Category: Infocom

⚖️ Արթուր Դանիելյանի մեղադրանքը լրացվեց, ֆեյսբուքի իր էջում գրել է փաստաբան Տիգրան Աթանեսյանը։
🗣 «ՀՀ քրեական օրենսգրքի 297 հոդվածի 2-րդ մասի 3-րդ կետին (խուլիգանություն) ավելացվեցին մի քանի դրվագ ( բոլորը ՖԲ գրառումներ), ինչպես նաև ավելացվեց 490 հոդվածի 2-րդ մասը` ՖԲ գրառմամբ ԱԱԾ-ին արատավորելու համար:
🔸 Դանիելյանը տեղափոխվում է Երևանի քրեական դատարանի Աջափնյակ նստավայր, իսկ նիստի ժամը և դատավորը առայժմ հայտնի չեն»,- հայտնել է փաստաբանը։

🗣 Եթե ոստիկանության գալուն սպասեին, բացարձակապես ոչ մի բան, մեծ հաշվով, տեղի չէր ունենա. ԱԺ-ում Կառավարության հետ հարցուպատասխանի ժամանակ հայտարարեց Նիկոլ Փաշինյանը՝ անդրադառնալով Շաքիի դեպքին:
📌 «Դա սովորական կրիմինալ իրավիճակ է: Երբ ոստիկանություն են զանգում, պետք է սպասել ոստիկանության գործողություններին, եթե ոստիկանության գալուն սպասեին, բացարձակապես ոչ մի բան, մեծ հաշվով, տեղի չէր ունենա»,- ասաց Փաշինյանը։

📌 Ադրբեջանցի զինծառայողի կողմից ծանր վիրավորում ստացած Անի Ավետիսյանի քրոջ խոսքով՝ Փաշինյանը թեթև է ներկայացնում կատարվածը:
🔻Անի Ավետիսյանի քույրը՝ Արփի Ավետիսյանը, արձագանքելով «Ինֆոքոմի» CTRL Z հաղորդման ընթացքում Փաշինյանի պնդմանը, թե ադրբեջանցին դիվերսանտ չէ, այլ մոլորված զինվոր, նշում է. «Եթե մոլորված էր, չէր ուզում վնաս տալ, թող գնար հանձնվեր, ոչ թե ընտանիք դներ կոտորեր»:
🔻Հակադարձելով Փաշինյանի այն պնդմանը, թե ադրբեջանցու «ավտոմատի պահունակը ամբողջական էր», Արփի Ավետիսյանը նշում է. «Ամբողջական չի եղել, մի հատ փամփուշտ կրակել է, չի դիպել, 2-րդն ուզեցել է երեխու վրա կրակի, Անին զենքը փորձել է իջեցնի, էդ ժամանակ իր մատները, ոտքը վնասել է»:
🔻Արփի Ավետիսյանի խոսքով, եթե ադրբեջանցին այդքան խաղաղասեր էր, երեխաներին ինչո՞ւ էր պատանդ վերցնում. «Եթե երեխաներին ազատ թողներ, չէր սպասի ծնողները գային, հասնեին, ինքը արդեն գնացած կլիներ»: |azatutyun.am|

⚖️ Գյումրիի քաղաքապետ Վարդան Ղուկասյանի արդարացման վճիռը կբողոքարկվի. Գլխավոր Դատախազություն
📣 Դատարանն երեկ անմեղ էր ճանաչել խուլիգանության մեջ մեղադրվող Գյումրիի ընդդիմադիր քաղաքապետին: Այս գործով անցնում է նաև Վարդան Ղուկասյանի որդին՝ Սպարտակ Ղուկասյանը: Քրեական վարույթը հարուցվել էր, երբ հայր ու որդի Ղուկասյանները հարցազրույց էին տվել լրագրողներին։ Նախաքննական մարմինը նրանց խոսքում խուլիգանություն էր տեսել ու քրեական վարույթ հարուցել «մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով կատարված խուլիգանություն» հոդվածով:
📌 Ի տարբերություն հոր՝ Սպարտակ Ղուկասյանին դատարանը խուլիգանության համար նախօրեին մեղավոր ճանաչեց՝ մեղադրանքից հանելով «մի խումբ անձանց կողմից տեղեկատվական տեխնոլոգիաների օգտագործման» մասը: Նրա պատժաչափը կհրապարակվի հաջորդ նիստին: |azatutyun.am|

📌 Գագիկ Խաչատրյանին վերագրվող կտավների մի մասը պատկանել են ընտանիքի մյուս անդամներին, որոնք ստացվել են նաև որպես նվեր․ Գագիկ Խաչատրյանի փաստաբանական խմբի հայտարարությունը
🗣️ «Այս գործողությունները ակնհայտ ոչ իրավաչափ են և ոտնահարում են մասնավոր, անձնական կյանքի գաղտնիության իրավունքը։ Վարույթն իրականացնող մարմինը մինչ այս պահը այդ կտավների ծագման և դրանց օրինականության վերաբերյալ գեթ մեկ պարզաբանում չի փորձել ստանալ Խաչատրյաններից։
🖇️ Միաժամանակ, օրենքը խստիվ արգելում է քրեական վարույթի շրջանակներում առգրավված՝ այլ անձանց սեփականություն հանդիսացող գույքի օգտագործումը վարույթն իրականացնող մարմնի կամ այլոց կողմից, ուստի դրանք Ազգային պատկերասրահի կողմից բաց ցուցադրության դնելը խստորեն արգելված է օրենքով, ինչպես նաև խախտում է դրանց սեփականատերերի սեփականության և մասնավոր կյանքի գաղտնիության իրավունքը»,- ասվում է հաղորդագրությունում: