Category: Infocom

❗️Սովետաշենի զորամասում զինվորի մահվան մասին լուրը սուտ է և չի համապատասխանում իրականությանը. ՊՆ
🔸 Սոցիալական ցանցերի որոշ օգտատերեր «2-3 օր առաջ Սովետաշենի զորամասում զինվոր է մահացել» վերտառությամբ գրառումներ են կատարում: Լուրը ՊՆ-ն հերքում է։

❗️ Եվրոպայի խորհրդի Նախարարների կոմիտեն վճիռների կատարման վերահսկման շրջանակներում հրապարակել է հերթական որոշումը, որը վերաբերում է 2004 թվականին Բուդապեշտում ադրբեջանցի զինծառայողի կողմից հայ սպա Գուրգեն Մարգարյանի սպանությանը։
🔸 Ընդգծելով Մարդու իրավունքների եվրոպական դատարանի վճռի կարևորությունը՝ ԵԽ Նախարարների կոմիտեն առաջ է քաշել հետևյալ պահանջները․
📝 ՄԻԵԴ-ի վճռից չորս տարի անց Ադրբեջանի իշխանությունները չեն իրականացրել վճռի անհատական միջոցները։ Կոմիտեն կրկին կոչ է անում անհապաղ վճարել հայցվորների ներկայացուցիչների ծախսերը։ Կոմիտեն կոչ է արել Ադրբեջանին ձեռնարկել նոր օրենսդրական փոփոխություններ՝ էթնիկ հիմքով ատելության և խտրականության դեմ պայքարի համար։ |armenpress.am|

🇹🇷 Իդլիբ, Համա, Հոմս և թիրախը, իհարկե, Դամասկոսն է. Թուրքիայի նախագահ Ռեջեփ Թայիփ Էրդողան
🔸 «Սիրիայում ընդդիմության (զինյալների-խմբ.) երթը շարունակվում է: Մենք հուսով ենք, որ դա տեղի կունենա առանց ցնցումների ու աղետների»,- ասել է Թուրքիայի ղեկավարը։
🔸 Նա հիշեցրել է, որ Անկարան դիմել է Սիրիայի նախագահ Բաշար ալ Ասադին՝ համատեղ քննարկելու Սիրիայում կարգավորման հեռանկարները, սակայն դրական պատասխան չի ստացել․ «Մենք դիմել ենք Ասադին՝ միասին որոշելու Սիրիայի ապագան։ Ցավոք , այս կոչին դրական արձագանք չեղավ»,- ասել է Էրդողանը։ |tert.am|

🇦🇿 Կարմիր խաչի միջազգային կոմիտեի (ԿԽՄԿ) ներկայացուցիչները դեկտեմբերին հերթական անգամ տեսակցել են Բաքվում անազատության մեջ պահվող հայերին և վերջիններիս փոխանցել նրանց հարազատների կողմից պատրաստված ծանրոցները:
🗣 Անազատության մեջ պահվող անձանց հնարավորություն է տրվել  կապ հաստատել իրենց հարազատների հետ։
[Կարմիր խաչի հայաստանյան գրասենյակի հաղորդակցության ծրագրերի պատասխանատու Զառա Ամատունի] |armenpress.am|

🇸🇾 Սիրիայի բանակի դեմ գրոհ սկսած զինյալները երկրի մեծությամբ երրորդ քաղաքից՝ Հոմսից ընդամենը հինգ կիլոմետր հեռավորության վրա են:
🗞 ԶԼՄ-ները հայտնում են, որ Հոմսի հազարավոր բնակիչներ գիշերը լքել են քաղաքը:
📍 Մարդու իրավունքների սիրիական մշտադիտարկման կենտրոնը հայտնում է, որ Հոմսը վերահսկելը թույլ կտա ահաբեկիչներին կտրել գլխավոր ճանապարհը, որը տանում է դեպի սիրիական ափ՝ նախագահ Բաշար ալ Ասադի ալևիական փոքրամասնության հենակետը։ |tert.am|

🇬🇪🗣 Ուզում եմ դիմել հայկական ծագում ունեցող քաղաքացիներին և մեր հարևան հայերին, որոնց շրջանում ևս առկա է ռուսական քարոզչությունը, իմ ասած «հայկական կարուսելը» որևէ էթնիկ նշանակություն չունի։
🔸 Սա այն եզրույթն է, որը ես լսել եմ, երբ առաջին անգամ Շևարդնաձեի ղեկավարման ժամանակ եկա Վրաստան։ Այն գործածվել է նաև Սաակաշվիլու օրոք։ Եվ եթե ես չեմ սխալվում, Հայաստանում այն կոչում են «վրացական կարուսել»։ Սրանում էթնիկ հարց չկա:
[Վրաստանի նախագահ Սալոմե Զուրաբիշվիլի] |armradio.am|

🇹🇷 Թուրքիայի անվտանգության խորհուրդը հույս է հայտնել, որ Հայաստանի ու Ադրբեջանի միջև խաղաղության պայմանագիր կկնքվի:
🔸 Դեկտեմբերի 5-ին տեղի է ունեցել Թուրքիայի անվտանգության խորհրդի նիստ՝ Ռեջեփ Էրդողանի նախագահությամբ:
💬 «Ընդգծվել են այն ակնկալիքն ու ցանկությունը, որ Ադրբեջանի և Հայաստանի միջև բանակցություններում արձանագրված դրական տեղաշարժերը կավարտվեն խաղաղության պայմանագրով։ Կայուն խաղաղության հաստատումը կհամապատասխանի մեր տարածաշրջանի բոլոր դերակատարների շահերին»,- ասված է հայտարարության մեջ: |1lurer.am|

🇷🇺 Հայաստանը կարող է պարտք ունենալ ՀԱՊԿ-ին վճարումների գծով և այն չվճարել երկու տարի։ Հիմա պարտք կա 2024թ. համար, ժամկետը լրանում է 2025-ի վերջին։
🗣 Այս մասին հայտնել է ՌԴ ԱԳ փոխնախարար Ալեքսանդր Պանկինը։
💬 «Հայաստանը կարող է երկու տարի չվճարել այդ պարտքը։ Հետո համապատասխան որոշումներ կկայացվեն»,- ասել է Պանկինը՝ հավելելով, որ «իրականում Հայաստանի պարտքը գերբնական բան չէ»։ |factor.am|

🇦🇲🇺🇸 ՀՀ պաշտպանության նախարար Սուրեն Պապիկյանը Պենտագոնում հանդիպել է ԱՄՆ պաշտպանության նախարար Լլոյդ Օսթինի հետ։
🔸 Օսթինն ԱՄՆ պատրաստակամությունն է հայտնել ՀՀ ԶՈՒ բարեփոխումներին աջակցությունը շարունակելու հարցում։ Քննարկվել են նաև միջազգային ու տարածաշրջանային անվտանգության հարցեր:
🗣 «Հաստատել եմ տարածաշրջանում երկարատև խաղաղության հասնելու Հայաստանի ձգտումը։ ԱՄՆ պաշտպանության քարտուղար Լլոյդ Օսթինն իր հերթին հայտնել է ԱՄՆ աջակցությունն այդ նպատակին»,- ֆեյսբուքյան էջում գրել է Պապիկյանը: