Category: Infocom

Վեդու համայնքապետի հայրը անհայտ ծագման գումար է նվիրաբերել որդուն
«Ինֆոքոմը» ուսումնասիրել է Վեդու համայնքապետ Գարիկ Սարգսյանի և իր ընտանիքի անդամների հայտարարագրերը և պարզել, որ 2023 թվականին նա խոշոր՝ 53 մլն դրամի նվիրատվություն է ստացել հորից և ազգականից։
Այդ նվիրատվությամբ նա տարեվերջին ձեռք է բերել 36 մլն և 177,7 մլն դրամ արժողությամբ 2 հասարակական նշանակության շինությունների 25% մասնաբաժինները։
Կարդալ ավելին

❗️Լիբանանի մայրաքաղաք Բեյրութում երեկ տեղի ունեցածի հետևանքով տուժածների մեջ հայեր չկան։
🔶 Այդ մասին «Լուրերին» հայտնել է ԱԳՆ մամուլի խոսնակ Անի Բադալյանը:

🚗 Հուլիսի 29-ին հաղորդում էր ստացվել այն մասին, որ նույն օրը՝ ժամը 12:50-ի սահմաններում, 27-ամյա անձի կողմից վարած «Մերսեդես» մակնիշի բեռնատարը Երևան քաղաքի Աճառյան փողոցում, կանգառի մոտ, վրաերթի է ենթարկել 3 հետիոտնի։ Վրաերթի հետևանքով Երևան քաղաքի բնակիչներ 75-ամյա և 73-ամյա ամուսինները տեղում մահացել են, իսկ նրանց որդին՝ 48-ամյա տղամարդը, դիմել է բուժօգնության։
📌 Դեպքի առթիվ նախաձեռնվել է քրեական վարույթ։ Բեռնատարի 27-ամյա վարորդին ներկայացվել է մեղադրանք և որպես խափանման միջոց է ընտրվել տնային կալանքը՝ համակցված 1 մլն դրամի չափով գրավի և բացակայելու արգելքի հետ։ [Քննչական կոմիտե]

❗️2023 թ. հունվարին օպերատիվ տեղեկություններ են ստացվել Իրանի քաղաքացու կողմից ՀՀ մաքսանենգ ճանապարհով թմրամիջոցներ տեղափոխելու մասին:
📌 Իր հանցավոր մտադրությունն իրականացնելու նպատակով 2024 թ․ ապրիլի 15-ին վերջինս ապահովել է ՀՀ պետական սահմանով, մաքսանենգ ճանապարհով, առանձնապես խոշոր չափերի՝ ընդհանուր առմամբ 43 կգ (28.003,47 գրամ քաշով մարիխուանա, 14.434,75 գրամ քաշով հերոին և 1287,06 գրամ քաշով մեթամֆետամին ) թմրամիջոցների ապօրինի տեղափոխումը ՀՀ տարածք և Սյունիքի մարզից այլ վայր տեղափոխելու, տարբեր թաքստոցներում տեղադրելու գործընթացը: Վերջինիս նկատմամբ որպես խափանման միջոց է ընտրվել կալանավորումը:
⚖️ Հանցավոր խմբի մյուս անդամների մասով նախաքննությունը շարունակվում է: Ձեռնարկվում են միջոցներ՝ նրանց ինքնությունը պարզելու և հայտնաբերելու ուղղությամբ: [Քննչական կոմիտե]

🇷🇺 ՌԴ սահմանապահները հեռանում են «Զվարթնոցից». տեղի ունեցավ «Զվարթնոց» օդային անցակետում պետական ​​սահմանի պահպանությունը հայկական կողմին հանձնելու մասին արձանագրության ստորագրումը։
✍️ Արձանագրությունը ստորագրել են Հայաստանի ԱԱԾ սահմանապահ զորքերի հրամանատար Էդգար Հունանյանը և Հայաստանում ՌԴ ԱԴԾ Սահմանապահ վարչության պետ, գեներալ-լեյտենանտ Ռոման Գոլուբիցկին։
📌 Արձանագրությունում նշվում է, որ «Հայկական կողմը շնորհակալություն է հայտնում ռուսական կողմին «Զվարթնոց» օդային անցակետում սահմանային հսկողություն ապահովելու երկարաժամկետ համատեղ ծառայության համար և նշում է, որ ռուսական կողմի նկատմամբ որևէ պահանջ չունի»։ |news.am|

🇺🇸 ԱՄՆ պետքարտուղարի Եվրոպայի և Եվրասիայի հարցերով տեղակալ Ջեյմս Օ’Բրայենը խոսել է այն մասին, թե «ինչու է Հայաստանի ու Ադրբեջանի միջև խաղաղության պայմանագիրն այդքան կարևոր»։
🗣 «Նայեք քարտեզին՝ Կենտրոնական Ասիայի բոլոր երկրներն աներևակայելի հարուստ են։ Այժմ նրանց միակ մուտքը համաշխարհային շուկա հիմնականում Ռուսաստանի կամ Չինաստանի միջոցով է։ Եթե ​​մենք կարողանանք երթուղի բացել Ադրբեջանով և Հայաստանով, ապա նրանք ելք կունենան դեպի համաշխարհային շուկաներ։ Սա կնվազեցնի նաև կախվածությունը Ռուսաստանից և Չինաստանից։ Այսպիսով, սա այն է, որ թույլ տանք երկրներին ընտրել իրենց ճանապարհները դեպի համաշխարհային շուկաներ»,- ասել է Պետքարտուղարության պաշտոնյան։
🇷🇺 Օ’Բրայենը նշել է, որ Ռուսաստանը փորձում է համոզվել, որ այն, ինչ տեղի է ունենում Հայաստան-Ադրբեջան գործընթացում, տեղի ունենա իր պայմաններով․ «Կարծում եմ, որ, ճիշտն ասած, երկու երկրներն էլ որոշ չափով տարակուսած են նրա (Ռուսաստանի) ներկայությունից», – նշել է նա։
📌 Նրա խոսքով՝ Ռուսաստանը երես է թեքել Հայաստանից, իսկ Ադրբեջանը հետ է վերցրել Լեռնային Ղարաբաղը և հարակից տարածքները․ «Սա հանգեցրել է լուրջ իրավիճակի, երբ ՀՀ բնակչության մեծ մասը ցանկանում է ավելի հեռանալ Ռուսաստանից։ Այսպիսով, մենք դրա համար պայմաններ ենք ստեղծում։ |factor.am|

🇪🇺 ԵՄ-ում պնդում են՝ Երևանն ու Բաքուն պիտի «խաղերն ավարտեն» ու կնքեն խաղաղության համաձայնագիրը. Politico
🗞 Politico-ի հետ զրույցում երկու բարձրաստիճան դիվանագետ հաստատել է, որ Եվրոպական խորհրդի նախագահ Շառլ Միշելը երկկողմ հանդիպումներ է ունեցել Հայաստանի ու Ադրբեջանի ղեկավարների հետ Մեծ Բրիտանիայում՝ Եվրոպական քաղաքական համայնքի գագաթնաժողովի շրջանակներում:
🗣 Միշելը նաև նամակ է գրել կողմերին՝ կոչ անելով վերադառնալ բանակցություններին, «ավարտուն տեսքի բերել խաղաղության համաձայնագիրը», և առաջընթաց գրանցել չլուծված հարցերի շուրջ, որոնցից մեկը սահմանազատումն է:
🇦🇲🇦🇿 «Վերջիվերջո, երկու կողմերն էլ պետք է դադարեցնեն խաղերը և կնքեն համաձայնագիրը, քանի որ նախագահ Միշելն արել է ԵՄ-ի հնարավորության սահմաններում ամենը՝ խաղաղության համաձայնագրին հասնելու համար», – ասել է Միշելին մոտ կանգնած ԵՄ բարձրաստիճան դիվանագետը: |azatutyun.am|

🚘 Հուլիսի 26-ին Գյումրի-Վանաձոր ավտոճանապարհին բախվել էին BMW X3 3.01 և HONDA FTT 1.3 մակնիշի ավտոմեքենաները, ինչի հետեւանքով HONDA-ի վարորդը և վերջինիս կինը տեղում մահացել էին, իսկ նրանց 7-ամյա որդին տեղափոխվել էր բժշկական կենտրոն, որտեղ, գիտակցության չգալով, ևս մահացել էր:
🛣 Ըստ ՔԿ-ի՝ BMW-ի վարորդը չի պահպանել ճանապարհային երթևեկության կանոնները: Ուղևորի հատվածում հայտնաբերվել է «Մարիխուանա»-ի նմանվող նյութ, որը, նախնական տվյալներով, պատկանել է դեպքի պահին ուղևոր հանդիսացող անձին։
📌 Վարորդը դեպքի վայրից դիմել էր փախուստի: Նախաքննության ընթացքում տվյալներ են ստացվել, որ հատել է ՀՀ սահմանը: Միջնորդություն է ներկայացվել՝ նրա նկատմամբ կալանքը՝ որպես խափանման միջոց ընտրելու վերաբերյալ, որը բավարարվել է և նրա նկատմամբ հայտարարվել է հետախուզում։

🎞 Վերջին շրջանում սոցիալական ցանցերում լայն տարածում են գտել երեխաների մասնակցությամբ տեսանյութեր, որոնք առիթ են դառնում երեխային թիրախավորելու և բուլինգի ենթարկելու համար:
👧 Մարդու իրավունքների պաշտպանը հորդորում է զերծ մնալ երեխաների մասնակցությամբ նման նյութերի պատրաստումից, հրապարակումից և տարածումից:

[ՄԻՊ հայտարարությունը]

🔍 Իսմայիլ Հանիեի սպանությունը չի ազդի շարժման ղեկավարության քաղաքականության վրա, ՀԱՄԱՍ-ը կպատասխանի Իսրայելին այդ գործողության համար։
🗣️ Այս մասին ՌԻԱ Նովոստիին ասել է Ալժիրում խմբավորման ներկայացուցիչ Յուսեֆ Համդանը։ |factor.am|