Category: Infocom

🧊 Հունվարի 3-ի երեկոյան, 3-ի` լույս 4-ի գիշերը և առավոտյան հանրապետության ավտոճանապարհներին սպասվում է մերկասառույց։
📢 Հարգելի՛ վարորդներ, հորդորում ենք լինել ուշադիր, խստագույնս պահպանել ճանապարհային երթևեկության կանոնները և երթևեկել բացառապես ձմեռային անվադողերով։
[Ճանապարհային դեպարտամենտ]

⚡️ ՀԷՑ-ը հայտնում է, որ եղանակային անբարենպաստ պայմանների՝ առատ ձյան տեղումների հետևանքով հոսանքազրկված են մի քանի մարզերի տասնակից ավելի բնակավայրեր։
📌 Նշվում է, որ այդ բոլոր բնակավայրերում էլեկտրամատակարարումը կվերականգնվի առաջիկա 3 ժամվա ընթացքում:
📣 Լոռու մարզի մի շարք հասցեներ էլ հոսանքազրկված են Այրում 35 կՎ օդային գծի երկու մետաղական հենարանների վնասման հետևանքով։

🥶 Օդի ջերմաստիճանը հունվարի 3-ի լույս 4-ի գիշերը ՀՀ ողջ տարածքում այսօրվա համեմատ կնվազի 14-18 աստիճանով։
☁️ Ձնառատ ցիկլոնը հեռանում է։ Երեկոյան ժամերից ՀՀ ողջ տարածքում տեղումները կդադարեն։ Երեկոյան ժամերից եղանակը կսկսի պարզել, նաև Հայաստան կներթափանցեն արկտիկական ցուրտ օդային հոսանքներ։
⛸ Ճանապարհներից սպասվում է մերկասառույց։
[«Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյան]

🇨🇭 Շվեյցարիայում առնվազն 40 մարդ է զոհվել, 100-ից ավելին՝ վիրավորվել Կրան Մոնտանա լեռնադահուկային հանգստավայրի բարում տեղի ունեցած պայթյունի հետևանքով։ Ըստ պաշտոնական տվյալների՝ զոհերի շարքում օտարերկրացիներ կան, վիրավորների մեծ մասը ծանր վիճակում է։
🔥 Պայթյունը տեղի է ունեցել Le Constellation ակումբում՝ Նոր տարվա տոնակատարության ժամանակ, դրանից հետո տեղում մեծ հրդեհ է բռնկվել։
💬 Թե որն է եղել պատճառը, դեռ հստակ չէ, տեղի դատախազը միայն հայտնել է, որ դիտարկվում է տեխնիկական պատճառներով բռնկված հրդեհի, ոչ թե դիտավորյալ հարձակման վարկածը։ |azatutyun.am|

🇷🇺 Գիշերը 3 անօդաչու թռչող սարքեր հարվածել են Խերսոնում գտնվող սրճարանի և հյուրանոցի։ 24 մարդ է զոհվել որոնցից մեկը՝ երեխա։ Վիրավորվել է ավելի քան 50 մարդ, որոնցից չորսը՝ երեխաներ։
📣 Այս մասին հայտնել է Խերսոնի մարզի ղեկավար Վլադիմիր Սալդոն՝ նշելով, որ «ուկրաինայի զինված ուժերը հարվածել են այն վայրին, որտեղ քաղաքացիները նշում էին Նոր տարին»։
🇺🇦 Ուկրաինական կողմը դեռևս չի մեկնաբանել միջադեպը։
📸 Լուսանկարում՝ հարվածի վայրը

🇪🇺🇦🇲 ԵՄ-ն Հայաստանի հուսալի գործընկերն է. ԵՄ դեսպան Վասիլիս Մարագոսի ամանորյա ուղերձը
🗣️ «Մեր գործընկերության հիմքում ընդհանուր արժեքներն են՝ ժողովրդավարությունը, իրավունքի գերակայությունը, մարդու իրավունքները: Դրանք օգնում են արժանապատիվ կյանք ապահովել մեր քաղաքացիներին»,- ասել է նա՝ նշելով, որ 2026-ին ԵՄ-ն շարունակելու է լինել Հայաստանի կողքին: | factor.am |

❄️☃️ Այսօր երեկոյան ժամերից սկսած Երևանում, շրջանների մեծ մասում, ինչպես նաև հունվարի 1-2-ին սպասվում է ձյուն:
💨 Lեռնային մարզերի առանձին գոտիներում սպասվում է նաև քամու ուժգնացում, բուք, ցածր հորիզոնական տեսանելիություն։
🥶 Օդի ջերմաստիճանը հունվարի 3-4-ը հանրապետության ողջ տարածքում գիշերը կնվազի 14-18 աստիճանով` Երևանում գիշերը հասնելով մինչև -19 աստիճանի։