Category: Infocom

⚖️ Գագիկ Ծառուկյանի կալանքի միջնորդության քննությունն ավարտվել է, դատարանը գնացել է խորհրդակցական սենյակ։
📌 Այս մասին լրագրողների հետ զրույցում հայտնեց փաստաբան Երեմ Սարգսյանը՝ նշելով, որ ավելի ուշ կտեղեկանան՝ երբ է հրապարակվելու որոշումը։
📣 «Մեղադրանքում հանցագործության մասին ընդհանրապես խոսք չկա։ Իրենք ասում են՝ իբրև թե Ծառուկյանը Իրանի քաղաքացիներից խարդախությամբ հափշտակություն, փողերի լվացում է կատարել։ Մենք դատարանում փաստաթղթերով հիմնավորեցինք, որ այդ մարդիկ փաստաթղթեր են ստորագրել, որ հենց իրենք են պարտք Ծառուկյանին, որ իրենք գումարները չեն վերադարձրել Ծառուկյանին, բայց պարտավորվել էին վերադարձնել 2026 թվականին։ Մենք հիմնավորեցինք Իրանի դատարանի որոշումով, քանի որ նույն պրոցեսը այնտեղ են սկսել, այնտեղ դատարանը որոշել է, որ հանցագործություն չկա․ քաղաքացիաիրավական գործընթացներ են», — ասաց Երեմ Սարգսյանը։

💬 ԲՀԿ ղեկավար Գագիկ Ծառուկյանի առանձնատանը պահվող կենդանիները գտնվել են լավագույն պայմաններում, իսկ դրանց պահպանման համար առկա են եղել անհրաժեշտ թույլտվությունները։
🗣 Այդ մասին լրագրողներին ասել է ԲՀԿ մամուլի խոսնակ Իվետա Տոնոյանը։
🔸 «Հայաստանում լավագույն, թերևս, պայմաններն են ապահովված եղել այն կենդանիների համար, որոնք այդտեղ՝ այդ վայրում, պահվել են։ Կադրերում երևում են, Գագիկ Ծառուկյանն ունեցել է բոլոր թույլտվությունները, բոլոր տեսակի մասնագետների առկայությունը եղել է»,- նշել է ԲՀԿ խոսնակը։ |civilnet.am|

🇪🇺🍑 ԵՄ ընդլայնման հարցերով հանձնակատար Մարթա Կոսը հայկական ծիրանից ջեմ է պատրաստել և լուսանկարներ հրապարակել իր էջում:
🔸 «Ծիրանները խորհրդանշում են Հայաստանում տեղի ունեցող փոփոխությունները։ Անցյալ ամսվա ընտրություններում հայերի մեծամասնությունը քվեարկեց ԵՄ-ի հետ ավելի սերտ համագործակցություն ձգտող կուսակցությունների օգտին։ Ռուսաստանը փորձեց ազդել քվեարկության վրա՝ սահմանափակելով հայկական մրգերի և ծաղիկների ներմուծումը։ ԵՄ-ն, իր հերթին, օգնեց Հայաստանին՝ բացելով իր շուկան այդ ապրանքներից շատերի համար։
🔸 Ընկերներիցս մեկը նայեց ջեմին և ասաց. «Ազատության տարաներ»։ Ես մտածեցի, որ դա գեղեցիկ ձևակերպում էր»,- գրել է նա: |1lurer.am|