Category: Infocom

🇦🇲🇦🇿🇹🇷 Եթե «Զանգեզուրի նախագիծը» հաջողությամբ ավարտվի, դա կլինի շատ կարևոր միջանցք, որը կկապի ոչ միայն Ադրբեջանը, այլև Հայաստանը, Իրանը, Թուրքիան և Վրաստանը Կովկասով Կենտրոնական Ասիայի հետ:
[Թուրքիայի Ազգային մեծ ժողովի նախագահ Նուման Քուրթուլմուշ] |tert.am|

🇦🇲🇦🇿🇹🇷 Հայաստանը Ադրբեջանի հետ խաղաղ ապրելուց բացի՝ այլ շանս չունի. Թուրքիայի Ազգային մեծ ժողովի նախագահ Նուման Քուրթուլմուշ
🗣 «Հայաստանի և Ադրբեջանի խնդիրը կապված է ոչ թե Հայաստանում ապրող հայերի, այլ Եվրոպայի և Ամերիկայի հայկական սփյուռքի և այս տարածաշրջանում խաղաղություն չցանկացող շրջանակների հետ»։ |tert.am|

📌ՀԱՊԿ-ից դուրս գալու մասին Հայաստանից պաշտոնական ծանուցումներ Բելառուսը չի ստացել։ Այս մասին հայտարարել է Բելառուսի նախագահ Ալեքսանդր Լուկաշենկոն։
🗣 «Մենք այս խնդիրը քննարկել ենք նախագահների հետ Կազանում։ Մենք ՀԱՊԿ-ից ոչ մեկին չենք վռնդում, միշտ աջակցել ենք, աջակցում ենք և կաջակցենք Հայաստանին, որպես մեր դաշնակից, բայց եթե նրանք չեն ուզում լինել ՀԱՊԿ անդամ… ՀԱՊԿ-ը չի փլուզվի»,- ասել է նա։ |armeniasputnik.am|

🇦🇲🇨🇵 Ֆրանսիայի ՊՆ ղեկավար Սեբաստիան Լըկորնյուն հայ գործընկեր Սուրեն Պապիկյանի և ՀՀ-ում Ֆրանսիայի դեսպան Օլիվիե Դըկոտինյիի հետ փետրվարի 24-ին այցելել է Ծիծեռնակաբերդ՝ Հայոց ցեղասպանության զոհերի հուշահամալիր և այդ մասին գրառում կատարել X-ի իր միկրոբլոգում։
🗣 «Այսօր Հայաստանում խաղաղություն պաշտպանելը նշանակում է նաև հարգել Հայաստանի զավակների հիշատակը, որոնք լքել են իրենց երկիրը, որպեսզի միանան Ֆրանսիային և պաշտպանեն այն»,- գրել է նա։ |factor.am|

🌨️ Սյունիքի մարզում և Դիլիջան, Իջևան քաղաքներում տեղում է ձյուն։
📌 Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները:
[ՆԳՆ ՓԾ]

‼️ Փետրվարի 24-ին՝ ժամը 17:55-ի սահմաններում, դեռևս չպարզված հանգամանքներում (նախնական տվյալներով` հրազենային վիրավորման հետևանքով) մահացել է ՊՆ N զորամասի զինծառայող Ավագ Դանիելի Զաքարյանը:
Դեպքի հանգամանքներն ամբողջովին պարզելու նպատակով ընթանում է քննություն:
[ՀՀ ՊՆ]

❌ ՀՀ ՊՆ-ն հերքում է Ադրբեջանի հաղորդագրությունը, թե փետրվարի 24-ին՝ ժամը 12:45-ի սահմաններում, ՀՀ ԶՈՒ ստորաբաժանումներն իբր կրակ են բացել սահմանագոտու արևելյան հատվածում տեղակայված ադրբեջանական դիրքերի ուղղությամբ։
‼️ Միևնույն ժամանակ, ՀՀ ՊՆ-ն հայտնում է, որ փետրվարի 24-ին՝ ժամը 12:30-ի սահմաններում, Ադրբեջանի ԶՈՒ ստորաբաժանումներն են կրակ բացել Վերին Շորժայի (Գեղարքունիքի մարզ) հատվածում տեղակայված հայկական դիրքերի ուղղությամբ:

‼️ Հայաստանը որևէ մեկի «ետնաբակը» չէ, այլ բարեկամ և ժողովրդավարական երկիր է, որի ինքնիշխանությանն ու տարածքային ամբողջականությանը սատարում է Ֆրանսիան:
💬 Այս մասին X-ի իր միկրոբլոկում գրել է ՀՀ-ում Ֆրանիսայի դեսպան
Օլիվիե Դըկոտինյին՝ մեկնաբանելով Politico-ի նյութը, որում նշվել է, թե իբր «Ֆրանսիան իր դրոշն է բարձրացրել ՌԴ ետնաբակում Հայաստանի հետ զենքի մատակարարման գործարքների միջոցով»: