Category: Infocom

🇺🇦🇧🇾 Ուկրաինայի ԱԳՆ-ն կոչ է արել Բելառուսի իշխանություններին հետ քաշել զորքերը Ուկրաինայի սահմանից։
🔸 Գերատեսչության հայտարարության մեջ նշվում է, որ Ուկրաինայի հատուկ ծառայությունները տեղեկություն են ստացել, որ Բելառուսի ԶՈՒ-ն «զորավարժությունների պատրվակով Գոմելի մարզում՝ Ուկրաինայի հյուսիսային սահմանների մոտ, կենտրոնացնում են զգալի թվով անձնակազմ, մասնավորապես՝ հատուկ գործողությունների ուժեր, սպառազինություն և ռազմական տեխնիկա՝ տանկերով, հրետանիով, համազարկային կրակի ռեակտիվ համակարգերով, ՀՕՊ համակարգերով և ինժեներական սարքավորումներով»։
🔸 Ուկրաինայի ԱԳՆ-ի պնդմամբ նաև «արձանագրվել է նախկին «Վագներ» մասնավոր ռազմական ընկերության վարձկանների ներկայությունը»։ |armenpress.am|

❗️ՀՀ ԱԳՆ-Ն պարզաբանել է, թե ինչու են Շենգենյան գոտու երկրներ մեկնող ՀՀ քաղաքացիների մուտքն արգելվում և ստիպված են լինում վերադառնալ ՀՀ, նույնիսկ Շենգենյան վիզա ունենալու դեպքում։
📌 Անհրաժեշտ է հաշվի առնել, որ Շենգենյան վիզա ստանալուց հետո այցելության նպատակի, երկրի, ժամկետների և այլ պայմանների ցանկացած անհամապատասխանություն կամ հետագա չհիմնավորված փոփոխություն կարող է հանգեցնել Ձեր մուտքը տվյալ երկիր արգելելուն և տրված վիզան չեղարկելուն ինչպես սահմանին, այնպես էլ նախքան մեկնումը։

Infocom pinned «Հանդիպում ենք երկուշաբթի՝ օգոստոսի 26-ին. սպասվող Գիտարբուքը «Արհեստական բանականության առաջացումը ֆիզիկական բարդ համակարգերում» թեմայով է։ Ֆիզմաթ գիտությունների թեկնածու, ԵՊՀ ֆոտոնիկայի և արհեստական բանականության գիտահետազոտական լաբորատորիայի վարիչ Մուշեղ…»

🇱🇧🇮🇱 Իսրայելի պաշտպանության նախարար Իոավ Գալանտը հայտարարել է երկրում 48 ժամով արտակարգ դրության ռեժիմ սահմանելու մասին։ Պատճառը Լիբանանի տարածքում «Հեզբոլլահ» շարժման թիրախներին կանխարգելիչ հարվածներն են:
📌 ՑԱԽԱԼ-ի մամուլի ծառայությունը հայտարարել է, որ երկրի ռազմաօդային ուժերը գրոհել են Լիբանանում «Հեզբոլլահ» շարժման օբյեկտները՝ իսրայելական տարածքի վրա հրթիռային հարձակման նախապատրաստման հետ կապված: |1lurer.am|

🇦🇿 ԵԽԽՎ-ում Ադրբեջանի պատվիրակությանը դեմ քվեարկածները ներառվել են Բաքվի «անցանկալի անձանց» ցուցակում, հայտարարել է Ադրբեջանի ԱԳՆ խոսնակ Այխան Հաջիզադեն՝ անդրադառնալով COP29-ի շրջանակներում Գերմանիայի պատվիրակության ղեկավար Ֆրանկ Շվաբեի՝ Բաքու այցելելու հնարավորության մասին։
📌 Ֆրանկ Շվաբեն ԵԽԽՎ-ից ադրբեջանական պատգամավորական խմբի վտարման նախաձեռնության հեղինակներից է: Նա օրերս հայտարարել է, որ Ադրբեջանը շահագրգռված չէ ԵԽ-ին անդամակցությամբ, Բաքվին մեղադրել է խորհրդի կողմից առաջ քաշված արժեքներն անտեսելու մեջ։ |tert.am|

