Category: Infocom

🎄 Երևան քաղաքի ամանորյա զարդարանքի համար այս տարվի կծախսվի 549 մլն 706 հազար դրամ:
🗣 Այս մասին մամուլի ասուլիսին հայտարարել է Երևանի փոխքաղաքապետ Սուրեն Գրիգորյանը:

🇺🇸🇺🇦 Կիևում ԱՄՆ դեսպանատունը ժամանակավորապես կփակվի Ուկրաինայի մայրաքաղաքի ուղղությամբ սպասվող ավիահարվածի սպառնալիքի պատճառով։
💬 «Կիևում ԱՄՆ դեսպանատունը կոնկրետ տեղեկություն է ստացել նոյեմբերի 20-ին հնարավոր խոշոր ավիահարվածի մասին։ Որպես կանխարգելիչ միջոց դեսպանատունը կփակվի, իսկ դեսպանատան աշխատակիցներին կտրվեն ցուցումներ տեղում ապաստանելու համար։ Դեսպանատունը խորհուրդ է տալիս ԱՄՆ քաղաքացիներին օդային հարձակման դեպքում պատրաստ լինել անհապաղ ապաստարան տեղափոխվելուն»,- ասվում է ԱՄՆ դեսպանատան հաղորդագրությունում։ |tert.am|

✅ Դավիթ Խուդաթյանը, որ ներկայումս Արմավիրի մարզպետն է, կնշանակվի տարածքային կառավարման և ենթակառուցվածքների նախարար։
[Նիկոլ Փաշինյան]

🇺🇸🇹🇷 ԱՄՆ պետքարտուղար Էնթոնի Բլինքենը և Թուրքիայի ԱԳ նախարար Հաքան Ֆիդանը հանդիպում են ունեցել Ռիո դե Ժանեյրոյում:
💬 Ըստ ԱՄՆ պետդեպարտամենտի՝ կողմերը քննարկել են՝
🇦🇲🇦🇿 Հարավային Կովկասում արժանապատիվ և կայուն խաղաղության կարևորությունը,
🇱🇧 իրավիճակը Լիբանանում,
🇮🇱 ընդգծել են Գազայում պատերազմը վերջ դնելու և բոլոր պատանդների ազատ արձակման անհրաժեշտությունը: |azatutyun.am|

🇦🇲🇩🇪 Գերմանիայի ԱԳ նախարար Անալենա Բերբոքը ժամանել է ՀՀ ԱԳՆ, որտեղ մեկնարկել է ՀՀ ԱԳ նախարար Արարատ Միրզոյանի հետ հանդիպումը:
[ԱԳՆ մամուլի խոսնակ Անի Բադալյան]

🇷🇺 Այն, որ ATACMS հրթիռներն այս գիշեր բազմիցս կիրառվել են Բրյանսկի մարզի ուղղությամբ, վկայում է, որ արևմուտքը ցանկանում է սրել իրավիճակը։ Այս մասին ասել է ՌԴ ԱԳ նախարար Սերգեյ Լավրովը։
📌 Նշենք, որ ավելի վաղ ՌԴ ՊՆ-ն հաստատել էր «РБК-Украина»-ի տեղեկությունը, ըստ որի անցած գիշեր ուկրաինական զորքերն ամերիկյան արտադրության ATACMS բալիստիկ հրթիռներով առաջին հարվածներն են հասցրել Ռուսաստանի տարածքին։ ՌԴ ՊՆ-ն հայտնել է, որ С-400 զենիթային համակարգերի և «Պանցիր» զենիթային համալիրների հաշվարկները խոցել են 6 ATACMS-ներից 5-ը և վնասել 1-ը, իսկ զոհեր և ավերածություններ չկան։
🇺🇦 Ուկրաինայի նախագահ Վլադիմիր Զելենսկին, մեկնաբանելով Ռուսաստանի դեմ հեռահար զենքով հարվածները, նշել է․ «Ուկրաինան ունի սեփական արտադրության հեռահար անօդաչու թռչող սարքեր, մենք այժմ ունենք «Նեպտուն» [թևավոր հրթիռ]: Եվ հիմա մենք ունենք ATACMS և կօգտագործենք այս ամենը»:

⚖️ ԱԺ «Քաղաքացիական պայմանագրի» պատգամավոր Հովիկ Աղազարյանը մանր եղջերավորների գործով որպես վկա երեկ երեկոյան հրավիրել է Հակակոռուպցիոն կոմիտե:
🔸 Այս տեղեկությունն «Ազատության» հետ զրույցում հաստատել է պատգամավորը՝ նշելով նաև, որ տեղի է ունեցել առերեսում:

SEE Expo&Dialogue․ էքսպո-կոնֆերանս՝ նվիրված կանաչ տնտեսության ոլորտում աշխատաշուկայի զարգացմանը
Հայաստանում առաջին անգամ կայացավ SEE Expo&Dialogue էքսպո-կոնֆերանսը՝ նվիրված Հայաստանում կանաչ տնտեսության զարգացմանը։
Միջոցառման նպատակը կանաչ տնտեսության ոլորտում աշխատաշուկայի զարգացմանը նպաստելն էր, սկսնակ և փորձառու մասնագետների ուշադրությունը այս ոլորտի վրա կենտրոնացնելը և նրանց խրախուսելը, որ կարիերայի հնարավորություններ փնտրեն նաև այս ոլորտում։
Էքսպո-կոնֆերանսի մասնակից ընկերությունները այցելուներին ներկայացրին իրենց գործունեությունն ու աշխատանքային հնարավորությունները, հավաքագրեցին կարիերայով հետաքրքրված այցելուների տվյալները։
#վճարովի_բովանդակություն

❌ Իմ նախաձեռնությամբ դադարեցնում եմ պատգամավորական լիազորություններս․ ԱԺ ՔՊ պատգամավոր Նարեկ Զեյնալյան
🗣 «Ինչպես մինչ այսօր, այսուհետև ևս, գիտելիքներս և փորձս շարունակելու եմ ծառայեցնել Հայաստանի Հանրապետությանը։
🔸 Իմ քաղաքական թիմի հետ միասին հաղթահարել ենք բավականին ծանր փորձություններ և վստահ եմ, որ իմ գործընկերները կշարունակեն պահպանել մեր հռչակած արժեքները, կշարունակեն պատվով հաղթահարել Հայաստանի Հանրապետության առաջ ծառացած բոլոր մարտահրավերները և իրականություն կդարձնեն մեր երազանքները», — գրել է Զեյնալյանը։