Category: Infocom

🚧 Երևան-Սևան ավտոճանապարհի 10+300 կմ հատվածում երթևեկության անվտանգության բարելավման նպատակով փակվելու է հետադարձը. փոխարենն առաջարկվում է հետադարձի համար օգտվել Պտղնու տրանսպորտային հանգույցից։
🚦 Հետիոտնի անվտանգության ապահովման նպատակով Պտղնի բնակավայրով անցնող տեղամասում տեղադրվել են նաև լուսացույցներ։
[Ճանապարհային դեպարտամենտ]

📌 Տրանսպորտի գնային համակարգի վերաբերյալ բանավեճի ընթացքում Տիգրան Ավինյանը հիշեցրեց, որ հատուկ խմբերի համար տրանսպորտի սակագնի զեղչեր են գործելու, և կան խմբեր, որոնք առհասարակ ազատվելու են վճարելուց։ Հայկ Մարությանը ընդգծեց, որ 1 կամ 7 օրանոց տոմսի վրա զեղչերը չեն ազդում, դրանք գործում են 10 անգամանոց և ավելի մեծ փաթեթների վրա։
🗣 Մարությանը ներկայացրեց բրիտանական WYG ընկերության ուսումնասիրությունը, որում ասված է, որ այսօրվա ցանցում մարդկանց 94 %-ն առանց տեղփոխի են տեղաշարժվում, ինչը նշանակում է, որ բնակչության մեծ մասը տրանսպորտից օգտվում է օրական երկու անգամ, իսկ 6 տոկոսը՝ ավելի։ Ավինյանի խոսքով էլ՝ նշված ուսումնասիրությունը արվել է 2016 թ․ և այդտեղ խոսվում է գազելների ցանցի մասին։
📌 Մարությանը, անդրադառնալով այն հարցին, թե որտեղից պետք է վերցնեն սուբսիդավորման գումարները, ասաց, որ 2021 թ․-ին անշարժ գույքի գույքահարկը եղել է 6 մլրդ 475 մլն դրամ, իսկ շարժական գույքինը՝ 12,1 մլրդ դրամ։ 2024-ին գույքահարկն արդեն 13, 44 մլրդ դրամ է, իսկ շարժական գույքի համար՝ 13.2 մլրդ դրամ: Այսինքն տարբերությունը 7 մլրդ դրամ է: Ըստ Մարությանի՝ 2025 թ․-ին ավելի է հավաքվելու՝ 14.92 մլրդ, իսկ 2026 թ․-ին 20 մլրդ դրամ։

📢 Տրանսպորտի գնային համակարգի վերաբերյալ բանավեճի ընթացքում Երևանի նախկին քաղաքապետ Հայկ Մարությանը պնդեց, որ հարյուր դրամով հնարավոր է ունենալ որակյալ տրանսպորտային համակարգ: Ավինյանը հակադարձեց՝ նշելով, որ քաղաքապետի պաշտոնը զբաղեցնելու ընթացքում Մարությանը ինքն է նշել, որ տրանսպորտի գինը պետք է փոխվի։
🔸 Ավինյանը ներկայացրեց Մարությանի այդ կարծիքի ձայնագրությունը, որին ի պատասխան՝ Մարությանը նշեց, որ ինքը նախկինում ասել է՝ ինքնարժեքը բնականաբար թանկանալու է, բայց հանրաքվեի միջոցով պետք է մարդկանց հարցնել՝ նրանք ուզում են թանկանա, թե ոչ։
📌 Ավինյանը իր հերթին շեշտեց, որ մարդկանց հուզում է այն հարցը, որ տրանսպորտի գինը 100 դրամից դառնում է 300 դրամ, սակայն Ավինյանի խոսքով՝ դա սուտ է, մոլորեցում է եւ իրականությանը չի համապատասխանում։

🇦🇲🇸🇾 Հալեպում ՀՀ գլխավոր հյուպատոսությունը վաղվանից կվերսկսի իր աշխատանքները։
[ՀՀ ԱԳՆ խոսնակ Անի Բադալյան]

