Category: Infocom

🇷🇺🇮🇷 Մոսկվան աջակցում է Ադրբեջանի հետ միջանցքների և հաղորդակցության ուղիների հարցում Իրանի քաղաքականությանը։
🗣 Այս մասին ասել է ՌԴ ԱԽ քարտուղար Սարգեյ Շոյգուն Իրանի ազգային անվտանգության բարձրագույն խորհրդի քարտուղար Ալի-Աքբար Ահմադիանի հետ Թեհրանում կայացած հանդիպմանը։
🤝 Իրանի նախագահի հետ հանդիպմանը Շոյգուն փոխանցել է Պուտինի ուղերձը՝ շեշտելով, որ ՌԴ դիրքորոշումը տարածաշրջանային հարցերում Իրանի հետ համագործակցելու հարցում չի փոխվել։ |azatutyun.am|

🇷🇺🇦🇿 Մոսկվայում տեղի է ունեցել Ադրբեջանի և Ռուսաստանի փոխվարչապետներ Շահին Մուստաֆաևի և Ալեքսեյ Օվերչուկի հանդիպումը։
🤝 Ի զարգացումն ՌԴ և Ադրբեջանի նախագահներ Վլադիմիր Պուտինի և Իլհամ Ալիևի՝ 2024 թ․ օգոստոսի 19-ին Բաքվում կայացած բանակցությունների ընթացքում ձեռք բերված պայմանավորվածությունների՝ հանձնաժողովի համանախագահները քննարկել են առևտրատնտեսական և գիտատեխնիկական երկկողմ համագործակցության մի շարք հարցեր։
📌 Օվերչուկն ու Մուստաֆաևը վերահաստատել են պատրաստակամությունը՝ շարունակելու երկխոսությունը՝ բոլոր ուղղություններով ռուս-ադրբեջանական հարաբերությունների ամրապնդման համար: |1lurer.am|

🇷🇺🇮🇷 ՌԴ անվտանգության խորհրդի քարտուղարը Սերգեյ Շոյգուն չհայտարարված այցով ժամանել է Իրան
🔸 Շոյգուն հանդիպել է Իրանի Ազգային անվտանգության բարձրագույն խորհրդի նախագահ Ալի Աքբար Ահմադիանի հետ։

🇬🇪 Վրաստանի խորհրդարանը երրորդ և վերջին ընթերցմամբ ընդունել է «ԼԳԲՏ քարոզչությունը, միասեռ ամուսնությունները և սեռը փոխելու նպատակով բժշկական միջամտությունները» արգելող օրենքի նախագիծը:
🗣 Նախագիծը խորհրդարան էր բերել իշխող «Վրացական երազանք» կուսակցությունը։
📌 Նախագծի քննարկման ժամանակ Խորհրդարանի շենքի մոտ ակցիա է իրականացվել օրենքի նախագծի ընդունման դեմ։ |oc-media.org|

🇦🇲🇹🇷🇦🇿 Թուրքիայի հետախուզական ծառայության ղեկավար Իբրահիմ Քալընը Բաքվում հայտարարել է, թե «Հայաստանի ու Ադրբեջանի միջև հաստատվելիք մշտական ​​խաղաղությունը կապահովի Ադրբեջան-Հայաստան-Նախիջևան-Թուրքիա-Եվրոպա գծային կապը, ներառյալ Զանգեզուրի միջանցքի բացումը»։
🗣 «Հայաստանի և Ադրբեջանի միջև վերջնական խաղաղության համաձայնագիրը կարևոր է նաև Կովկասում կայունության և զարգացման համար», — նշել է նա Բաքվում անվտանգության համաժողովի ժամանակ։

📣 Temu առցանց առևտրի խանութից օգտվողներին խորհուրդ է տրվում փոխել գաղտնաբառը՝ անվտանգության նկատառումներից ելնելով: Այս մասին հաղորդել է Անձնական տվյալների պաշտպանության գործակալությունը։
📌 Նշենք, որ այսօր Cyberhub.am-ի անվտանգության փորձագետ Լևոն Իսաջանյանը հայտնել է, որ առևտրային հարթակի հաճախորդների տվյալների մեծ արտահոսք է տեղի ունեցել, դրանց մեջ նաև ՀՀ քաղաքացիների տվյալներ կան, այդ թվում՝ օգտանուն, էլեկտրոնային հասցե, ինչպես նաև որոշ գաղտնագրված տվյալներ։

🔸 Վերին Պտղնի գյուղում՝ Աբովյանի «Գայի պոստի» հարևանությամբ, տնտեսվարողները անհնազանդության գործողություններ էին ցանկանում իրականացնել, քանի որ կարծում են, որ Աբովյանի ոստիկանության կողմից արգելապատնեշների տեղադրումը հիմնավոր չէ։
🗣 «Ոստիկանությունը ցանկանում է ճաղավանդակներ դնել՝ տնտեսվարողների շահերը հաշվի չառնելով։ Շուրջ 70 տնտեսվարող տուժում է։ Մենք էլ որոշում ենք ուզում, որ հատակագիծը տեսնենք՝ ճաղավանդակները որտեղից են սկսվում ու ավարտվում, չեն տալիս այդ որոշումը։
📌 Մենք էլ ասում ենք՝ խաղաղ անհնազանդություն ենք իրականացնում։ Ոստիկանները մեզ ուզում են առգրավեն, տանեն ոստիկանություն։ Որոշում ցույց չեն տալիս ու մեզ պրովոկացիայի են տանում, որ տանեն ոստիկանություն»,- Aravot.am-ի հետ զրույցում ասել է «Զովք» ընկերության փոխտնօրեն Ռաֆայել Խաչատրյանը։

⚠️ Վերին Լարսի անցակետը սեպտեմբերի 18-ից հոկտեմբերի 2-ը որոշ ժամերի չի աշխատի:
📍 Անցակետի չեզոք գոտում գտնվող թունելում սեպտեմբերի 18-ից հոկտեմբերի 2-ը ներառյալ նախատեսվում է իրականացնել վերանորոգման աշխատանքներ, ինչի կապակցությամբ նշված ժամանակահատվածում Երևանի ժամանակով առավոտյան 05:00-09:00 անցակետերը չեն աշխատի: Մյուս բոլոր ժամերին ռուսական և վրացական անցակետերը կաշխատեն բնականոն ռեժիմով։
[ՀՀ ՏԿԵՆ]