Category: Infocom

🎶👨‍💼Ձերբակվել են դիրիժոր Սերգեյ Սմբատյանն ու նրա հայրը՝ արտակարգ և լիազոր դեսպան Արմեն Սմբատյանը։
📌 Քրեական վարույթով պարզվել է, որ Արմեն Սմբատյանը, Սերգեյ Սմբատյանը և գործարար Ա.Պ.-ն 2012 թ․ ՀՀ կառավարությանը ներկայացրել են 800 մլն դրամ արժողության «Գրքի աշխարհ» բազմաֆունկցիոնալ համալիր կառուցելու կեղծ ներդրումային ծրագիր և խարդախությամբ հափշտակել «Երևանի Պ.Չայկովսկու անվան միջնակարգ երաժշտական դպրոց» ՊՈԱԿ-ին անհատույց օգտագործման իրավունքով տրամադրված, Երևանի Կողբացի 36 հասցեում գտնվող հողամասից առանձնացված 300 քմ մակերեսով, 166 մլն 103 հազար դրամ արժողությամբ հողամասը: [Գլխավոր դատախազություն]
🔗 Կարդալ ավելին

❗️Ադրբեջանի ՊՆ-ն այսօր հայտարարել է, թե իբր ՊԲ համապատասխան ստորաբաժանումները հուլիսի 24-ից հուլիսի 27-ն ընկած ժամանակահատվածում ճնշել են Արցախի օդային տարածքով թռիչքներ իրականացնող քաղաքացիական օդանավերի GPS տեղորոշման համակարգերը, ինչի հետևանքով ստեղծվում է լուրջ սպառնալիք թռիչքների անվտանգության համար:
📌 Ադրբեջանի ՊՆ իրականության հետ որևէ աղերս չունեցող հայտարարությունը, ըստ երևույթին, նպատակ ունի միջազգային հանրության ուշադրությունը շեղել Լաչինի միջանցքի ապօրինի շրջափակման հետևանքով առաջացած հումանիտար աղետից։ [Արցախի ՊՆ]

❗️Արցախի ԱԺ-ն ՄԱԿ-ի անդամ պետություններին կոչ է անում ճանաչել Լեռնային Ղարաբաղի (Արցախի) Հանրապետության անկախությունը.
🔸 «Առավել քան համոզված ենք, որ ՄԱԿ-ի անդամ պետությունների կողմից ԼՂ (Արցախի) Հանրապետության ճանաչումը մեր ժողովրդի համար կդառնա անվտանգության վստահելի երաշխիք, կնպաստի իր պատմական հայրենիքում նրա բնականոն կենսագործունեության համար բարենպաստ պայմանների ստեղծմանը, ինչպես նաև հարավկովկասյան տարածաշրջանում կայունության, երկարաժամկետ ու հաստատուն խաղաղության ապահովմանը։
🔸 Խորապես համոզված ենք, որ վերահաս ողբերգությունը կանխելու միակ միջոցը անկախության ճանաչումն է՝ «ճանաչում հանուն փրկության» սկզբունքի հիման վրա», — նշված է հայտարարության մեջ։

❗️Արցախի ԱԺ-ն ՄԱԿ-ի անդամ պետություններին կոչ է անում ճանաչել Լեռնային Ղարաբաղի (Արցախի) Հանրապետության անկախությունը.
🔸 «Առավել քան համոզված ենք, որ ՄԱԿ-ի անդամ պետությունների կողմից ԼՂ (Արցախի) Հանրապետության ճանաչումը մեր ժողովրդի համար կդառնա անվտանգության վստահելի երաշխիք, կնպաստի իր պատմական հայրենիքում նրա բնականոն կենսագործունեության համար բարենպաստ պայմանների ստեղծմանը, ինչպես նաև հարավկովկասյան տարածաշրջանում կայունության, երկարաժամկետ ու հաստատուն խաղաղության ապահովմանը։
🔸 Խորապես համոզված ենք, որ վերահաս ողբերգությունը կանխելու միակ միջոցը անկախության ճանաչումն է՝ «ճանաչում հանուն փրկության» սկզբունքի հիման վրա», — նշված է հայտարարության մեջ։

