Category: Infocom

📢 ՀՅԴ Բյուրոն վերջին օրերին ոստիկանների գործողությունների վերաբերյալ հայտարարություն է տարածել․
❗️«Վերջին օրերին ոստիկանության տարբեր ստորաբաժանումների դրսևորած աննախադեպ լկտի պահվածքը, ապօրինություններն ու բռնությունները ուղղակիորեն վկայում են պետական մակարդակով իրականացվող ահաբեկչության մասին։ Աներկբա է, որ Հայաստանում ոտնահարված են ժողովրդավարությունն ու մարդու իրավունքները։
📌 Խուլիգանական բնույթի ոստիկանական ապօրինությունները չեն կարող հակազդեցության չարժանանալ և անհետևանք մնալ։ Կոչ ենք անում համայն հայությանը շարունակելու պայքարը՝ հայրենիք, պատիվ ու սրբություն չունեցող աղետաբեր վարչախմբի դեմ»։

🇦🇲🇮🇷 Արարատ Միրզոյանը և ԻԻՀ ԱԳ նախարարի պարտականությունները կատարող Ալի Բաղերի Քանին հեռախոսով քննարկել են երկկողմ և տարածաշրջանային օրակարգի հարցեր։
🔸 Զրուցակիցներն ընդգծել են, որ երկու երկրների և ժողովուրդների միջև բարիդրացիական կապերը խորն են ու ամուր և կկրեն շարունակական բնույթ: Արարատ Միրզոյանը և Ալի Բաղերի Քանին անդրադարձ են կատարել երկկողմ և տարածաշրջանային օրակարգին՝ շեշտելով մինչ այս ձեռք բերված պայմանավորվածությունների իրականացման և ընթացիկ ծրագրերի շարունակականության ապահովման հարցում փոխադարձ պատրաստակամությունը:
[ՀՀ ԱԳՆ]

❗️ Այսօր կայացել է Լոռու և Տավուշի մարզերում հեղեղումների առաջացրած արտակարգ իրավիճակի կառավարման նպատակով ձևավորված օպերատիվ շտաբի ընդլայնված կազմով հերթական նիստը։ Նախարարին զեկուցվել են օրվա անելիքները և առավոտյան տրված հանձնարարականների կատարման արդյունքը։
📌 Ներկայացվել է վնասների գույքագրման աշխատանքների ընթացքը։ Նախարար Սանոսյանը շտաբի անդամներին տեղեկացրել է Մ6 միջպետական մայրուղու որոշ հատվածներ անցանելի դարձնելու, ինչպես նաև երկաթուղու աշխատանքը մինչև Այրում կայարան և այնտեղից արդեն բեռնատարներով բեռը տեղափոխելու ուղղությամբ տարվող աշխատանքների վերաբերյալ։ Նախարարը նշել է, որ սննդի և ջրի կարիք չկա։

🚇 Հունիսի 1-ին Երևանի մետրոպոլիտենի մուտքն անվճար կլինի մինչև 16 տարեկան երեխաների համար։ [Երևանի մետրոպոլիտեն]

❗️ Հայաստանի ինքնիշխանությանը, սուվերենությանը, անկախությանը սպառնալիքներ շատ կան, դրանք գալիս են մի քանի երկրից։ Այս մասին հայտարարել է արտաքին հետախուզական ծառայության պետ Քրիստիննե Գրիգորյանը չհստակեցնելով, սակայն թե որոնք են այդ երկրները։
🔸 Վտանգները չեզոքացնելուն ուղղված քայլերի մասին հարցին ի պատասխան, Գրիգորյանն ասաց, որ ՀՀ անվտանգության ոլորտում կատարվում են բարեփոխումներ։

❗️Սոցցանցերում և որոշ լրատվամիջոցներում շրջանառվող այն տեղեկատվությունը, որ աղետի պատճառ է հանդիսացել «ՁորաՀԷԿ»-ի ջրընդունիչից ջրի բացթողումը, կեղծ է և չի համապատասխանում իրականությանը:

🗣«Ձորագետ Հիդրո» ՍՊԸ գլխավոր ինժեներ Արա Հակոբյանը նշել է. «Հեղեղի ընթացքում ՁորաՀԷԿ-ը աշխատել է և այսօր էլ շարունակում է աշխատել բնականոն ռեժիմով, ընդ որում առավելագույն ծանրաբեռնվածությամբ։ Մայիսի 26-ին, ինչպես նաև նախորդող օրերին էլեկտրաէներգետիկական համակարգը գործել է բնականոն ռեժիմով, խափանումներ չեն գրանցվել»։
📌 Ինչ վերբերում է Լոռու մարզպետի աշխատակազմի ֆեյսբուքյան էջում ապրիլի 19-ին հրապարակված հայտարարությանը, ապա նման նախազգուշացումներ «Ձորագետ Հիդրո» ՍՊԸ-ի կողմից արվում են յուրաքանչյուր տարի՝ հորդորելով ափամերձ վայրերում բնակվող քաղաքացիներին զգոնություն ցուցաբերել գետի վարարման ժամանակահատվածում: [Լոռու մարզպետարան]

🛣️ Տավուշի հատվածում ներկայում սահմանի սահմանապահներն իրականացնում են ծառայություն, բայց տվյալ ուղղություններում զինված ուժերն ունեն կանոնավոր ստորաբաժանումներ, որոնք պատրաստ են իրենց առջև դրված խնդիրները կատարել։

[ԶՈՒ ԳՇ պետ Էդվարդ Ասրյան]

🇦🇲🇪🇺 Սուրեն Պապիկյանը հանդիպել է ԵՄ ռազմական կոմիտեի նախագահ, գեներալ Ռոբերտ Բրիգերի հետ:
🗣 Քննարկվել են պաշտպանության ոլորտում Հայաստան-ԵՄ համագործակցությանն առնչվող հարցեր: Պայմանավորվածություն է ձեռք բերվել փոխադարձ հետաքրքրություն ներկայացնող ոլորտներում համագործակցությունը զարգացնելու վերաբերյալ:
📌 Պաշտպանության նախարարը ներկայացրել է ՀՀ զինված ուժերի բարեփոխումների ընթացքը: Քննարկվել են նաև տարածաշրջանային անվտանգությանն առնչվող հարցեր:
[ՀՀ ՊՆ]

📌 ՆԳՆ շենքի դիմաց Վահե Ղազարյանին սպասող քաղաքացիները Բագրատ Սրբազանի առաջնորդությամբ հեռացան այնտեղից և շարժվում են դեպի Սուրբ Աննա եկեղեցու բակ։
🔸 Նրանք սպասում էին, որ Ղազարյանը դուրս կգա ԱԺ մեկնելու՝ բյուջեի կատարողականի նախնական քննարկմանը մասնակցելու համար։ Աժ-ում այս պահին ՆԳ նախարարի տեղակալ Արփինե Սարգսյանն է ներկայացնում նախագիծը։ Փոխնախարարը հրաժարվել է պատասխանել «Ազատության» հարցին, թե ինչու Վահե Ղազարյանը չէ ԱԺ-ում՝ ասելով, որ դրա վերաբերյալ, ինչպես նաև այլ հարցերին կպատասխանի նիստից հետո։
🗣 Բագրատ Սրբազանը հայտարարեց՝ իրենք են թելադրելու՝ ով գործի գնա, ով՝ չէ․ «Էն Վահե Ղազարյանը, որին ես ճանաչում էի, հոգով, մտքով, նկարագրով էսօր մեռավ»։

💬 «Ես քաղաքացիների և տարբեր մարդկանց հետ հանդիպումներ ունենում եմ։ Եվ ինձ հանդիպելու ընթացակարգ և ձևաչափ կա։ Ովքեր ուզում են հերթագրվել ինձ հետ հանդիպելու համար, դա կարող են ազատ անել»։
🗣 Այս մասին լրագրողների հետ զրույցում ասաց Նիկոլ Փաշինյանը՝ անդրադառնալով Բագրատ Սրբազանի հետ հնարավոր հանդիպմանը։
📌 Ավելի վաղ վերջինս ասել էր, որ այլևս չի ցանկանում հանդիպել Փաշինյանի հետ։