Category: Infocom

🇦🇲🇴🇲 Արարատ Միրզոյանը Օմանի ԱԳ նախարարի հետ հեռախոսազրույցի ընթացքում շնորհակալություն է հայտնել Օմանից և ԱՄԷ-ից ՀՀ քաղաքացիների վերադարձի համար անհրաժեշտ ընթացակարգերի դյուրացման համար՝ պատրաստակամություն հայտնելով ՀՀ կողմից ևս ըստ անհրաժեշտության աջակցություն ցուցաբերել Օմանի քաղաքացիների տեղափոխման հարցերում:
📣 Զրուցակիցները քննարկել են Մերձավոր Արևելքում ստեղծված իրավիճակը: Ընդգծվել է խաղաղ միջոցներով հանգուցալուծման հասնելու, դիվանագիտությանն առաջնահերթություն տալու կարևորությունը, ինչի համատեքստում բարձր են գնահատվել Օմանի կողմից գործադրված ջանքերը:
[ՀՀ ԱԳՆ]

🗞 Մամուլի ազատության զեկույցը արձանագրում է հետընթաց Եվրոպայում. Հայաստանի մասով հիշատակվում են կալանավորված պոդքասթերները:
📣 Եվրոպայի խորհրդի Լրագրողների անվտանգության հարթակի նոր տարեկան գնահատման մեջ նշվում է, որ Եվրոպայում մամուլի ազատությունը մոտենում է վտանգավոր սահմանագծի։
🌎 Ռուսաստանը եվրոպական երկրներից ամենաշատ լրագրող բանտարկած երկիրն է, նրան հետևում են Ադրբեջանը, Բելառուսը և Թուրքիան։ Զեկույցում մտահոգիչ երկրների մասին ընդարձակ անդրադարձ կա՝ Ադրբեջան, Վրաստան, Բուլղարիա, Հունգարիա, Սերբիա, Թուրքիա, Սլովակիա։
❗️ Չնայած Հայաստանն այս ցուցակում չէ, բայց 2025-ի վերջին այն առաջին անգամ գրանցվել է հարթակում` պոդքասթերներ Վազգեն Սաղաթելյանի և Նարեկ Սամսոնյանի նկատմամբ խուլիգանության մեղադրանքով կիրառված նախնական կալանքի պատճառով։ |civilnet.am|

❄️☔️ Երևանում վաղը կեսօրից հետո, 5-ի գիշերն և առավոտյան, 7-ին սպասվում են տեղումներ․ գիշերային ժամերին՝ ձյան, ցերեկային ժամերին՝ ձնախառն անձրևի և անձրևի տեսքով։
🌡 Օդի ջերմաստիճանն էապես չի փոխվի։
🧊 Մարտի 4-ի գիշերը և առավոտյան ժամերին հանրապետության առանձին ավտոճանապարհներին սպասվում է մերկասառույց։
[«Հիդրոօդերևութաբանության և մոնիթորինգի կենտրոն»]

🇮🇷 Իրանում զոհերի թիվը հասել է 787-ի՝ ըստ իրանական Կարմիր մահիկի ընկերության:
🇮🇱📣 Իսրայելի մայրաքաղաք Թել Ավիվում միացել են օդային տագնապի ազդանշաններ՝ հաղորդում է Al Jazeera-ն:
🇱🇧 Լիբանանի բանակը հետ է քաշվում Իսրայելի հետ սահմանի 7 դիրքից՝ հայտնում է Reuters-ը: Միաժամանակ, Իսրայելի պաշտպանության նախարարը հայտարարել է, որ զորքերը հրաման են ստացել Լիբանանում նոր դիրքեր գրավելու:
🇦🇪 ԱՄԷ իշխանությունները հայտարարել են, որ վերահսկում են խոցված անօդաչու թռչող սարքի բեկորների պատճառով Ֆուջեյրա նավթարդյունաբերական գոտում բռնկված հրդեհը:
Լուսանկարը՝ Reuters / հիվանդանոց Թեհրանում

Էներգետիկ շրջափակում. ինչու է Հորմուզի նեղուցի փակումը սպառնում համաշխարհային շուկային | civilnet.am
📈 Նավթի գները ուրբաթ օրվա համեմատությամբ մարտի 2-ին բարձրացել են մեկ բարելի դիմաց 6.9 դոլարով՝ հասնելով 79.40 դոլարի:
🛳 Նավերի երթևեկությունը նվազել է առնվազն 80 տոկոսով, իսկ ոլորտի մասնագետները նշում են, որ բեռնափոխադրումների ծախսերը Մերձավոր Արևելքից և Ծոցից դուրս եկող երթուղիների համար կտրուկ աճել են։
🇮🇷🇨🇳 Չնայած սահմանափակ, բայց երթևեկությունը շարունակվում է հիմնականում Իրանի և Չինաստանի դրոշի տակ հանդես եկող նավերի համար, խոշոր նավթային ընկերությունների և ապահովագրողների մեծ մասը փաստացի դուրս է եկել միջանցքից։

