Category: Infocom

🇫🇷🗳 Մակրոնի քաղաքական ուժը պարտվել է Ֆրանսիայի խորհրդարանական արտահերթ ընտրությունների առաջին փուլում։
🥇 Առաջատարը Մարի Լը Պենի աջ արմատական «Ազգային միավորում» կուսակցությունն է, Մակրոնի գլխավորությամբ «Միասին» քաղաքական ուժը հայտնվել է երրորդ տեղում։ Ձայների քանակով երկրորդ հորիզոնականում ձախերի «Նոր ժողովրդական ճակատ» դաշինքն է։
📌 Ընտրությունների երկրորդ փուլը նախատեսված է հուլիսի 7-ին։

🇹🇷 Թուրքիայում անտառային հրդեհներ են։ Ըստ «Անադոլու» գործակալության՝ դրանք հիմնականում տարածվում են Իզմիրում, ինչպես նաև Չանաքկալեում։
🔶️ Իզմիրում բռնկվել է 16 հրդեհ, 8-ը՝ անտառներում, 8-ը՝ գյուղական բնակավայրերում։ Որոշ շրջաններում տեղացիները, նաև զբոսաշրջիկները տարհանվել են։ |azatutyun.am|

📌 Ինչպես հայտնում է hetq.am-ը, տեսչական մարմինը Կապանի լեռնահարստացման կոմբինատում ստուգում կիրականացնի. կառույցը չի հերքում, որ Սյունիքի տարածքային բաժնի պետ Արտակ Սահակյան ԼՀԿ-ում է աշխատել, իսկ նրա եղբայրը ներկայում էլ աշխատում է այնտեղ։ Լրատվամիջոցը տեսչական մարմնի ղեկավարին խնդրել է հաստատել այդ հանգամանքը։
🗣 «Ինչ վերաբերում է տեսչական մարմնի Սյունիքի տարածքային բաժնի պետ Արտակ Սահակյանի՝ նախկինում Կապանի ԼՀԿ-ում աշխատելու, վերջինիս կողմից պաշտոնեական պարտավորություններն անաչառ եւ օբյեկտիվ իրականացնելու վերաբերյալ Ձեր հարցադրումներին՝ նշենք, որ Արտակ Սահակյանը ներգրավված չէ վերը նշված կազմակերպությունում նախատեսվող ստուգման խմբի կազմում», – հայտնել են տեսչական մարմնից։
🔶️ Այսինքն՝ տեսչական մարմնի ղեկավարը չի հերքել ու, ըստ էության, անուղղակիորեն հաստատել է տեղեկությունները։

🇫🇷 Ֆրանսիայում այսօր խորհրդարանական արտահերթ ընտրությունների առաջին փուլն է։ Երկրորդ փուլը հուլիսի 7-ին է նշանակված։
🔶️ Հիմնական մրցակից ուժերն են ծայրահեղ աջ «Ազգային միավորումը» և ձախ կուսակցությունների նորաստեղծ «Նոր ժողովրդական ճակատը»։ |azatutyun.am|

🇦🇲🇺🇸🇦🇿 Պատմական հնարավորություն է ստեղծվել Ադրբեջանի և Հայաստանի միջև խաղաղության համաձայնագրի կնքման համար։ APA-ի հաղորդմամբ, այս մասին հայտարարել է Ադրբեջանում ԱՄՆ դեսպան Մարկ Լիբբին։
🗣 «Ադրբեջանն ու Հայաստանը ավելի քան երբևէ մոտ են խաղաղության համաձայնագրի ստորագրմանը: Միացյալ Նահանգները նույնպես կարծում է, որ այս ուշագրավ քայլերը պատմական հնարավորությունների պատուհան են բացել»,- ասել է նա: |armtimes.com|

🇮🇷 Ինչպես ցույց են տալիս Իրանում նախագահական ընտրությունների արդյունքները, ընտրությունները անցնում են երկրորդ փուլ։ Այս մասին հայտնում է mehr լրատվականը։
🔶 Ըստ արդյունքների Մասուդ Պեզեշկիանը հավաքել է 10,415,991 ձայն, իսկ Ջալիլին՝ 9,473,298 ձայն հաշվված 24,535,185 ձայներից:
🔶 Մյուս երկու թեկնածուները Մոհամադ Բաղեր Գալիբաֆը և Մոսթաֆա Փուրմոհամադին ստացել են համապատասխանաբար` 3,383,340 և 206,397 ձայն։

📌 Hetq.am-ի հաղորդմամբ հունիսի 26֊ին Ծաղկաձորի «Գոլդեն Փելիս» հյուրանոցային համալիրը սեփականատեր Նարեկ Նալբանդյանը գրավադրել է «Ամերիաբանկում»։ Նույն տեղեկանքում նշված է՝ համալիրի նկատմամբ դեռևս գործում է Հայաստանի Հանրապետության գրավի իրավունքը։ Այսինքն, 2022 թ․-ից լինելով գրավ՝ գույքը , ևս մեկ անգամ գրավադրվել է։  
🔶 Պետական գույքի կառավարման կոմիտեն երեկ հաղորդագրություն էր տարածել, որի համաձայն՝ Նարեկ Նալբանդյանի ընկերությունը վճարել է «Գոլդեն Փելիս» հյուրանոցի գնման ողջ գումարը և կատարել է խոստացված ներդրումները։ Գործարարին պատկանող ընկերությանը հյուրանոցն արտոնյալ պայմաններով էր վաճառվել՝ 5 տարում գումարը վճարելու պայմանով։ Այս տարվա դրությամբ ընկերությունը դեռևս պետք է 3 միլիարդ դրամ վճարեր։

🇷🇺🇮🇷 ՌԴ ԱԳ նախարար Սերգեյ Լավրովը հեռախոսազրույց է ունեցել Իրանի ԱԳ նախարար Ալի Բաղերիի հետ, հայտնում է ՌԴ ԱԳՆ-ն։
❗️Հեռախոսազրույցի ընթացքում կողմերը լուրջ մտահոգություն են հայտնել Մերձավոր Արևելքում լարվածության վտանգավոր աճի կապակցությամբ։
🤝 Պայմանավորվածություն է ձեռք բերվել սերտորեն փոխգործակցել՝ ի շահ երկկողմ օրակարգի գործնական հարցերի հետևողական լուծման: |armeniasputnik.am|

🇺🇸🇦🇿 Ադրբեջանի արտաքին գործերի նախարար Ջեյհուն Բայրամովը հանդիպել է ԱՄՆ պետքարտուղարի՝ Եվրոպայի և Եվրասիայի հարցերով օգնական Ջեյմս Օ’Բրայենի հետ:
🤝 Հանդիպման ընթացքում քննարկվել են Ամերիկայի Միացյալ Նահանգների և Ադրբեջանի միջև երկկողմ և բազմակողմ օրակարգի հարցեր, Հայաստանի և Ադրբեջանի միջև երկկողմ հարաբերությունների կարգավորման գործընթացի ներկա վիճակն ու հեռանկարները, ինչպես նաև տարածաշրջանային հարցեր:
❗️Ադրբեջանի ԱԳՆ տվյալով՝ Բայրամովը ԱՄՆ պետքարտուղարի օգնականին տեղեկացրել է երկու երկրների միջև խաղաղության պայմանագրի շուրջ բանակցությունների մասին: Նշվել է, որ Ադրբեջանը շահագրգռված է տարածաշրջանում խաղաղության և կայունության հաստատմամբ։ |1lurer.am|