Category: Infocom

🇦🇲🇦🇿 ԿԽՄԿ Բաքվի գրասենյակի աշխատակիցներն ապրիլին տեսակցել են Ադրբեջանում ապօրինաբար պահվող հայ գերիներին ու Արցախի նախկին և ներկա ղեկավարներին։
🗣 Այդ մասին ադրբեջանական հայտնել է ԿԽՄԿ Ադրբեջանի ներկայացուցչության հասարակայնության հետ կապերի բաժնի ղեկավար Իլահա Հուսեյնովան։
🔸 Ըստ աղբյուրի՝ անհատական ​​հանդիպումներ են տեղի ունեցել, նրանց ընտանիքների հետ շփվելու հնարավորություն է տրվել։

🇬🇧 Բրիտանական Times-ը գրել է, որ Լոնդոնն ու Երևանը բանակցում են Բրիտանիայից Հայաստան անօրինական ներգաղթյալներ ուղարկելու շուրջ։

📌 Պարբերականը,վկայակոչելով իր տրամադրության տակ գտնվող Մեծ Բրիտանիայի ԱԳՆ-ի փաստաթղթերը, գրել է, թե այս հարցի շուրջ երկխոսություն է ընթանում Հայաստանի, Բոտսվանայի, Կոտ դ’Իվուարի և Կոստա Ռիկայի հետ։
🇦🇲 ՀՀ ԱԳՆ-ն «Սպուտնիկ Արմենիա»-ի հետ զրույցում պարզաբանել է հրապարակումը՝ նշելով․ «Հայաստանն ու Մեծ Բրիտանիան քաղաքական երկխոսության լայն օրակարգ ունեն։ Բայց բովանդակային կամ տեխնիկական բանակցություններ կոնկրետ հրապարակման մեջ բարձրացված հարցի շուրջ (The Times) չեն եղել»:

🇰🇿🇦🇲🇦🇿 Ղազախստանը պատրաստ է հարթակ տրամադրել Հայաստանին և Ադրբեջանին՝ խաղաղության շուրջ բանակցություններ վարելու համար․ Ղազախստանի նախագահը Կասիմ-Ժոմարտ Տոկաև
🗣 «Մենք պայմանավորվեցինք համատեղ ակտիվորեն աշխատել, մասնակցել խաղաղության ամրացման գործընթացին։ Մենք ողջունում ենք Հայաստանի և Ադրբեջանի՝ խաղաղության համաձայնագիր կնքելու ձգտումը։ Ղազախստանը պատրաստ է առավելագույն օժանդակություն տրամադրել այս հարցում և բարի ծառայությունների առաքելություն ստանձնել, այսինքն՝ իր հարթակը տրամադրել երկու երկրների միջև բանակցությունների համար։ Մեր նպատակներն ու շահերը տարածաշրջանային և միջազգային խաղաղության ու անվտանգության ամրացման տեսանկյունից համընկնում են»,- նշել է Տոկաևը։ |civilnet.am|

🇺🇸🇷🇺 Ռուսաստանի իշխանությունները ԱՄՆ-ից տեղեկություն են խնդրել մերձմոսկովյան «Կրոկուս հոլ»-ում մարտի 22-ին տեղի ունեցած ահաբեկչության մասին, ամերիկյան կողմն էլ փոխանցել է այդ տեղեկությունը ու նման կերպ կվարվի նաև ապագայում։
🗣 Այդ մասին ասել է ՌԴ-ում ԱՄՆ դեսպան Լին Թրեյսին՝ պարզաբանելով, որ եղել է «ուղիղ խնդրանք» Ռուսաստանից։ |azatutyun.am|

