Category: Infocom

⚖️ Ռոբերտ Քոչարյանը, ըստ ամենայնի, կրկին կկանգնի դատարանի առջև։ Այս հնարավորությունը դատարաններին տվել է Սահմանադարական դատարանը։
📌 Հիշեցնենք, որ Քոչարյանի արդարացման պատճառը ՍԴ որոշումն էր, որով հակասահանադրական ճանաչվեց նրան վերագրվող՝ սահմանադրական կարգը տապալելու հոդվածը։ Սակայն եթե նույնիսկ Քոչարյանը մեղավոր ճանաչվի, նա չի ազատազրկվի՝ ենթադրյալ հանցանքի վաղեմության ժամկետն անցնելու պատճառով։
🔸 Վճռից հետո Վճռաբեկ դատարանը ՍԴ-ին խնդրել էր ստուգել՝ օրինակա՞ն է արդյոք 10 մարդու կյանք խլած իրադարձությունների գործով Քոչարյանի և նախկին ենթակաների արդարացման վճիռը, և իրավունք ունի՞ արդյոք վերաորակել մեղադրանքը։ ՍԴ-ն որոշել էր, որ օրենքը, մի կողմից, Սահմանադրությանը չի հակասում, բայց, մյուս կողմից, նաև հնարավորություն տալիս է վերաորակել մեղադրանքը։
🔸 Եթե անգամ ՍԴ-ն վիճարկվող հոդվածը ճանաչեր հակասահմանադրական, Քոչարյանի փաստաբան Հայկ Ալումյանի խոսքով, դա կնշանակեր, որ այսուհետ նման իրավիճակներում Դատախազությունը հնարավորություն կստանար վերաորակելու ամբաստանյալների մեղադրանքները, բայց բարձր դատարանի այդ որոշումը հետադարձ ուժ չէր կարող ունենալ, հետևաբար՝ չէր էլ տարածվի նախկին նախագահի վրա․ «Եվ որպեսզի Ռոբերտ Քոչարյանին դարձյալ մեղադրյալի կարգավիճակ տան, ՍԴ-ն գնաց այլ ուղղությամբ»-, ասում է փաստաբանը: |azatutyun.am|

🇪🇺 ԵՄ խորհուրդը Հարավային Կովկասի և Վրաստանի ճգնաժամի հարցերով նոր հատուկ ներկայացուցիչ է նշանակել Մագդալենա Գրոնոյին։ Նա կփոխարինի Տովյո Կլաարին, որի 6-ամյա պաշտոնավարման ժամկետը լրանում է օգոստոսի 31-ին:
🗣 Գրոնոն, որը նշանակվել է նախնական 12-ամսյա ժամկետով, իր պարտականությունները կստանձնի սեպտեմբերի 1-ից։|tert.am|

🇷🇺 Ձերբակալվել է ՌԴ պաշտպանության նախկին փոխնախարար Դմիտրի Բուլգակովը․ նա մեղադրվում է կոռուպցիոն գործարքներ մեջ։ Նշվում է, որ պաշտոնյան քննչական մեկուսարանում է:
📌 BBC-ի ռուսական ծառայությունը հայտնում է, որ Բուլգակովը յոթերորդ բարձրաստիճան անձն է, որ ձերբակալվել է այս տարվա ապրիլ ամսվանից սկսած։

🚙 Հուլիսի 26-ից մինչև օգոստոսի 26-ը՝ ժամը 23:00-ից մինչև 08:00-ն փակ կլինի՝
🔸 1-ին փուլով Բաբայան փողոցի՝ Բաբայան փ. — Ազատություն պ. խաչմերուկից մինչև Բաբայան փ. — Ուլնեցու փ. խաչմերուկ եղած ճանապարհահատվածը,
🔸 2-րդ փուլով միակողմանի փակ է լինելու Բաբայան փողոցի՝ Բաբայան փ. — Ազատություն պ. խաչմերուկից դեպի Ռիգայի փողոց տանող ճանապարհահատվածը, որտեղ երթևեկությունն իրականացվելու է հանդիպակաց ուղղություն երթևեկելի մեկ գոտու հաշվին:
[Երևանի քաղաքապետարան]

🏘 Սահմանամերձ գյուղերում բնակարանային ապահովման պետական աջակցության ծրագրում դադար է, քանի որ բավարարվել է Կառավարության որոշմամբ նախապես սահմանված 2000 հայտը։
📌 Այս մասին հայտնում են Աշխատանքի և սոցիալական հարցերի նախարարությունից՝ նշելով, որ դադարը հնարավորություն կտա ուսումնասիրել եղած պատկերը, վերլուծել նպատակայնությունը, խնդիրները, գնահատել արդյունքները։
🗣 «Ըստ ուսումնասիրությունների արդյունքների՝ կկայացվի որոշում՝ լավարկումներով, փոփոխություններով կամ նույն պայմաններով ծրագրի շարունակականության ապահովման վերաբերյալ», — նշված է հայտարարությունում։

💰 2024-ի առաջին կիսամյակի տվյալներով Հայաստանի ամենամեծ հարկատուն Զանգեզուրի պղնձամոլիբդենային կոմբինատն է՝ վճարած 64 միլիարդ դրամի հարկերով։
🤳 Երկրորդ ամենամեծ հարկատուն «Մոբայլ սենթր»-ն է՝ վճարած 32,3 միլիարդով։
⛽️ Երրորդ ընկերությունը «Գազպրոմ Արմենիա»-ն է, որը վճարել է 27,5 միլիարդի հարկեր՝ 3,1 միլիարդով պակաս անցած տարվա նույն ժամանակահատվածից։
🌫 «Գրանդ տոբակո»-ն վճարած 23,5 միլիարդ դրամով չորրորդն է։
🛋 «Փրիթի ուեյ» ընկերությունը, որ առավել հայտնի է որպես Vesta խանութների ցանց, հինգերորդ ամենամեծ հարկատուն է։ Անցած տարվա նույն ժամանակահատվածի համեմատ «Փրիթի ուեյ»-ի հարկերն ավելացել են մոտ 2 միլիարդով։ |civilnet.am|

🇦🇲 ՀՀ-ն հանձնառու է Հայաստանի և Թուրքիայի միջև հարաբերությունների կարգավորման գործընթացի շրջանակում ձեռք բերված բոլոր պայմանավորվածությունների կատարմանը և Անկարայից էլ նույնն է ակնկալում, այդ թվում՝ երրորդ երկրների քաղաքացիների և դիվանագիտական անձնագրեր ունեցող անձանց համար հայ-թուրքական ցամաքային սահմանի բացման հարցում:
💬 Այս մասին Sputnik Արմենիային հայտնել են ՀՀ ԱԳՆ-ից՝ պատասխանելով գրավոր հարցմանը։
🇹🇷 Ավելի վաղ Թուրքիայի նախագահ Ռեջեփ Թայիփ Էրդողանը չէր բացառել Հայաստանի հետ սահմանի բացման հնարավորությունը Երևանի և Բաքվի միջև խաղաղության գործընթացի դրական ելքի դեպքում։

📌 «Նոան» սեփական հարկի տակ խոշոր հաշվով հաղթեց Մալթան ներկայացնող «Սլիմա Ուոնդերերսին»՝ 7-0 հաշվով։
⚽️ Կոնֆերենցիաների լիգայի որակավորման 2-րդ փուլում «Ուրարտուն» հյուրընկալվել էր չեխական «Բանիկին»։ Երևանյան ակումբը մրցակցի հարկի տակ պարտվեց 5։1 հաշվով։