Category: Infocom

🇫🇷🇦🇲🇦🇿 Նրանք (Ադրբեջանում՝ խմբ․) կարող են վստահ լինել, որ համագործակցության տեսակը, սարքավորումների տեսակները, որոնք մենք տրամադրում ենք Հայաստանին, ուղղված են երկրի պաշտպանությանը, դա զուտ պաշտպանական է:
🇪🇺🇺🇸 Մենք աջակցում ենք բոլոր ջանքերին՝ ԵՄ-ի և ԱՄՆ-ի հովանու ներքո՝ հասնելու տևական, կայուն և արդար խաղաղության պայմանագրին: Սա մեր դիրքորոշումն է, և այն, ինչ կարող է տեղի ունենալ այդ ուղղությամբ, նույնպես կստանա մեր աջակցությունը։
[Հայաստանում Ֆրանսիայի արտակարգ և լիազոր դեսպան Օլիվիե Դըկոտինյիի հարցազրույցը «Արմենպրես»-ին]

📣 Արցախի 32 կազմակերպություն համախմբվել է ու նախաձեռնություն ձևավորել․ նրանք բաց նամակ են հղել ՀՀ իշխանություններին՝ ներկայացնելով իրենց առաջարկները բռնի տեղահանված արցախցիներին բնակարաններով ապահովելու ծրագրի նախնական տարբերակի վերաբերյալ։
Մասնավորապես առաջարկում են՝
🔹 ծրագիրն իրականացնել արցախյան համայնքների պահպանման սկզբունքով,
🔹 իրագործման ժամկետը սահմանել 2 տարի՝ ակտիվ ներգրավելով միջազգային և սփյուռքի ֆինանսական ռեսուրսներ,
🔹 բնակելի և անշարժ գույք ձեռք բերելու նպատակով յուրաքանչյուր բռնի տեղահանված անձի հատկացնել բազային 5 մլն ՀՀ դրամ անվերադարձելիության սկզբունքով,
🔹 հրաժարվել ծրագրի շահառուների համար ներկայացվող ՀՀ քաղաքացիության պահանջից։
🔗 Կարդալ ավելին

🇦🇿🇹🇷 Ադրբեջանի պաշտպանության նախարար Զաքիր Հասանովի գլխավորած պատվիրակությունը մեկնել է Թուրքիա։ Ըստ Ադրբեջանի ՊՆ-ի՝ այցի շրջանակում նախատեսվում են նախարարի հանդիպումները, ինչպես նաև այցերը Թուրքիայի մի շարք ռազմական կառույցներ և ձեռնարկություններ։

🔥 Երեկ հրդեհ է բռնկվել Երևանի Արարատյան 1-ին զանգվածի թիվ 10 շենքի 4-րդ հարկի բնակարաններից մեկում։ Բնակարանում հայտնաբերվել է կնոջ դի (ինքնությունը չի հաջողվել պարզել)։
📌 Փրկարարները տարհանել են 7 քաղաքացու և 1 շան։ Հրդեհը մեկուսացվել է ժամը 22։58-ին, մարվել՝ 23։24-ին։ Այրվել է բնակարանի (ընդհանուր մակերեսը՝ 50 քմ) 24 քմ հատվածը։ [ՆԳՆ ՓԾ]

Դառը, սև սուրճ ու գիտություն․ Մանրէաբանության, կենսաէներգետիկայի և կենսատեխնոլոգիայի լաբորատորիայից ներս
🦠 Այս անգամ առաջարկում ենք մեզ հետ հայտնվել Մանրէաբանության, կենսաէներգետիկայի և կենսատեխնոլոգիայի լաբորատորիայից ներս ու պարզել, թե
☕️ ինչպես են սուրճի թափոնների օգնությամբ կենսագազ ստանում,
☘️ սուրճի նստվածքն ու մանրէներն ինչպես կարող են նպաստել բույսերի աճին,
🎨 ինչ կապ ունեն մանրէներն արվեստի հետ։

🇦🇲🇦🇿🇮🇷Իրանի արտգործնախարար Հոսեյն Ամիր Աբդոլլահիանիի հետ հանդիպման ժամանակ Ադրբեջանի արտգործնախարար Ջեյհուն Բայրամովը ասել է․
🗣 «Հայաստանի կողմից խաղաղությանն ու կայունությանը չծառայող երրորդ կողմերին տարածաշրջանում ներգրավելը սպառնալիք է խաղաղության գործընթացի համար»։ |azatutyun.am|

🇦🇲🇨🇾 Մարտի 6-7-ը պաշտոնական այցով Հայաստան կայցելի Կիպրոսի Հանրապետության արտաքին գործերի նախարար Կոնստանտինոս Կոմբոսը:
[ՀՀ ԱԳՆ]

Հանդիպում ենք մարտի 11-ին՝ ժամը 20։00-ին «Էպոս» ակումբում. սպասվող Գիտարբուքը «Տիեզերքի գաղտնիքների բացահայտումը տվյալների օգնությամբ» թեմայով է։
ֆիզմաթ գիտությունների դոկտոր, ԻԿՐԱՆԵՏ կենտրոն միջազգային կազմակերպության տնօրեն Նարեկ Սահակյանը կխոսի հետևյալ թեմաներով՝
– տիեզերքի ուսումնասիրությունը. ինչպե՞ս ենք տեսնում անտեսանելին,
– սև խոռոչներ. էներգիայի ամենամեծ աղբյուրները տիեզերքում,
– արհեստական բանականություն. հեղափոխություն տիեզերքի մասին պատկերացումներում։
Մուտքն անվճար է, բայց նախապես ամրագրումով։

🔸 ТАСС-ի հետ հարցազրույցում ՌԴ ԱԳՆ պաշտոնական ներկայացուցիչ Մարիա Զախարովան ասել է․
🇦🇲🇷🇺 «Մոսկվան և Երևանը կապրեն խաղաղության և ներդաշնակության մեջ, ռուս-հայկական հարաբերությունների պատմությունը հիմք կհանդիսանա երկկողմ համագործակցության զարգացման համար։
🗣 Մենք ունենք հարաբերությունների այսպիսի ֆանտաստիկ պատմություն: Եվ ես չեմ կասկածում, որ այն պետք է ապագայում էլ լինի երկկողմ հարաբերությունների զարգացման հիմք»: |1lurer.am|