👮 Բերման է ենթարկվել «Անտիֆեյք» լրատվականի երկու աշխատակից։ Այդ մասին հայտնում է փաստաբան Ռուբեն Մելիքյանը։
🗣 «Ըստ իմ նախնական տեղեկության՝ պատճառը եղել է քաղբանտարկյալներ Նարեկ Սամսոնյանի ու Վազգեն Սաղաթելյանի նկատմամբ ապօրինի քրեական հետապնդմանը վերաբերող թռուցիկներ փակցնելը։ Տղաներին տարել են Դավթաշենի ոստիկանություն»,- գրել է Մելիքյանը։

🇦🇲🇰🇿 Փոխվարչապետ Մհեր Գրիգորյանը «Զվարթնոց» օդանավակայանում դիմավորել է Ղազախստանի նախագահ Կասիմ-Ժոմարտ Տոկաևին, որը պաշտոնական այցով ժամանել է ՀՀ:
🤝 Այցի շրջանակում նա հանդիպումներ կունենա ՀՀ վարչապետ Նիկոլ Փաշինյանի, ՀՀ նախագահ Վահագն Խաչատուրյանի և Ազգային ժողովի նախագահ Ալեն Սիմոնյանի հետ:

🇮🇷🇷🇺 Իրանական կողմի նախաձեռնությամբ Լավրովն ու Ամիրաբդոլլահյանը հեռախոսազրույց են ունեցել։
🗣 Ուշադրության կենտրոնում եղել է Մերձավոր Արևելքում տիրող իրավիճակը։ Իրանի ԱԳ նախարարը ռուս գործընկերոջը տեղեկացրել է Թեհրանի ձեռնարկած միջոցառումների մասին՝ ի պատասխան ապրիլի 1-ին Դամասկոսում Իրանի հյուպատոսական բաժանմունքի վրա Իսրայելի օդային հարվածի։
📌 Ինչպես նշվել է, տարածաշրջանում իրավիճակի լրացուցիչ սրումը և նոր վտանգավոր սադրիչ գործողությունները կարող են հանգեցնել Մերձավոր Արևելքում լարվածության աճի։ Նման սցենարների կանխարգելումը և դրանց արմատական ​​պատճառների վերացումը պետք է լինեն ՄԱԿ-ի ԱԽ հատուկ առաջնահերթ ուշադրության առարկան։
📌 Կողմերի հաստատել են Գազայի հատվածում անհապաղ զինադադարի վերաբերյալ դիրքորոշումները։
[ՌԴ ԱԳՆ]

🇦🇲 Մերձավոր Արևելքում լարվածության աճը լուրջ անհանգստություն է առաջացնում։ Կոչ ենք անում առաջնահերթությունը տալ երկխոսությանը։ Պետք է խուսափել հետագա առճակատումից։
[ՀՀ ԱԳՆ]

🇮🇱🇺🇸 Հեռախոսազրույց են ունեցել Իսրայելի վարչապետ Բենիամին Նեթանյահուն և ԱՄՆ նախագահ Ջո Բայդենը։ Այս մասին հայտնում է New York Times-ը։
❗Հեռախոսազրույցից հետո Նեթանյահուն չեղարկել է Իրանի դեմ պատասխան հարվածը:

🇮🇱🇮🇷 Իրանի և Իսրայելի միջև առճակատումը դեռ չի ավարտվել։ Իսրայելը հարձակման է ենթարկվել հարյուրավոր հրթիռներով և անօդաչու թռչող սարքերով, և Իսրայելի պաշտպանության ուժերը տպավորիչ կերպով խափանել են այդ հարձակումը։
🗣 ԱՄՆ-ի և այլ գործընկերների հետ մենք կարողացանք պաշտպանել Իսրայելի տարածքը։ Շատ քիչ վնաս է հասցվել. սա Իսրայելի պաշտպանության բանակի տպավորիչ գործողությունների արդյունքն է։ Մենք հստակ սկզբունք ենք որոշել՝ ով մեզ վնասի, մենք կվնասենք նրանց, մենք պաշտպանվելու ենք ցանկացած սպառնալիքից և դա անելու ենք սահուն և վճռականորեն:
[Իսրայելի պաշտպանության նախարար Յոավ Գալանտ] |factor.am|