Category: Infocom

‼️ Որպես անհետ կորած որոնվում է Մերի Գասպարյանը։
🔸 15-ամյա աղջիկը փետրվարի 23-ին Գյումրու Անատառավան թաղամասի տնից դուրս է եկել և այլևս չի վերադարձել։
🚨 Նրա գտնվելու վայրի վերաբերյալ տեղեկություն ունեցողներին խնդրում ենք դիմել Ոստիկանության մոտակա բաժին կամ զանգահարել 112։
[ՆԳՆ ոստիկանություն]

CTRL Z` Սպարտակ Կյուրեղյանի հետ | Episode 6
Ctrl Z-ի վեցերորդ թողարկման հյուրը «Բոլորին դեմ եմ» շարժման անդամ Սպարտակ Կյուրեղյանն է։
Դիտել Infocom-ի Youtube-ի ալիքում

🇦🇲🇦🇿 Հայաստանի և Ադրբեջանի ԱԳ նախարարի տեղակալները քննարկել են բազմակողմ հարթակներում և միջազգային կազմակերպությունների շրջանակներում վստահության ամրապնդմանն ուղղված հնարավոր միջոցները:

🗣 Ռոբերտ Աբիսողոմոնյանը և Էլնուր Մամադովը հանդիպել են ՄԱԿ Մարդու իրավունքների խորհրդի 61-րդ նստաշրջանի շրջանակներում ի շարունակություն քաղաքական բարձր մակարդկով տեղի ունեցած շփումների:

🇦🇲 🇮🇷 Սուրեն Պապիկյանը հանդիպել է Իրանի ԶՈՒ ԳՇ պետ, գեներալ-մայոր Աբդոլրահիմ Մուսավիի հետ:
📣 «Հանդիպման ընթացքում քննարկել ենք պաշտպանության ոլորտում Հայաստան-Իրան համագործակցությանն ու տարածաշրջանային անվտանգությանն առնչվող մի շարք հարցեր», — հայտնել է Պապիկյանը։

🇮🇷🚁 Իրանում ռազմական ուղղաթիռ է կործանվել:
🔸 Այն բախվել է Սպահանի կենտրոնական նահանգի մրգերի շուկային. վթարի հետևանքով զոհվել են երկու օդաչուները և երկու վաճառականներ: |azatutyun.am|

🔹 Պուտինը չի հասել իր նպատակներին։ Նա չի կոտրել ուկրաինացի ժողովրդին։ Նա չի հաղթել այս պատերազմում: Մենք պահպանել ենք Ուկրաինան և ամեն ինչ կանենք խաղաղության հասնելու և արդարությունն ապահովելու համար:
🔸 Ուկրաինան պաշտպանել է իր անկախությունը Ռուսաստանի ներխուժումից ի վեր և չի դավաճանի իր ժողովրդի կողմից խաղաղության ձգտման գործում կատարված զոհողությունները:
[Ուկրաինայի նախագահ Վլադիմիր Զելենսկին պատերազմի մեկնարկի 4-րդ տարելիցին նվիրված ելույթում] |azatutyun.am|

🇪🇺 ԵՄ-ն ներկա իրավիճակը դիտարկում է որպես նոր պատմական հնարավորություն Հարավային Կովկասի համար:
🗣 Այս մասին ասել է Հարավային Կովկասի հարցերով ԵՄ հատուկ ներկայացուցիչ Մագդալենա Գրոնոն ադրբեջանական «ԱՊԱ»-ի հետ հարցազրույցում:
💬 Գրոնոն անդրադարձել է Նախիջևանի երկաթուղու վերականգնմանը ԵՄ աջակցության հարցին, նշել՝ այն Բրյուսելի համար տարածաշրջանային կապակցվածության խթանման առանցքային տարրերից մեկն է: Պաշտոնյան տեղեկացրել է, որ այժմ աշխատանքներ են ընթանում ուսումնասիրություն սկսելու և համատեղ գործունեության պարամետրերը որոշելու ուղղությամբ։ |1lurer.am|

🇦🇲🇮🇷 Սուրեն Պապիկյանը Իրան այցի ընթացքում հանդիպել է երկրի պաշտպանության և զինված ուժերի աջակցման նախարար, բրիգադի գեներալ Ազիզ Նասիրզադեի հետ։
🔸 Նախարարները բարձր են գնահատել պաշտպանության բնագավառում Հայաստան-Իրան համագործակցության մակարդակը, հաստատակամություն հայտնել շարունակել աշխատանքները երկկողմ հարաբերությունների զարգացման ուղղությամբ, ինչպես նաև քննարկել են փոխգործակցությանը վերաբերող մի շարք հարցեր:
🔸 Մտքեր են փոխանակվել տարածաշրջանային ու միջազգային անվտանգությանն առնչվող մի շարք հարցերի վերաբերյալ:
[ՀՀ ՊՆ]

‼️ Մասիս քաղաքից 10 կմ հարավ-արևելք երկրաշարժ է գրանցվել:
🔸 Փետրվարի 24-ին՝ ժամը 05:33-ին, 2.2 մագնիտուդով երկրաշարժ է գրանցվել Մասիս քաղաքից 10 կմ հարավ-արևելք, օջախի խորությունը 10 կմ:
🔸 Էպիկենտրոնային գոտում ստորգետնյա ցնցման ուժգնությունը կազմել է 2-3 բալլ. ավերածություններ չկան։
🔸 Երկրաշարժը զգացվել է Մասիս քաղաքում, Մխչյան և Դվին գյուղերում 2-3 բալլ ուժգնությամբ:
[ՆԳՆ փրկարար ծառայություն]