🇦🇲✈️🇬🇪 Նիկոլ Փաշինյանը մարտի 3-4-ն աշխատանքային այցով կլինի Վրաստանում, որտեղ կայանալու է Վրաստանի և Հայաստանի միջև տնտեսական համագործակցության միջկառավարական հանձնաժողովի նիստը:
🔸 Տեղի կունենա նաև ՀՀ և Վրաստանի վարչապետերի առանձնազրույց: |factor.am|

🇺🇸🇮🇷 Իրանի ուղղությամբ ամենաուժեղ հարվածները դեռ առջևում են՝ հայտարարում է ԱՄՆ պետքարտուղար Մարկո Ռուբիոն:
🗣 «Ես չեմ պատրաստվում բացահայտել մեր մարտավարական գործողությունների մանրամասները, բայց ամերիկյան զինվորականների կողմից ամենաուժեղ հարվածները դեռ առջևում են։ Հաջորդ փուլն Իրանի համար ավելի դաժան կլինի, քան հիմա»,- լրագրողների հետ զրույցում ասել է Ռուբիոն։ |hetq.am|

🇮🇱 Գիշերը շարունակվել են Իսրայելի հարվածները Լիբանանին. ռմբակոծության են ենթարկվել Բեյրութի հարավային արվարձանները: Հարված է հասցվել նաև Իրանի մայրաքաղաք Թեհրանին, մասնավորապես՝ Իրանի պետական հեռուստատեսության մասնաճյուղերից մեկին:

🇮🇷 Իրանը շարունակել է հարձակումները տարածաշրջանում ԱՄՆ բազաների վրա՝ նշելով, որ գործողություն է իրականացրել Բահրեյնի և ԱՄԷ-ի բազաների ուղղությամբ, իսկ լիբանանյան «Հեզբոլլահ»-ը հայտնել է, որ հարված է հասցրել Իսրայելի հյուսիսում գտնվող ավիաբազային:
🇺🇸 ԱՄՆ Կենտրոնական հրամանատարությունը հայտարարել է, որ իր ուժերը ոչնչացրել են ԻՀՊԿ հրամանատարական և վերահսկողական օբյեկտներ, ՀՕՊն կայաններ, ինչպես նաև հրթիռների և անօդաչու թռչող սարքերի արձակման վայրեր և օդանավակայաններ։

🇸🇦 Գիշերը ԱԹՍ-ների հարվածների է ենթարկվել Էր Ռիադում ԱՄՆ դեսպանությունը: Այդ մասին հայտնել է Սաուդյան Արաբիայի պաշտպանության նախարարը: Ավելի վաղ ԱՄՆ դեսպանությունը երկրում գտնվող ԱՄՆ քաղաքացիներին կոչ էր արել մնալու ապաստարաններում:
📌 Արդեն վաղ, ըստ Reuters-ի աղբյուրների, առավոտյան երկու ԱԹՍ ընկել Էր Ռիադի դիվանագիտական թաղամասի վրա, որտեղ օտարերկրյա առաքելություններն են։
🇺🇸 ԱՄՆ նախագահ Դոնալդ Թրամփը ասել է, որ Միացյալ Նահանգները կպատասխանի և՛ այս հարձակմանը, և՛ ԱՄՆ զինվորականների սպանությանը: |reuters.com|

🇮🇷🇮🇱🇺🇸 Իսրայելի և ԱՄՆ հարվածների ժամանակ հարձակման է ենթարկվել իրանական ինը հիվանդանոց, որոնցից հինգը՝ Թեհրանում, չորսը՝ այլ քաղաքներում: Այս մասին հայտնել է Իրանի խորհրդարանի պատգամավոր, առողջապահության հարցերով խորհրդարանական հանձնաժողովի անդամ Ֆաթեմե Մոհամմադ Բեյղին։
🗣 Բեյղին տեղեկացրել է, որ Թեհրանում գտնվող Գանդիի անվան հիվանդանոցն ամբողջությամբ տարհանվել է։ |azatutyun.am|