Category: Infocom

🇦🇲🇪🇺 ԵՄ վիզաների ազատականացման ուղղությամբ կա հետընթաց․ ԱԳ փոխնախարար

«Երևանն աշխատում է երկու ուղղությամբ՝ ինչպես ազատականացման, այնպես էլ դյուրացված գործող ռեժիմի վերականգնման ուղղությամբ, քանի որ կորոնավիրուսի համավարակից հետո այդպես էլ լիարժեք չվերականգնվեց»,- ասաց Պարույր Հովհաննիսյանը ԱԺ հանձնաժողովի նիստին։

Քարոզարշավի կասկածելի ֆինանսներ, Երևանյան լճի թերի բարեկարգում, ուղեվարձեր. հարցազրույց Տիգրան Ավինյանի հետ
«Ինֆոքոմի» լրագրող Լյուսի Մանվելյանը Երևանի քաղաքապետ Տիգրան Ավինյանի հետ զրուցել է հանրային տրանսպորտի նոր ուղեվարձի, Երևանյան լճի հարակից տարածքի բարեկարգման խնդիրների, ՔՊ ավագանու թեկնածուի ընկերության՝ պետական գնումներում հաղթելու, Երևանի ավագանու ընտրություններին ընդառաջ ՔՊ կուսակցության կասկածելի նվիրատվությունների մասին։

🌧 Սպասվում են տեղումներ․ եղանակը կցրտի։
☔️ Հանրապետության տարածքում մարտի 15-ի ցերեկը, 17-ի գիշերը առանձին շրջաններում, 16-ին, 18-20-ին շրջանների զգալի մասում սպասվում են տեղումներ և մառախուղ, լեռնային գոտիներում՝ թաց ձյան տեսքով։
☁️ Օդի ջերմաստիճանը մարտի 16-19-ի ցերեկային ժամերին աստիճանաբար կնվազի 3-5 աստիճանով։

🇦🇿🇬🇪🇹🇷 Բաքվում տեղի է ունեցել Ադրբեջանի, Վրաստանի և Թուրքիայի ԱԳ նախարարների 9-րդ հանդիպումը։
🗣 Մամուլի ասուլիսի ժամանակ թուրք նախարար Հաքան Ֆիդանը դարձյալ անդրադարձել է տարածաշրջանային կոմունիկացիաների ապաշրջափակմանը՝ նշելով․ «Հարավային Կովկասում խաղաղության վերականգնումը տարածաշրջանային և գլոբալ առումով կարևոր է, այս առումով մենք ակնկալում ենք ընդհանուր աջակցություն Զանգեզուրի գծի բացմանը»:

‼️ Ընդդիմությանն արգելվում է ծանոթանալ Ադրբեջանի հետ պայմանագրի տարբերակին․ Գեղամ Մանուկյան
📌 «Փետրվարի 23-ին մենք դիմել էինք ԱԳՆ՝ առաջարկների հերթական փաթեթին ծանոթանալու նպատակով։ Այսօր ԱԳՆ-ի կողմից ստացվել է պաշտոնական գրություն, որտեղ նշվում է. «‎Բանակցային գործընթացը չխաթարելու, գործընթացի վրա անուղղակի բացասական ազդեցություններ, ինչպես նաև փաստաթղթի կամայական, սխալ հանրային մեկնաբանություններ բացառելու նկատառումով պայմանավորված՝ այս պահին նպատակահարմար չենք համարում հայցվող տեղեկատվության տրամադրումը»։
📌 Հարկ ենք համարում շեշտել, որ գրության մեջ բացակայում է գործող օրենսդրության որևէ կետի` մեր կողմից խախտման վերաբերյալ հղում»,- հայտնել է «Հայաստան» խմբակցության պատգամավորը։

🇦🇲🇪🇺 Երկրներն իրավունք ունեն ձգտել իրենց ժողովրդի համար ավելի լավ ապագայի։ Նրանք ազատ են իրենց որոշման մեջ, թե ինչպես ապահովել նման ապագա: Ինչ վերաբերում է ԵՄ-ին անդամակցությանը, ապա յուրաքանչյուր եվրոպական երկրի ժողովուրդն ու կառավարությունը պետք է որոշեն, թե արդյոք ցանկանում են դիմել ԵՄ-ին անդամակցելու համար:
🗣 Այս մասին ասել է ԵՄ արտաքին քաղաքական ծառայության ներկայացուցիչ Պետեր Ստանոն՝ պատասխանելով հարցին, թե արդյոք Եվրամիության դռները բաց են Հայաստանի համար։ |armeniasputnik.am|