🇦🇲🇮🇷 ԱԳ նախարար Արարատ Միրզոյանը հանդիպում է ունեցել Իրանի մշակութային ժառանգության, զբոսաշրջության և ձեռարվեստի նախարար Ռեզա Սալեհի Ամիրիի հետ։
🤝 Զրուցակիցները քննարկել են Հայաստանի և Իրանի միջև երկկողմ հարաբերությունների շարունակական զարգացմանը միտված քայլերը՝ ներառյալ մշակույթի, հանրային դիվանագիտության և զբոսաշրջության ոլորտներում: Հայաստանի և Իրանի նախարարները մտքեր են փոխանակել նաև տարածաշրջանային զարգացումների, առկա մարտահրավերների և դրանց հաղթահարման ուղղությամբ գործադրվող ջանքերի շուրջ: [ՀՀ ԱԳՆ]

📌 Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։
🔸 Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը: Սպիտակի ոլորանները փակ են կցորդիչով բեռնատարների համար։
🚧 Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։ [ՆԳՆ ՓԾ]

🇦🇿 Ադրբեջանից դեռ պաշտոնական արձագանք չկա ապաշրջափակման հարցով Հայաստանի առաջարկներին: Այս մասին լրագրողների հետ զրույցում ասել է փոխվարչապետ Մհեր Գրիգորյանը։
❓ Անդրադառնալով Ադրբեջանի կողմից այսպես կոչված «Զանգեզուրի միջանցքի» վերաբերյալ շարունակական հայտարարություններին՝ Գրիգորյանը շեշտել է, որ Հայաստանի համար այս հարցում գոյություն ունեն անշրջանցելի կարմիր գծեր։ 
🗣 «Բազմիցս կրկնել ենք, որ կան կարմիր գծեր, որոնց հատումը ուղղակի անհնար է։ Ես նույնիսկ չեմ ուզում քննարկել և մեկնաբանել այդ տերմինը։ Չի լինելու նման բան։ Մենք շարունակաբար կրկնում ենք, որ Հայաստանի Հանրապետությունը ցանկանում է և պատրաստ է ապաշրջափակման շատ պարզ, բայց շատ դոգմատիկ կանոնների՝ ինքնիշխանության և իրավազորության ներքո»,- ասաց Գրիգորյանը։ |armenpress.am|

✅ Առաջիկայում վարորդներին վերաբերող նոր նախագծեր են դրվելու շրջանառության մեջ:
🚘 Շուտով վարորդները պարտավոր չեն լինի իրենց մոտ ունենալ վարորդական իրավունքի վկայական. եթե վարելու իրավունքը հաստատվում է պարեկային ծառայողի կողմից ծրագրային ստուգմամբ, ապա նա ենթակա չի լինի վարչական պատասխանատվության։
⚖️ Վարորդական իրավունք չունեցող անձի կողմից տրանսպորտային միջոց վարելը կքրեականացվի. նա առաջին անգամ ենթակա կլինի վարչական, ապա՝ քրեական պատասխանատվության:
🔄 Կպարզեցվի երկքաղաքացիություն ունեցող ՀՀ քաղաքացիների համար ՀՀ-ում օտարերկրյա վարորդական վկայականով մեքենա վարելու կարգը:
[ՀՀ ՆԳՆ]

🇦🇲🇦🇿 Իլհամ Ալիևը հայտնել է, թե խաղաղության պայմանագրի որ կետերը չեն համաձայնեցվել Հայաստանի հետ։
🔸 Առաջինը վերաբերում է միջազգային ատյաններում փոխադարձ հայցերից հրաժարվելուն,
🔸 երկրորդը՝ սահմանին այլ երկրների ներկայացուցիչներ չտեղակայելուն։
🗣 «Կազանում Հայաստանի վարչապետի հետ իմ վերջին հանդիպման ժամանակ այն, ինչ ես լսեցի և զգացի, այն էր, որ այդ երկու հոդվածները համաձայնեցված չեն, բայց կարող են ընդունվել նաև Հայաստանի կողմից»,- ասել է Ալիևը:
🇫🇷 Միաժամանակ Ալիևը նշել է, թե խաղաղության պայմանագիրը և Հայաստանի միաժամանակյա սպառազինումն անհամատեղելի են։ Ըստ նրա՝ Հայաստանին զինելու գործընթացը «ընթանում է յոթ մղոնանոց քայլերով». «Այն զենքը, որը Մակրոնի կառավարությունը մատակարարում է Հայաստանին, հարձակողական մահաբեր սպառազինություն է: Այն գործնական վտանգ է ներկայացնում Ադրբեջանի համար»։ |civilnet.am|