🇦🇲🇺🇦 Նիկոլ Փաշինյանը շնորհավորական ուղերձ է հղել Վոլոդիմիր Զելենսկիին՝ Անկախության օրվա առթիվ:
🗣 «Հայաստանի և Ուկրաինայի հարաբերությունների հիմքում ընկած են մեր երկու ժողովուրդների դարավոր բարեկամությունը և փոխադարձ հարգանքը, ինչին լրացուցիչ լիցք է հաղորդել տարբեր մակարդակներում շփումների ակտիվացումը:
Լիահույս եմ, որ մեր համատեղ ջանքերն իրենց նպաստը կբերեն Հայաստանի և Ուկրաինայի հարաբերությունների շարունակական զարգացմանը և փոխշահավետ համագործակցության բարձրացմանը որակապես նոր մակարդակի», — ասված է ուղերձում։
[ՀՀ վարչապետի աշխատակազմ]

🇦🇿🇺🇦 Ադրբեջանն ու Ուկրաինան փոխադարձ աջակցություն և համերաշխություն են ցուցաբերում տարածքային ամբողջականության և ինքնիշխանության հարցերում. Իլհամ Ալիևի շնորհավորական նամակը Վլադիմիր Զելենսկուն՝ Ուկրաինայի Անկախության օրվա կապակցությամբ
🔸Իլհամ Ալիեւը նշել է, որ Ադրբեջանին և Ուկրաինային կապում են բարեկամական հարաբերություններ եւ վստահություն հայտնել, որ կողմերը հաջողությամբ կշարունակեն համատեղ ջանքերը՝ ուղղված «ադրբեջանա-ուկրաինական բարեկամության և հուսալի գործընկերության ամրապնդմանը և համագործակցության ընդլայնմանը»: |1lurer.am|

🇦🇲🇰🇿 ՀՀ ԱԳ նախարար Արարատ Միրզոյանը հեռախոսազրույց է ունեցել Ղազախստանի փոխվարչապետ, ԱԳ նախարար Մուրատ Նուրտլեուի հետ։
 
🔸Քննարկվել է Հայաստանի և Ղազախստանի միջև երկկողմ համագործակցության օրակարգը, այդ թվում՝ գործընկերության ընդլայնմանը միտված ընթացիկ աշխատանքները։
 
🔸ԱԳ նախարարները մտքեր են փոխանակել տարածաշրջանային կայունությանն ու անվտանգությանն առնչվող հարցերի, ինչպես նաև տարածաշրջանային լոգիստիկ կապերի զարգացման հեռանկարների շուրջ։
[ՀՀ ԱԳՆ]

🇦🇲🇹🇷 Թուրքիայում ՀՀ քաղաքացու առողջական վիճակը կտրուկ վատացել է, և նա հայտնվել է դիաբետիկ կոմայի մեջ: ՀՀ Կառավարությունը կազմակերպել է Հայաստան օդային ճանապարհով ՀՀ քաղաքացու տեղափոխումը:
 
✈️ «Դողուբայազեթի հիվանդանոցում թուրք բժիշկներին հաջողվել էր փոքր-ինչ կայունացնել կնոջ վիճակը։ Բժիշկները պնդել էին, որ Հայաստան տեղափոխումը պետք է իրականացվի միայն օդային ճանապարհով։ Ահա այստեղ էլ օգնության հասավ հայկական սանիտարական ուղղաթիռը, և Կառավարությունն անվճար կազմակերպեց քաղաքացու տեղափոխումը Հայաստան։ Պետք է նկատել, որ թուրքական կողմը ևս օպերատիվ արձագանքեց և որևէ խնդիր չառաջացրեց օդային միջանցք տրամադրելու հարցում»,- հայտնել են ՀՀ վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ից։