Category: Infocom

🇷🇺 Առայժմ մանրամասներին չեմ տիրապետում, ուստի ոչինչ չեմ կարող ասել այդ առումով: Այնտեղ մշտական շփումներ են ընթանում, ուստի չեմ կարող հստակ դա հաստատել:
🗣 Այս մասին ասել է Պեսկովը՝ ի պատասխան հարցին, թե արդյոք կարող է հաստատել 13:00-ի դրությամբ մարտական գործողությունները դադարեցնելու մասին տեղեկությունը:

🔸 Ստեփանակերտի մերձակայքից, բացի հրետանային արկերի ձայներից, լսվում են նաև հրաձգային զենքերի կրակոցների ձայներ, ինչը նշանակում է, որ մերձակա մարտեր են ընթանում։ Այս մասին հայտնում է «Հետքի» Ստեփանակերտի թղթակիցը։
🔸 Նրա խոսքով առավոտյան ժամը 6-7-ի մոտակայքում կրակոցների ձայները դադարել էին, սակայն ժամը 8-ից սկսած՝ Ադրբեջանի զինված ուժերը կրկին սկսել են ինտնեսիվ կրակել։

🔸 Այս պահին Հանրապետության հրապարակում իրադրությունը հանդարտ է, միայն ոստիկաններ են։
🔸 ՀՀ-ում ՌԴ դեսպանատան դիմաց ևս հանգիստ է։ Միայն ոստիկաններ կան, որոնք միմյանցից մեկ մետր հեռավորությամբ շարք են կազմել՝ փակելով դեսպանատան մուտքը։

❗️Անդրանիկ Թևանյանը հայտարարեց, որ Հանրապետության հրապարակում վրան են տեղադրելու և չեն հեռանալու այդտեղից այնքան, մինչև Նիկոլ Փաշինյանին չհեռացնեն իշխանությունից։
🗣 «Մենք մնալու ենք այստեղ մինչեւ Նիկոլ Փաշինյանի հրաժարականին ու հեռացմանը հասնելը։ Ես հիմա խնդրում եմ ձեզ՝ ովքեր ունեն այս հնարավորությունը, աջակցել անձամբ ինձ, և կոչ եմ անում 24-ժամյա ռեժիմով անընդհատ մնալ, և հիմա իմ բնակարանը դառնում է այս տարածքը, հիմա խնդրում եմ օգնեք տեղադրել այն վրանը, որտեղ ես մնալու եմ այնքան ժամանակ, մինչեւ ժողովուրդը գա, հավաքվի ու մենք միասին ժողովրդի ճնշմամբ հասնենք փոփոխությունների, որին զուգահեռ մենք խորհրդարանում իրականացնելու ենք իշխանազրկման գործընթաց»,- նշեց Թևանյանը։

‼️ Կառավարության շենքի դիմաց զանգվածային անկարգություններ կազմակերպելու և դրանց մասնակցելու, հրապարակային կոչեր հնչեցնելու դեպքերի առթիվ նախաձեռնվել է վարույթ․ ՔԿ
🔎 «Անկարգությունները զուգորդվել են ծառայություն իրականացնող ոստիկանության աշխատակիցների նկատմամբ բռնությամբ՝ ոտքերով և ձեռքերով հարվածներ հասցնելով և նրանց ուղղությամբ տարբեր առարկաներ նետելով»,- նշված է ՔԿ հաղորդագրության մեջ։

🗣 Եթե դուք պատրաստ եք այս իրավիճակի փոփոխության անձնական պատասխանատվությունը դնել անձամբ իմ վրա, ես պատրաստ եմ ստանձնել այդ պատասխանատվությունը։
❗️ Այս մասին հրապարակում հայտարարեց «Մայր Հայաստան» դաշինքի քաղաքապետի թեկնածու Անդրանիկ Թևանյանը։ Նրա հայտարարությանը հավաքված քաղաքացիները դրական արձագանքեցին։

🇪🇺 Այս ռազմական էսկալացիան չպետք է օգտագործվի որպես պատրվակ ստիպելու տեղի բնակչությանն արտագաղթել։
🗣 Այս մասին գրել է ԵՄ արտաքին քաղաքականության հարցերով բարձր ներկայացուցիչ Ժոզեպ Բորելը՝ նշելով, որ հրատապ անհրաժեշտություն կա, որ Բաքուն և Ղարաբաղի հայերը վերադառնան երկխոսության:
💬 «ԵՄ-ն դատապարտում է ռազմական էսկալացիան շփման գծի երկայնքով և Ղարաբաղի այլ վայրերում։ ԵՄ-ն ցավում է էսկալացիայի հետևանքով մարդկային կորուստների համար։ Մենք կոչ ենք անում անհապաղ դադարեցնել ռազմական գործողությունները, իսկ Ադրբեջանին՝ դադարեցնել այժմյան մարտական գործողությունները»,- գրել է նա։

Սիրանուշ Սարգսյանը իր թվիթերյան էջում տեսանյութ է հրապարակել՝ կից գրելով․
«Ադրբեջանը հրետակոծում է Ստեփանակերտի քաղաքացիական բնակելի թաղամասերը․ սա մեր կողքին գտնվող շենք է, որի մերձակայքում ռազմական թիրախ չկա»։