🇦🇲🇦🇿 Հայաստանի հատուկ հանձնարարություններով դեսպան Էդմոն Մարուքյանը հերքել է Ադրբեջանի նախագահի օգնական Հիքմեթ Հաջիևի հայտարարությունը, թե «Բրյուսելում Հայաստանն ու Ադրբեջանը պայմանավորվել են, որ ԼՂ-ին անհրաժեշտ ապրանքները կմատակարարվեն Աղդամի ճանապարհով, իսկ Հայաստանը, հումանիտար բեռ ուղարկելով Լաչինի միջանցքով, խախտում է պայմանավորվածությունը։ Հանրային հեռուստաընկերությանը տված հարցազրույցում Մարուքյանը շեշտել է, որ Հիքմեթ Հաջիևը ստում է, նման պայմանավորվածություն չի եղել։
🗣 «Ադրբեջանի ղեկավարների և ԵՄ խորհրդի նախագահի եռակողմ հանդիպումից հետո ԵՄ խորհրդի նախագահ Շառլ Միշելն ընդամենը հայտարարել է, որ Ադրբեջանը պատրաստ է Աղդամի ճանապարհով հումանիտար օգնություն տրամադրել։ Սա Շառլ Միշելի հայտարարությունն է, և այն որպես Հայաստանի հետ պայմանավորվածություն ներկայացնելը տոտալ սուտ է։ Հայաստանն այս պահին հստակ ցույց է տալիս, որ Ադրբեջանը ստում է միջազգային հանրությանը, թե Լաչինի միջանցքը բաց է»,- ասել է Մարուքյանը։ |armenpress.am|
🔗Կարդալ ավելին

🇷🇺 Զախարովան այսօր հայտարարել է՝ «հայ-ադրբեջանական կարգավորումը հեշտ չի ընթանում, ինչպես բոլորս հիանալի տեսնում ենք ու հասկանում, բայց խաղաղությունն այլընտրանք չունի»․
🗣 «Դրա հետ կապված հարցերն են քննարկվել երեկ ՌԴ, Հայաստանի եւ Ադրբեջանի ԱԳՆ ղեկավարների եռակողմ հանդիպման ժամանակ։ Հույս ունենք, որ նշյալ շփումներն առաջիկայում կլինեն»։

❗️ Հարցին, թե «արդյոք դիտարկվում է 120 հազար արցախցիների վերաբնակեցումը ՀՀ-ում, եթե օրինակ Ադրբեջանի իշխանությունները բռնի տեղահանեն նրանց, իսկ միջազգային հանրությունը չխոչընդոտի», Փաշինյանը պատասխանեց․
🗣 «Հայաստանը նման հարց չի քննարկում, նկատի ունեմ, ինչպես դուք անվանեցիք, վերաբնակեցման, ՀՀ-ն քննարկում է ԼՂ հայության սեփական տներում, սեփական երկրում, սեփական ծննդավայրում ապրելու հնարավորություններ ստեղծելու հարցը»։

🔸 Երեկ Ներքին Գետաշեն գյուղի տներից մեկի ետնամասում տոպրակի մեջ հայտնաբերված նորածին երեխան մահացել է։ Մուրացան ԲԿ-ից հայտնել են, որ նա ԲԿ էր տեղափոխվել ծանր շնչական անբավարարությամբ և ցնցումներով։
🗣️ Գյուղի վարչական ղեկավար Ռուբեն Զուլոյանը ասել էր, որ Մատուռի մոտ տոպրակով թողնված նորածին տղային գյուղի շներն էին քաշելով հասցրել գյուղացիներից մեկի տան ետնամաս, որտեղ էլ գտել են նրան։ |armeniasputnik.am|