Category: Infocom

🇦🇿🇮🇷 Հանդիպել են Ադրբեջանի ԱԳ նախարար Ջեյհուն Բայրամովն ու Իրանի արտգործնախարար Աբբաս Արաղչին։ Այս մասին հայտնում է Ադրբեջանի ԱԳ նախարարությունը։
🔸 «Ընդգծվել է Նախիջևանի Ինքնավար Հանրապետության և Ադրբեջանի Արևելյան Զանգեզուրի տնտեսական շրջանի միջև հաղորդակցության արագ ավարտի, ինչպես նաև ձեռք բերված պայմանավորվածությունների կատարման կարևորությունը»,-ասվում է հայտարարության մեջ։
🔸 Ադրբեջանի ԱԳՆ-ի փոխանցմամբ՝ քննարկել են տնտեսության, առևտրի, ներդրումների, տրանսպորտի և կապի, էներգետիկ անվտանգության ոլորտներում Ադրբեջանի և Իրանի համագործակցությունից բխող հարցերի լայն շրջանակ, ինչպես նաև համատեղ նախաձեռնություններ ու նախագծեր։ |factor.am|

🏋️‍♂️ Ծանրորդ Սիմոն Մարտիրոսյանը վնասվածքի պատճառով չի մասնակցի աշխարհի առաջնությանը։
📌 Աշխարհի առաջնության գերծանր քաշային կարգի մարզիկների մրցաշարը կմեկնարկի դեկտեմբերի 6-ին Բահրեյնի մայրաքաղաք Մանամայում։
[Հայաստանի ազգային օլիմպիական կոմիտե]

🇸🇾🇦🇲 Դամասկոսում ՀՀ դեսպանությունը հայտարարում է, որ այս պահին կազմակերպված տարհանումն անհնարին է։
📣 «Հորդորում ենք Հալեպում և շրջակայքում բնակվող մեր հայրենակիցներին՝ հնարավորինս զերծ մնալ տեղաշարժերից (տեղաշարժվել միայն անհրաժեշտության դեպքում), իսկ քաղաքից դուրս գալու փորձերը այս պահին լիովին բացառել»:
🗣 Սփյուռքի գործերի գլխավոր հանձնակատար Զարեհ Սինանյանը այսօր «Արեմնպրեսի» հետ զրույցում հայտարարել է, որ վերջին ռազմական լարման հետևանքով լուրջ իրավիճակ է ստեղծվել Հալեպում, որտեղ մինչև 10 հազար հայ հայտնվել է զինյալների հսկողության ներքո գտնվող հատվածում:

📍 Քաղաքականությունը, որ մենք վարել ենք և վարում ենք, ոչ թե ճիշտ է կամ սխալ է, այլ միակ հնարավոր տարբերակն էր և միակ հնարավոր տարբերակն է այսօր, որ մեզ պետություն ունենալու շանս է տալիս:
📍 Եթե մեր քաղաքականությունը գնահատում ենք ԼՂ-ի հարցը կամ, ինչպես ես պատկերավոր ասացի, այդ իրավիճակը կամ մեր պայմանական հղիությունը ևս 9 ամիս ձգելու տրամաբանությամբ, ապա մեր վարած քաղաքականությունը կարելի է համարել սխալ, եթե մոռանանք, որ խնդրի ձևակերպումն ի սկզբանե արդեն սխալ էր:
[ՀՀ վարչապետ Նիկոլ Փաշինյան]

Սա շանտաժ է, սա գործադուլ չէ. Երևանի փոխքաղաքապետ Սուրեն Գրիգորյան
🔸 «Ոչ մեկը չի խոստացել, որ բարեփոխումները հեշտ են անցնելու: Եվ երբ խոսքը օրական միջինում մոտ 5 միլիոն դրամ կորսված եկամուտի մասին է (նկատի ունի տրանսպորտային համակարգի ստվերային շրջանառությունը՝ խմբ.), բնականաբար, այդ գումարը հետևից բերում է շատ հետաքրքություններ, շահագրգռվածություններ: Մարդիկ չեն ուզում, էդ գումարից հենց այնպես, կներեք էս խոսքիս համար, կտրվեն: Մենք այս ճանապարհն անցնելու ենք մինչև վերջ, շանտաժին չենք տրվելու:
🔸 Փորձ է կատարվում քաղաքային իշխանության վրա ճնշում գործադրել, գեներացնել հանրային դժգոհություն, որ մենք էլ ասենք՝ եկեք կոմպրոմիսի գանք՝ մի քիչ քիչ գողացեք, մի քիչ ավել գողացեք: Այս խոսակցությունները չեն լինելու»,- հրավիրված ասուլիսի ժամանակ հայտարարեց Գրիգորյանը:
📍 Նա հավելեց, որ կան նաև օբյեկտիվ դժգոհություններ, որոնք բարձրացնում են վարորդները:

