված ամենամյա համաժողովին։
[ՀՀ ՊՆ]

🇺🇳❗️ ՄԱԿ-ի Անվտանգության խորհուրդը նիստ է անցկացրել՝ կապված Թեհրանում ՀԱՄԱՍ-ի ղեկավարի սպանության հետ։ ԱԽ-ի անդամ երկրները կոչ են արել միջազգային ջանքեր և ճնշում գործադրել կողմերի վրա՝ կանխելու Մերձավոր Արևելքում տարածաշրջանային պատերազմը:
🇵🇸 Նիստում Պաղեստինի ներկայացուցիչը հայտարարել է, որ համաշխարհային հանրությունը պետք է թույլ չտա, որ Իսրայելը Մերձավոր Արևելքը ներքաշի «անդունդը»։
🇮🇷Իրանի ներկայացուցիչը ասել է, որ Թեհրանը ցուցաբերել է առավելագույն զսպվածություն, սակայն պահում է իր իրավունքը՝ վճռական պատասխան տալու Հանիեի սպանության համար։
🇨🇳🇷🇺Չինաստանի, Ռուսաստանի ներկայացուցիչները դատապարտել են Հանիեի սպանությունը:
🇺🇸🇬🇧🇫🇷 ԱՄՆ-ն, Միացյալ Թագավորությունը և Ֆրանսիան բարձրաձայնել են, որ Իրանը աջակցում է տարածաշրջանը ապակայունացնող դերակատարների։ |aljazeera.com|

✅ Ատոմային նոր էներգաբլոկի կառուցման ծրագրի կառավարման նպատակով «Ատոմային նոր էներգաբլոկի կառուցում» փակ բաժնետիրական ընկերություն կստեղծվի․ կառավարությունն այսօրվա նիստում նման որոշում ընդունեց։
🗣ՀՀ ՏԿԵ նախարար Գնել Սանոսյանը տեղեկացրեց, որ ընկերությունը կստեղծվի Ատոմային էներգիայի միջազգային գործակալության (ԱԷՄԳ) ուղեցույցի հիման վրա, կլինի նախարարության ենթակայության տակ, կֆինանսավորվի պետբյուջեից։ Կազմակերպությունը նախ որպես պատվիրատու և հսկող մարմին կիրականացնի ողջ շինարարական պրոցեսը, ապա կհանդիսանա նոր ատոմային էներգաբլոկի շահագործողը։
Հիշեցնենք, որ Մեծամորի ատոմակայանի գործող էներգաբլոկի շահագործման երկարաձգված ժամկետի ավարտին 12 տարի է մնացել։ |azatutyun.am|

🇦🇲🇹🇷 Մարգարայի անցակետի սպասարկումը սկսելու համար քաղաքական որոշում պետք է լինի․ Ռուստամ Բադասյան
🗣 «Մարգարայի անցակետը պատրաստ է սպասարկել երրորդ երկրների քաղաքացիներին ու դիվանագիտական անձնագիր ունեցող անձանց։ Արդեն վաղուց պատրաստ է։ Չգիտեմ երբվանից է սպասարկվելու, քաղաքական որոշում պետք է կայացվի»,- Կառավարության նիստից հետո լրագրողների հետ զրույցում ասաց ՊԵԿ նախագահ Ռուսամ Բադասյանը։

✅ Սեպտեմբերի 15-ից դեկտեմբերի 15-ը ՀՀ-ում կանցկացվեն պահեստազորայինների վարժական հավաքներ։
🔸Որոշումն ընդունվեց Կառավարության այսօրվա նիստում։ Ըստ այդմ՝ կհայտարարվի պահեստազորի առաջին խմբի առաջին և երկրորդ կարգերում հաշվառ­ված շարքային, ենթասպայական և սպայական կազմերի պահեստազո­րա­յինների վարժա­կան հավաքներ՝ երեք ամիս ժամկետով։

🇹🇷🇦🇲🇦🇿 Թուրքիայի ԱԳ նախարարը Հայաստանի հետ սահմանի բացումը հնարավոր է համարել Հայաստան-Ադրբեջան հարաբերությունների կարգավորման դեպքում։

🗣️ Հարցին, թե ինչպիսի պայմանների դեպքում սահմանը կբացվի, Հաքան Ֆիդանը պատասխանել է. «Ադրբեջանի եւ Հայաստանի միջեւ բանակցային գործընթացը շարունակվում է։ Դրա դրական արդյունքի դեպքում մենք պետք է մեր սցենարը ունենանք։ Այս պահին տարվող աշխատանքները այդ ուղղությամբ են։ Եթե այն [հայ-ադրբեջանական հարաբերությունների կարգավորման գործընթացը-խմբ.] ամբողջացվի, ապա դրական սցենարը գործի կդնենք, այսինքն՝ սահմանը կարող ենք բացել»,- թուրքական Sabah-ին տված հարցազրույցում ասել է ԱԳ նախարարը։