Category: Infocom

📍 Նոյեմբերի 23-ին՝ ժամը 12:10-ին, Ադրբեջանի տարածքում գրանցվել է 4․3 մագնիտուդով երկրաշարժ, որը զգացվել է Սյունիքի մարզի Գորիս, Սիսիան, Մեղրի, Կապան, Քաջարան, Ագարակ քաղաքներում 3-4 բալ ուժգնությամբ:
📌 էպիկենտրոնը ՀՀ Սյունիքի մարզի Գորիս քաղաքից 42 կմ հյուսիս-արևելք է: Էպիկենտրոնային գոտում ստորգետնյա ցնցման ուժգնությունը կազմել է 5-6 բալ:
[ՀՀ ՆԳՆ փրկարար ծառայություն]

🇱🇧🇮🇱 Իսրայելական ավիահարվածի հետևանքով Բեյրութում առնվազն 4 մարդ է զոհվել:
📌 Հաղորդվում է, որ ավիահարվածների հետևանքով ավերվել է 8–հարկանի շենք։ Reuters–ի ականատեսներն ասել են, որ պայթյունները ցնցել են մայրաքաղաքը առավոտյան ժամը 04:00-ի սահմաններում: |tert.am|

🇦🇲🇪🇺 Նիկոլ Փաշինյանը, անդրադառնալով «Եվրաքվե»-ի ստորագրահավաքի արդյունքների հնարավոր քննարկմանը ԱԺ-ում, նշել է, որ քաղաքական տրամաբանության տեսակետից դժվար կլինի դեմ արտահայտվել նախաձեռնությանը։
🗣 «Ես գնացել եմ Եվրոպական խորհրդարան և ասել եմ, որ ՀՀ-ն պատրաստ է Եվրամիությանը լինել այնքան մոտ, ինչքան Եվրամիությունը դա հնարավոր կհամարի։ Իմ այդ ելույթից հետո Հայաստանում քննակումներն ակտիվացել են, և այդ ակտիվ քննարկումները բերել են ստորագրահավաքի և նախագիծ է մտնում ԱԺ։ Քաղաքական տրամաբանությունն ասում է, որ այն կառավարող մեծամասնությունը, որի քաղաքական լիդերը հայտարարություն է արել Եվրոպական խորհրդարանի ամբիոնից, եթե չընդունի այն, դա ոչ միայն մեր հանրության ներսում, այլև նույն եվրոպական հանրությանը դժվար կլինի բացատրել։ Նրանք կարող են հարց տալ՝ մի րոպե, դուք հայտարարեցիք այդ մասին, իսկ ձեր հանրությունը արձագանքեց դրան, հիմա դուք դրան դե՞մ եք»,- ընդգծեց Նիկոլ Փաշինյանը՝ հավելելով, որ այդ հարցը դեռ քննարկման փուլում է։ |armenpress.am|

🚙 Ես ինքս կաջակցեմ այն հանրային խմբին, ովքեր արագաչափերը հանելու օգտին օրենսդրական նախաձեռնություն կբերեն Ազգային ժողով՝ ունենալով 50 հազար ստորագրություն: Հանրայինի եթերում հայտարարել է Նիկոլ Փաշինյանը․
🗣 «Մենք նախ կպայմանավորվենք, որ ԱԺ-ն դեմ կքվեարկի, կանցնենք 300 հազար ստորագրություն հավաքելու տարբերակին, ինչից հետո այդ հարցը կդրվի հանրաքվեի»,- ասել է նա: |tert.am|

🗣 Ես ծառայողական մեքենաների խնդիրը լուծելու եմ կացնային ձեւով․ հիմա ինչ ա տեղի ունենում․ ես ծառայողական մեքենաների ցուցակներն ուզում եմ, եւ առավոտ էլ էի դրանով զբաղված, եւ էսպես գրիչով խազեր եմ քաշում էդ մեքենաների վրա։
🚗 Խոսքը ծառայողական մեքենաների մասին է, որոնք ծառայում են անձանց։ Դրանց մոտ 80 տոկոսը կկրճատվի։ [Նիկոլ Փաշինյան]

❗️Պատրաստվում եմ Արթուր Պողոսյանի թեկնածությունը առաջադրել Քննչական կոմիտեի նախագահի պաշտոնում։ Այս մասին Հանրային Հեռուստաընկերությանը տված հարցազրույցում ասաց վարչապետ Նիկոլ Փաշինյանը։
🗣 «2020 թվականին Պողոսյանը նշանակվել է ԱԱԾ Քննչական դեպարտամենտի ղեկավար, և այդ նույն ահազանգերը ստացել եմ նաև այդ ժամանակ։ Շատ խորը ուսումնասիրություն է կատարվել և այդ ահազանգերը հերքվել են։ Հիմա նորից կիրականացվեն ստուգումներ, և մեծ հավանականությամբ այդ ահազանգերը կրկին կհերքվեն»,- ասաց Փաշինյանը՝ անդրադառնալով լրատվամիջոցներում հրապարակված տեղեկությանը, թե Պողոսյանը կապ ունի կոռուպցիոն գործարքների հետ։
Հիշեցնենք, որ Պողոսյանը այս պահին ՀՀ գլխավոր դատախազի տեղակալն է։

📌 Տվյալ շրջանի պաշտոնանկությունները ոչ թե անձնավորված են, այլ ավելի շատ համակարգերի հետ են կապված։ Բայց բոլոր գործընկերների աշխատանքը, այդ թվում հրաժարական տված, ես գնահատում եմ, բոլոր այդ մարդիկ իրենց շատ էական ներդրումն են ունեցել համակարգերի զարգացման գործում։
🔸Բայց մյուս կողմից ակնհայտ է, որ այն ուղղություններում, որտեղ տեղի են ունեցել իրադարձությունները, որոշակի հարցեր կան, որոնք կամ 2018-ից են բարձրացվել, դրանից առաջ, դրանից հետո, մինչեւ օրս էլ։ Այդ հարցերն ավելի արդյունավետ հասցեագրման անհրաժեշտություն ունեն։ [Նիկոլ Փաշինյանը՝ պաշտոնյաների հրաժարականի մասին]

🏆 Ամփոփվեց «Թվապատում 2024» լրագրողական մրցույթը։ «Ինֆոքոմն» այս տարի երեք մրցանակ ունի։
📃 «Մեդիա 3.0» անվանակարգում հաղթող ճանաչվեց Սուսինա Խաչատրյանի, Լիլիթ Գրիգորյանի և Կատյա Մամյանի հեղինակած «Մարզային համայնքների յուրաքանչյուր 4-րդ պաշտոնյան չի ներկայացրել առնվազն 1 հայտարարագիր» հոդվածը։
🚀 «Լուսաբանելով գիտությունը» անվանակարգում հաղթող ճանաչվեց Զարա Խաչատրյանը՝ «Գիտարբուք» շարքի համար։
🔬 Անի Խաչատրյանն էլ խրախուսական մրցանակի արժանացավ «Քարերն աստղերի՞ն էին նայում, թե՞ մեռյալներին հսկում․ Զորաց քարեր» հոդվածի համար։
🤝 Շնորհավորում ենք մեր բոլոր մրցանակակիր գործընկերներին։