Category: Infocom

🇦🇲🇪🇺 Նիկոլ Փաշինյանն ու Ստեֆանո Տոմատն անդրադարձել են ԵՄ դիտորդական առաքելության հետագա գործունեությանը վերաբերող հարցերի։
🗣 Փաշինյանը ԵՄ արտաքին գործողությունների ծառայության քաղաքացիական գործողությունների հրամանատար Ստեֆանո Տոմատին ասել է, որ առաքելության արդյունավետ գործունեությունը նպաստում է տարածաշրջանում խաղաղության ու կայունության ապահովմանը:
📌 Երկուստեք ընդգծվել է Հայաստան-ԵՄ բազմաոլորտ համագործակցության շարունակական զարգացման կարևորությունը:

⚖️ «Ձեռք չեն բերվել ապացույցներ, որ նա առնչություն ունի ՊՆ-ից գումար հափշտակելու հետ»․ Գևորգ Ալթունյանն ազատության մեջ է

📌 Հակակոռուպցիոն առաջին ատյանի դատարանը փետրվարի 14-ին մերժել է վարույթն իրականացնող մարմնի միջնորդությունը` ՊՆ տեղեկատվության և հասարակայնության հետ կապերի վարչության նախկին պետ Գևորգ Ալթունյանի նկատմամբ կիրառված խափանման միջոց տնային կալանքը ևս երկու ամսով երկարաձգելու միջնորդությունը: Ըստ այդմ` Ալթունյանի նկատմամբ կիրառվել է գրավը և այժմ նա ազատության մեջ է:
🗣 «Շուրջ 9 ամիս տևող նախաքննության ընթացքում այդպես էլ ձեռք չեն բերվել ապացույցներ առ այն, որ Գևորգ Ալթունյանը որևէ առնչություն ունի ՊՆ-ից ոչ թե 106 միլիոն, այլ նույնիսկ 10 դրամ հափշտակելու հետ», — նշել է Ալթունյանի պաշտպան, Միջազգային և համեմատական իրավունքի կենտրոնի նախագահ Սիրանուշ Սահակյանը:|news.am|

🇦🇿💬 Ադրբեջանի ԱԳՆ-ն արձագանքել է Նիկոլ Փաշինյանի հայտարարություններին Մյունխենի և հարակից շրջանների հայ համայնքի ներկայացուցիչների հետ հանդիպմանը․
🔸 «Գալով Նիկոլ Փաշինյանի այն հայտարարությանը, ըստ որի՝ Ղարաբաղի ինքնորոշման հարցը միջազգային հանրության շրջանում աջակցություն չի ստացել, նշանակում է, որ վարչապետը Ադրբեջանի տարածքների հանդեպ ունեցած պահանջները ոչ թե անհիմն է համարում, այլ դրանց ընթացք տալն անիմաստ է գտնում, քանի որ այն չի արժանանում միջազգային հանրության աջակցությանը։
🔸 Սա հավելյալ ապացուցում է Հայաստանի տարածքային հավակնությունները Ադրբեջանի նկատմամբ։ Այդ տեսանկյունից անհրաժեշտություն է, որ Հայաստանը իր Սահմանադրությունում և իրավական ակտերում հանի մեր [Ադրբեջանի] դեմ տարածքային ամբողջականության և ինքնիշխանության պահանջներ ենթադրող կետերը»։ |civilnet.am|

‼️ Սահմանադրական բարեփոխումների խորհրդին է ներկայացվել սահմանադրական փոփոխությունների և նոր սահմանադրությունների ընդունման միջազգային փորձը։
🔸 Արդարադատության նախարարությունում Սահմանադրական բարեփոխումների խորհրդի և Հանձնաժողովի՝ փետրվարի 16-ին տեղի ունեցած համատեղ նիստի ընթացքում առաջարկվել է վարչապետի մասնակցությամբ կազմակերպել քննարկում՝ սահմանադրական բարեփոխումների գործընթացի հետագա ուղղությունների շուրջ մտքերի փոխանակման համար:
[ՀՀ արդարադատության նախարարություն]

🇦🇲🇷🇺 Այն, ինչ խոսվում է, թե Ռուսաստանը պետք է մեր տարածքում որևէ բան վերահսկի, 9-րդ կետում այդպիսի բան չկա գրած, էլ չեմ ասում, որ եռակողմ հայտարարության այն մնացած կետերը, ըստ էության, Ադրբեջանը և ՌԴ-ն ճղել-գցել են մի կողմ։ Այդ 9-րդ կետի վրա հղումն արդեն էլ արդիական չի, որովհետև և ՌԴ-ն և Ադրբեջանը նախորդ կետերով իրանց պարտավորությունները ամբողջությամբ խախտել են, այսօր ԼՂ-ում հայ չկա:
🔸 Եվ դա այդ թվում ԼՂ-ում տեղակայված ռուսական խաղաղապահ զորախմբի պատասխանատվությունն է, որի տեղակայման նպատակը Լեռնային Ղարաբաղի հայությանը պաշտպանելն էր:
[Նիկոլ Փաշինյանը Մյունխենի և հարակից շրջանների հայ համայնքի ներկայացուցիչների հետ հանդիպմանը] |1lurer.am|

#գիտարբուք Արսեն Առաքելյանի հետ․ Մոլեկուլային կենսաբանությունն ու հիվանդությունները
— Ի՞նչ է մոլեկուլային կենսաբանությունը,
— մոլեկուլային կենսաբանության գործիքակազմի փոփոխությունը․ ավանդականի ու արհեստական բանականության համատեղումը,
— մարդու ծերացման վերաբերյալ հետազոտությունները,
— ինչպե՞ս են աշխատում COVID-ի ՊՇՌ թեստերը, ինչպե՞ս պատրաստվեցին հայկականները,
— COVID-ի հետևանքները, կապը այլ հիվանդությունների հետ,
— հակաբիոտիկների ոչ տեղին օգտագործումը, հակաբիոտիկակայուն բակտերիաների առաջացումը,
— քաղցկեղի վաղաժամ հայտնաբերման հնարավորությունը,
— «պլացեբոյի էֆեկտը»,
— գիտության զարգացման «հաջորդ շերտը»,
— «բրիտանացի գիտնականները»․ գիտության արդյունքների սխալ, թերի մեկնաբանությունը,
— գենետիկորեն ձևափոխված օրգանիզմների վերաբերյալ ուսումնասիրությունները։