Category: Infocom

Infocom pinned «Նվիրատվություններ ՔՊ-ին՝ չհայտարարագրված եկամուտներից «Քաղաքացիական պայմանագիր» կուսակցությունն այս տարվա մայիսի 31-ին հրապարակել է տարեկան ֆինանսական հաշվետվությունը, որի ուսումնասիրությունը ցույց է տալիս, որ կուսակցությանը 100 հազար դրամ և ավելի նվիրատվություններ…»

🚙 Հուլիսի 28-ից մինչև օգոստոսի 20-ը՝ ժամը 09:00-ից մինչև 20:00-ն փակ է լինելու Ղարիբջանյան փողոցը՝ պայմանավորված ճանապարհաշինարարական աշխատանքներով: Այս մասին հայտնում են Երևանի քաղաքապետարանից։
🗣 «Հորդորում ենք վարորդներին աշխատանքի արդյունավետության ապահովման համար տրանսպորտային միջոցները չկայանել վերոնշյալ ճանապարհահատվածի երթևեկելի մասում», — նշված է քաղաքապետարանի հայտարարությունում։

🇷🇺 Մոսկվայում բերման է ենթարկվել «Օբորոնէներգո» ընկերության ՏՏ բաժնի նախկին պետ Մարկ Մանուկյանը։ Այս մասին հայտնում է ТАСС-ը:
🔸 Մանուկյանը ձերբակալվել է ընկերության գույքի հափշտակության դեպքի առթիվ հարուցված քրեական գործի շրջանակներում։ Նրա նկատմամբ խափանման միջոց է ընտրվել որոշակի գործողություններ կատարելու արգելքը: Մեղադրյալն ընդունել է իր մեղքը և հետաքննության հետ համագործակցելու պատրաստակամություն է հայտնել: |armenpress.am|

❗️ ՆԳՆ-ն 1lurer.am-ի հետ զրույցում հաստատել է մամուլում տարածված տեղեկությունը, որ Երևանում մայրը սեքսուալ բնույթի գործողություններ է կատարել անչափահաս որդու և դստեր նկատմամբ: Նշվում է, որ վերոնշյալ դեպքը բացահայտվել է հունիսի 8-ին, իսկ 31-ամյա կինը ձերբակալվել և հանձնվել է Քննչական կոմիտե։
📌 Մամուլում նշվում էր նաև, որ սեքսուալ բնույթի գործողությունները մայրը տեսանկարահանել և Ֆեյսբուք սոցիալական ցանցով ուղարկել է տարբեր օգտատերերի՝ գումար ստանալու և թմրանյութ ձեռք բերելու նպատակով։ 

Նվիրատվություններ ՔՊ-ին՝ չհայտարարագրված եկամուտներից
«Քաղաքացիական պայմանագիր» կուսակցությունն այս տարվա մայիսի 31-ին հրապարակել է տարեկան ֆինանսական հաշվետվությունը, որի ուսումնասիրությունը ցույց է տալիս, որ կուսակցությանը 100 հազար դրամ և ավելի նվիրատվություններ կատարած անձանց ցանկում կան 80 հայտարարատու անձինք՝ պաշտոնյաներ և նրանց ընտանիքի անդամներ։
Համադրելով այս անձանց գույքի և եկամուտների հայտարարագրերում և կուսակցության հաշվետվությունում առկա տվյալները՝ ստացել ենք մի շարք գլուխկոտրուկներ, որոնք առաջարկում ենք լուծել միասին։
— Ո՞րն է ԱԳ նախարարի ծախսած 3.8 միլիոն դրամի աղբյուրը
— Ինչպե՞ս է Նոր Նորք վարչական շրջանի ղեկավարի տեղակալի ընտանիքը մեկ տարի ապրել 432 հազար դրամով
— Զրո դրամ ունեցող ավագանու անդամը որտեղի՞ց է ՔՊ-ին 1 մլն դրամ նվիրաբերել։
🔗 Կարդալ ավելին

❗️Սոցիալական ցանցի օգտատերերից մեկի՝ կեղծիք և ապատեղեկատվություն հանդիսացող գրառումը հայտնվել է մամուլում, ինչի կապակցությամբ ՀՀ ՊՆ-ն հայտնում է, որ Երասխի հատվածում դիրքային որևէ փոփոխություն տեղի չի ունեցել:

📌 ԶԼՄ գործընկերներին հորդորում ենք հետևել պաշտոնական տեղեկատվությանը, չճշտված, սուտ և կեղծ լուրեր չշրջանառել, նմանօրինակ դեպքերում ճշտումներ կատարել պաշտպանական գերատեսչության համապատասխան ստորաբաժանման հետ:
[ՀՀ ՊՆ]

❗️Գյումրու նախկին քաղաքապետներ Վարդան Ղուկասյանի և Սամվել Բալասանյանի որոշումներով օտարված 24 անուն գույքը հետ պահանջելու վերաբերյալ հայց կներկայացվի դատարան։ Դրանց թվում են «Հոկտեմբեր» կինոթատրոնը, որը Վարդան Ղուկասյանի ղեկավարման տարիներին օտարվել է 25 մլն դրամով, և Սամվել Բալասանյանի պաշտոնավարման ժամանակ օտարված Սև բերդ ամրոցի հարևանությամբ գտնվող հողատարածքները։
📌 ՔՊ խմբակցության ղեկավար Քնարիկ Հարությունյանը մանրամասնել է, որ դեռ 1,5 ամիս առաջ ավագանին դատախազությունից ստացել էր առաջարկներ, որոնք վերաբերում են Գյումրու քաղաքապետների 24 որոշում անվավեր ճանաչելու հարցին: Ըստ դատախազության հիմնավորման՝ այդ որոշումներով խախտվել են համայնքի շահերը:
🔸 Որոշումն ընդունվել է 19 կողմ ձայնով: ՀՀԿ և «Զարթոնք» խմբակցությունները չեն մասնակցել նիստին, «Ապրելու երկիրը»՝ քվեարկությանը: |1lurer.am|