Category: Infocom

🇺🇦 Ուկրաինայի խորհրդարանը քվեների ճնշող մեծամասնությամբ կողմ է արտահայտվել վարչապետ Յուլիա Սվիրիդենկոյի և նրա կառավարության հրաժարականի օգտին։
📌 Ուկրաինական աղբյուրների փոխանցմամբ՝ նախարարների կաբինետի հրաժարականի օգտին քվեարկել է Ռադայի պատգամավորներից 258-ը, դեմ՝ մեկը։ |azatutyun.am|

🇮🇷 Իրանը միշտ վերահսկել է Հորմուզի նեղուցը, կշարունակի կառավարել այն նաև ապագայում։ Այս մասին X-ի իր էջում հայտարարել է Իրանի ԱԳՆ ղեկավար Աբբաս Արաղչին։
📌 Արաղչին նաև մեկնաբանել է Թրամփի հայտարարությունները՝ նեղուցի նկատմամբ վերահսկողություն հաստատելու և անվտանգության ապահովման համար 20% չափով տուրքեր գանձելու մտադրության մասին։
🗣 «Բնականաբար, 20%-ը չափազանց շատ է։ Մենք արդարացի կլինենք», — նշել է նա։ |tert.am|

🇺🇸🇮🇷 ԱՄՆ-ն վերականգնում է Իրանի նկատմամբ ռազմածովային շրջափակումը և կստանա Հորմուզի նեղուցով տեղափոխվող բոլոր բեռների տարանցման 20 տոկոսը, հայտարարել է Դոնալդ Թրամփը։
🗣 «Հորմուզի նեղուցը բաց է և կմնա բաց՝ Իրանի հետ կամ առանց նրանց», — գրել է Թրամփը Truth Social-ում, հավելելով, թե գործընթացը կսկսվի անմիջապես։ |azatutyun.am|

🇮🇱 Իսրայելը կասեցրել է Օսմանյան կայսրության կողմից հայերի դեմ իրականացված բռնnւթյnւնները որպես ցեղաuպանnւթյnւն ճանաչելու վերաբերյալ խորհրդարանական քվեարկությունը, հայտնում է Jerusalem News Syndicate-ը՝ հղում անելով իսրայելցի պաշտոնյայի։
🔸 Քնեսեթը շաբաթվա վերջին պատրաստվում է գնալ ամառային արձակուրդի և նիստեր չի գումարի մինչև հոկտեմբերի 27-ի համապետական ընտրությունները։
📌 Իսրայելի ԱԳ նախարար Գիդեոն Սաարի խոսնակը, ով անցյալ ամիս կաբինետում ներկայացրել էր առաջարկը, չի պատասխանել մեկնաբանությունների համար արված զանգերին կամ հաղորդագրություններին։ |tert.am|

🇺🇸🇮🇷 Դոնալդ Թրամփը հայտարարել է, որ ԱՄՆ-ն, հավանաբար, վերահսկողություն կհաստատի Հորմուզի նեղուցի նկատմամբ:
🗣 « Մենք կդառնանք նեղուցի պահապանը։ Գուցե, սա անվանենք «Նեղուցի պահապան հրեշտակ»։
🔸 Մեզ վճարելու են այն պաշտպանելու համար, շատ մեծ գումար։ Մեզ փոխհատուցելու են, քանի որ մյուս երկրները շատ հարուստ են։ Նրանք մեր կողմից են, մենք դա հենց այնպես չենք անելու»,- Fox News-ի հետ հեռախոսային հարցազրույցում ասել է Թրամփը։ |armenpress.am|