‼️ 18 վարորդ ազատվել է աշխատանքից այսօր իրականացված գործադուլի հետևանքով:
[Երևանի քաղաքապետի խոսնակ Հայկ Կոստանյան]

🇺🇸🇷🇺 ԱՄՆ զինված ուժերն ակտիվացրել են ՌԴ հետ կապուղիները՝ հաշվի առնելով Սիրիայում տեղի ունեցող իրադարձությունները։
🗣 «Համատեղ միացյալ օպերատիվ խմբի հրամանատարն օգտագործել է Ռուսաստանի հետ մեր ունեցած թեժ գիծը՝ կապի գծերը բաց պահելու համար՝ հաշվի առնելով այն փաստը, որ Սիրիայում մեր ուժերը գործում են աշխարհագրորեն բավական մոտ հեռավորության վրա», — ասել է Պենտագոնի խոսնակ Պատրիկ Ռայդերը։
📍 Նա նշել է, որ պատրաստ չէ մանրամասներ հայտնել շփումներից, սակայն ընդգծել է, որ ԱՄՆ-ն և ՌԴ-ն «կապի մեխանիզմ ունեն՝ կանխելու հնարավոր սխալ հաշվարկները»։ |armenpress.am|

🔸 Նիկոլ Փաշինյանի կարծիքով աշխարհը Հայաստանն ընկալում է որպես ազգ-նահատակ։
🗣 «Հայաստանի ներկայիս կառավարության մեծագույն առաքելությունը ազգ-նահատակ լինելու կարգավիճակը հաղթահարելն է։ Մեր իրականության մեջ այս օրակարգը նոր չէ։ Մեր միջին վիճակագրական արձագանքն այս իրադրությանը եղել է հետևյալը՝ ազգ-նահատակ բանաձևը հաղթահարելու լավագույն ձևն ազգ-բանակն է։ Համոզված չեմ, որ սա ճիշտ արձագանք է, որովհետև իմ մտորումները բերում են այն եզրակացության, որ ազգ-բանակը ազգ-նահատակ բանաձևի տրամաբանության և շարունակության մեջ է։ Եթե դու դիրքավորվում ես որպես ազգ-բանակ, անխուսափելիորեն քո դեմ գեներացնում ես այլ բանակներ»,- ասաց վարչապետը։
🔸 Ըստ նրա՝ պետք է հաղթահարել ազգ-նահատակ բանաձևը և որդեգրել «պետության» տրամաբանությունը։
🗣 «Պետք է պետությունն ինքն իրեն սահմանափակի միջազգային հարաբերությունների հռչակված կանոններով և օրենքներով։ Ես սա ասում եմ հատկապես հիմա, երբ թվում է, թե միջազգային հաստատված օրենքներն ու կանոններն ամեն տեղ ոտնահարվում են։ Մենք շատ ենք խոսում, որ մեր պրոբլեմներին պետք է ասիմետրիկ ռեակցիա տանք։ Իմ կարծիքով հենց սա է ասիմետրիկ ռեակցիան, երբ բոլորը խախտում են միջազգային հարաբերությունների ընդունված կանոնները, մենք պետք է դիրքավորվենք որպես մի պետություն, որն ինքն իրեն սահմանափակում է միջազգային հանրահռչակված կանոններով գործելուն համապատասխան»,- նշեց նա ԱԺ-ում բյուջեի քննարկման եզրափակիչ ելույթի ժամանակ: |civilnet.am|