Category: Infocom

🗣 Ջրականի 5-րդ ուսումնական գումարտակի հրամանատար Իշխան Վահանյանի վերաբերյալ քրեական գործով գրեթե 2 տարվա ընթացքում հարցաքննվեց 40 վկա, 14 տուժող եւ տուժողի 15 իրավահաջորդ։ Դատարանն այսօր ավարտեց դատակոչի ցուցակում ներառված անձանց հարցաքննության փուլը։
⚖️ Նրանցից մի քանիսը, սակայն, հարցաքննությունների ողջ ընթացքում դատարան այդպես էլ չներկայացան։ Պատճառները տարբեր են։ Ոմանք մահացել են, ոմանք վատառողջ են, ոմանք գտնվում են ՀՀ–ից դուրս, ոմանց էլ 2023 թ․ սեպտեմբերին Արցախից բռնի տեղահանումից հետո գտնել չի հաջողվել․ նրանք այլեւս չեն բնակվում այն հասցեներում, որ Միգրացիայի եւ քաղաքացիության ծառայությունն է դատարանին տրամադրել։
👨‍⚖️Դատարանը որոշեց հրապարակել եւ հիմք ընդունել նրանց նախաքննական ցուցմունքները։ Ըստ այդմ, հրապարակվեցին 8 անձի՝ վկաների, տուժողների եւ փորձագետի ցուցմունքները։
📎 Կարդալ ավելին

❗️ ՆԱՏՕ-ի գլխավոր քարտուղար Յենս Ստոլտենբերգը կժամանի Հայաստան։ Տեղեկությունը «Լուրերին» հաստատել է ՀՀ ԱԳՆ մամուլի քարտուղար Անի Բադալյանը:
📌 Այցը տեղի կունենա մարտի 19-ին:

🇮🇷🇦🇿 Ադրբեջանի և Իրանի նախագահները մտադիր են հանդիպել Խուդաֆերինի կամրջի տարածքում, Baku.tv-ին տված հարցազրույցում ասել է Ադրբեջանում Իրանի դեսպան Սեյիդ Աբբաս Մուսավին։
🗣 Իրանցի դիվանագետի խոսքով՝ Իլհամ Ալիևի և Էբրահիմ Ռայիսիի մասնակցությամբ տեղի կունենա Խուդաֆերին և Գիզ Գալասի հիդրոէլեկտրակայանների բացման հանդիսավոր արարողությունը։ |azatutyun.am|

Infocom pinned «Քարոզարշավի կասկածելի ֆինանսներ, Երևանյան լճի թերի բարեկարգում, ուղեվարձեր. հարցազրույց Տիգրան Ավինյանի հետ «Ինֆոքոմի» լրագրող Լյուսի Մանվելյանը Երևանի քաղաքապետ Տիգրան Ավինյանի հետ զրուցել է հանրային տրանսպորտի նոր ուղեվարձի, Երևանյան լճի հարակից տարածքի…»

🗣 Արցախի առևանգված ու պատանդառված ղեկավարների նկատմամբ ցուցաբերվող նման քայլը («Անտիտեռոր» վերնագրված ֆիլմի անոնսի հրապարակումը) հերթական անգամ բացահայտում է ադրբեջանական իշխանությունների որդեգրած քաղաքականության հակահայկական էությունը: Արցախի առևանգված ու պատանդառված ղեկավարների նկատմամբ ցուցաբերվող նման քայլը հերթական անգամ բացահայտում է ադրբեջանական իշխանությունների որդեգրած քաղաքականության հակահայկական էությունը:
📌 Հայաստանի իշխանությունները «խաղաղության դարաշրջան» կերտելու իրենց ձգտումներում առաջնայնորեն պետք է հասնեն Ադրբեջանի կողմից նմանօրինակ ագրեսիվ ու թշնամական գործողությունների բացառմանը և բոլոր հայ գերիների անպայմանավոր ազատ արձակմանը:
[Մայր Աթոռի հայտարարությունը]

👨‍⚖️ Դատարանը երեք ամիս ժամկետով երկարաձգեց Ազատի զինվորական կացարանի հրդեհի գործով առանցքային մեղադրյալներից կապիտան Եղիշե Հակոբյանի, ինչպես նաև մայոր Մառլեն Սարգսյանի կալանքը։
🔸 Խափանման միջոցի քննարկմանը Մառլեն Սարգսյանը վրդովվեց, հայտարարեց՝ ինքը չգործած մեղքի պատճառով անազատության մեջ է արդեն 1 տարի 2 ամիս, պահանջեց ազատություն: Հայտարարեց անժամկետ հացադուլ սկսելու մասին: Նրա պահվածքի պատճառով դատավորը պահանջեց Սարգսյանին հեռացնել դահլիճից: Նիստը հետաձգվեց դատավորի՝ մեղադրյալի նկատմամբ կիրառած սանկցիայի պատճառով: |azatutyun.am|

‼️ Շիրակի մարզպետարանի երկու պաշտոնյա է այսօր ձերբակալվել․ նրանց կաշառք ստանալու մեղադրանք է առաջադրվել։ «Ազատության»-ը հայտնել են Հակակոռուպցիոն կոմիտեից։
🔸 Ձերբակալվածներից մեկը Շիրակի մարզպետարանի քաղաքաշինության վարչության պետ Խաչատուր Խնձրցյանն է, մյուսը՝ նույն վարչության աշխատակից։

🇦🇲🇪🇺 ԵՄ վիզաների ազատականացման ուղղությամբ կա հետընթաց․ ԱԳ փոխնախարար

«Երևանն աշխատում է երկու ուղղությամբ՝ ինչպես ազատականացման, այնպես էլ դյուրացված գործող ռեժիմի վերականգնման ուղղությամբ, քանի որ կորոնավիրուսի համավարակից հետո այդպես էլ լիարժեք չվերականգնվեց»,- ասաց Պարույր Հովհաննիսյանը ԱԺ հանձնաժողովի նիստին։