Category: Infocom

🇦🇲🇭🇺 ՀՀ կառավարությունը հաստատեց Հայաստանի և Հունգարիայի միջև տնտեսական համագործակցության մասին համաձայնագիրը:
🤝 Նախատեսվում է համատեղ տնտեսական միջկառավարական հանձնաժողովի ստեղծում՝ երկկողմ առևտրատնտեսական համագործակցությունը համակարգելու և խթանելու նպատակով:
🔸 «Համաձայնագրով նախատեսվում է փոխշահավետ համագործակցության զարգացումն ու դիվերսիֆիկացումը փոխադարձ հետաքրքրություն ներկայացնող տնտեսական բոլոր ոլորտներում»,- ասվում է նախագահի հրամանագրի նախագծի հիմնավորման մեջ:

‼️ Ըստ Freedom House-ի՝ տարածաշրջանում միայն Հայաստանն ու Վրաստանն են դասվում մասամբ ազատ երկրների շարքին։ Թուրքիան, Ռուսասատանը, Ադրբեջանն ու Իրանը ընդգրկված են «ոչ ազատ» երկրների խմբում:
🇦🇲 Հայաստանի պարագայում ընդհանուր միավորների հանրագումարը նախորդ տարվա համեմատ չի փոխվել՝ մնալով 54: Վրաստանի պարագայում՝ երկիրը երեք կետով վատացրել է իր դիրքերը և այժմ ունի 55 միավոր՝ նախորդ տարվա զեկույցում արձանագրված 58-ի փոխարեն։ Հայաստանի ու հարևան երկրների շարքում Վրաստանը միակ պետությունն է, որի միավորները պակասել են՝ նախորդ տարվա համեմատ։
📌 Freedom House միջազգային հեղինակավոր կազմակերպության «Ազատությունն աշխարհում — 2025» զեկույցը՝ «Դժվարին պայքար իրավունքների համար» վերտառությամբ, գնահատում է աշխարհում քաղաքական իրավունքների և քաղաքացիական ազատությունների վիճակը: |amerikayidzayn.com|

🇺🇸🇺🇦 «Ազատության» ձեռքի տակ է հայտնվել ԱՄՆ-Ուկրաինա հանքանյութերի գործարքի պատճենը:
📑 Գործարքի հիմնական կետերը.
🔸 Անվտանգության ոչ մի երաշխիք․ գործարքն աջակցում է անվտանգության երաշխիքներ ստանալուն, բայց դրանք չի տրամադրում:
🔸 Ռեսուրսների զարգացում. Ուկրաինան և ԱՄՆ-ն համատեղ կօգտագործեն Ուկրաինայի բնական պաշարները, ներառյալ նավթը և գազը:
🔸 Վերակառուցման հիմնադրամ. հիմնադրամը կստանա Ուկրաինայի պետական ռեսուրսներից ստացված եկամուտների 50 տոկոսը:
🔸 Վերաներդրումներ․ շահույթը առնվազն տարին մեկ անգամ կուղղվի Ուկրաինայի տնտեսության վերականգնմանը։
🔸 Այլ մանրամասներ. կառավարման և սեփականության այլ մանրամասներ կքննարկվեն ավելի ուշ։

‼️ Ստեփանծմինդա-Լարս ավտոճանապարհը դարձյալ փակ է բոլոր տեսակի տրանսպորտային միջոցների համար։

‼️ Ռուբեն Վարդանյանը և մեր մյուս բոլոր պատանդներն ու գերիները ադրբեջանական արհեստական դատավարություններով դաժանաբար խոշտանգվում են՝ ադրբեջանական իշխանության վրեժխնդրության, քաղաքական խնդիներ լուծելու և հայ ժողովրդի արժանապատվության հաշվին ինքնահաստատվելու, մեր ազգային գիտակցությունը նսեմացնելու, մեր մեջ լարվածությունն ու պառակտումը խորացնելու նպատակով:
🔸 Այդ «դատավարություններն» ադրբեջանական իշխանությանն անհրաժեշտ են իր քաղաքական կեղծ թեզերն օրինականցնելու, Արցախում էթնիկ զտումներից մաքրվելու, Հայաստանի նկատմամբ ագրեսիայի հիմքեր ստեղծելու համար: …
📑 Մենք նույնպես միջազգային կառույցներին, հանրությանը թիրախային հերթական դիմումները կուղարկենք՝ անհրաժեշտ հիմնավորումներով:
[ՀՀ նախկին ՄԻՊ Արման Թաթոյան]

🤝 Իմ գնահատականն այն է, որ տարածաշրջանում պատերազմի, էսկալացիայի պատճառ ու նախադրյալ գոյություն չունի։
🗣 Տարածաշրջանային բոլոր հարցերը, որոնք գոյություն ունեն, ունեն լուծման առաջարկներ։ Այդ լուծումների մի մասը հրապարակային է արվել, մյուս մասը՝ դիվանագիտական, աշխատանքային մակարդակով։ Միանշանակ է, տարածաշրջանում էսկալացիայի ոչ մի հիմք չկա։
[Նիկոլ Փաշինյան]

🇦🇲🇦🇿 Հայաստանի ու Ադրբեջանի միջև խաղաղության պայմանագրի երկու չհամաձայնեցված կետերը դեռ մնում են, այսօր խորհրդարանում ի պատասխան «Ազատության» հարցին՝ ասաց վարչապետ Նիկոլ Փաշինյանը:
🗣 «Մենք առաջարկել ենք լուծել և հույս ունենք, որ Ադրբեջանը դրական կարձագանքի: Դա վերաբերում է երկաթուղային փոխադրումներին, Հայաստանի և Ադրբեջանի միջև երկաթուղային տրանսպորտը վերականգնելուն, որը այդ թվում կօգտագործվի Ադրբեջանից Ադրբեջան, այսինքն՝ արևմտյան Ադրբեջանից դեպի Նախիջևան, Հայաստանի ինքնիշխանան տարածքով դեպի Նախիջևան կապի և Հայաստանից Հայաստան Երասխից Մեղրի, և երկու երկրները հնարավորություն կունենան նաև միմյանց տարածքով անցնող երկաթուղիները օգտագործել միջազգային բեռնափոխադրումների մասին», — այսօր ասաց Նիկոլ Փաշինյանը: