Category: Infocom

📢 Հանրապետության հրապարակում մեկնարկում է «Տավուշը հանուն հայրենիքի» շարժման հանրահավաքը։
Հրապարակում մարդկանց հավաքվելու հետ մեկտեղ երիտասարդները քայլերթ էին անում մայրաքաղաքի կենտրոնական փողոցներով՝ շարժվելով Հանրապետության հրապարակ։

🇬🇪 Վրաստանի մայրաքաղաք Թբիլիսիում շարունակվում են «օտարերկրյա գործակալների» օրենքի դեմ բողոքի ակցիաները։ Երեկ երեկոյան բազմահազարանոց երթը վրացիներն անվանել են «Եվրոպայի երթ»՝ նվիրելով այն մայիսի 9-ին նշվող «Եվրոպայի օրվան»։
🔶️ Այսօր ցուցարարները ծրագրում են հավաքվել Ռուստավելի փողոցում և գիշերել խորհրդարանի շենքի մոտ։ Ծրագրված ցույցը ստացել է «Գիշերենք Վրաստանի համար» անունը։

Հայաստանը ներկայացնող «Լադանիվա» խումբը «Եվրատեսիլ 2024»-ի եզրափակչում զբաղեցրեց 8-րդ հորիզոնականը: Մրցույթում հաղթեց Շվեյցարիայի ներկայացուցիչը:

🇦🇿 Ադրբեջանական լրատվամիջոցները հայտնում են, որ Իլհամ Ալիևը հրամայել է ազատել Ադրբեջանի պաշտպանության փոխնախարար-օդային ուժերի հրամանատար, գեներալ-լեյտենանտ Ռամիզ Թախիրովին՝ զինծառայության տարիքային սահմանափակման պատճառով։

📌Վարչապետ Նիկոլ Փաշինյանը մայիսի 11-ին այցելել է Արմավիրի մարզ: Նա կանգառներ է ունեցել այն բնակավայրերի դպրոցներում, որտեղ կառուցված մարզադահլիճներում արձանագրվել էին տարբեր խնդիրներ և թերություններ, ինչպես նաև ծանոթացել է նոր օբյեկտների կառուցման աշխատանքներին:
🤝Վարչապետը չնախատեսված կանգառներ է ունեցել նաև Գայ և Բամբակաշատ բնակավայրերում՝ զրուցել բնակիչների հետ։

❗️ՀՀ ՄԻՊ ներկայացուցիչը այցելել է բողոքի ակցիայի՝ վնասվածք ստացած մասնակից Արմեն Բաղդասարյանին։ Նախքան բժշկական կենտրոն տեղափոխելը՝ Ոստիկանության բաժնում նրան տեսակցել է ՄԻՊ ներկայացուցիչը, առանձնազրույց ունեցել, որի ընթացքում ակցիայի մասնակիցը ներկայացրել է տեղի ունեցածի մանրամասները:
📌 Ուսումնասիրվել են նրան բերման ենթարկելու հիմքերն ու իրավունքների ապահովման վիճակը։ Պաշտպանի ներկայացուցիչը նաև զրուցել է Ա. Բաղդասարյանի շտապ բժշկական օգնություն ցուցաբերած բժիշկների հետ։
🔶️ Այցի արդյունքները կամփոփվեն և արձանագրված խնդիրների կապակցությամբ համապատասխան գրություններ կհասցեագրվեն իրավասու մարմիններին։
[ՀՀ ՄԻՊ]

❗️Մայիսի 11-ին ժամը 17:21-ին Ադրբեջանի Լենքորան քաղաքից 17 կմ հյուսիս, օջախի 10 կմ խորությամբ, գրանցվել է 5,0 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 6-7 բալ:
🔶️Երկրաշարժը զգացվել է Սյունիքի մարզի Կապան, Գորիս, Քաջարան, Ագարակ, Մեղրի քաղաքներում, Ալվանք, Նռնաձոր և Շվանիձոր գյուղերում՝ 4 բալ ուժգնությամբ։ 
[ՀՀ ՆԳՆ]