Category: Infocom

🗣Մեկ զինծառայող ականապայթյունային վնասվածք է ստացել։ Նրա կյանքին վտանգ չի սպառնում, վիճակը գնահատվում է բավարար։
[ՊՆ մամուլի խոսնակ Արամ Թորոսյան] |armtimes.com|

📌 Առողջապահության ոլորտում գործող ընկերություններից մեկի համահիմնադիր տնօրեն և բաժնետեր Բ.Շ.-ն և նույն ընկերության ավագ բուժքույր Լ.Հ.-ն կազմակերպել և ղեկավարել են Ընկերության բուժաշխատողների կողմից բուժառուների հիվանդության պատմագրերում կեղծ (բուժառուներին վերակենդանացման բաժանմունքներում բուժելու վերաբերյալ) տեղեկություններ ներառելը: Ընկերության 20-ից ավելի բուժաշխատակից կեղծել է 829 հիվանդության պատմագիր։
❗️Դրանց հիման վրա՝ Նախարարությունում հաշվարկվել և Ընկերության հաշվեհամարին, բացի փաստացի մատուցված ծառայությունների համար նախատեսված գումարից, անհիմն փոխանցվել է հավելյալ՝ 263 մլն 480 հազար դրամ: [Գլխավոր դատախազություն]
🔗 Կարդալ ավելին

Գեղարքունիքի մարզի Վաղաշենի միջնակարգ դպրոցի տարրական դասարանցիների ծնողները դիմել են «Ինֆոքոմին»՝ նշելով, որ ամեն ամիս ծնողկոմիտեի միջոցով 500 դրամ են հավաքել՝ որպես «ճաշարանի գումար»։ Դպրոցի տնօրեն Լաուրա Սուվարյանը սկզբում հերքեց, հետո հաստատեց այդ փաստը՝ պնդելով, որ դրանում որևէ հակաօրինական բան չկա։ Մարզպետարանից, սակայն, հայտնում են, որ բոլոր դպրոցներին արգելել են ծնողներից գումար հավաքել։
Վաղաշենի դպրոցի ծնողներից «ճաշարանի գումար» է հավաքել՝ անտեսելով մարզպետարանի արգելքը

📌 Լրագրողական կազմակերպությունները համատեղ հայտարարություն են տարածել՝ Տավուշի մարզում իրավապահների կողմից «Առավոտ» օրաթերթի աշխատակցի հանդեպ կիրառված բռնության առնչությամբ, որում ասվում է․
📝 «Արձանագրում ենք, որ ցուցարարների դեմ ուժ կիրառելիս ոստիկանության համար սովորական գործելաոճ է դարձել տեղում մասնագիտական պարտականություններ կատարող ԶԼՄ-ների աշխատակիցներին թիրախավորելը, նրանց վրա հարձակվելն ու բռնություն գործադրելը։ Ընդ որում, այդ ապօրինի գործողությունները, որպես կանոն, անպատիժ են մնում։
🔸 Պահանջում ենք Ներքին գործերի նախարարությունից՝ անհապաղ ծառայողական քննություն իրականացնել և բացահայտել իրենց լիազորությունները չարաշահած ոստիկաններին, պատասխանատվության ենթարկել նրանց, ինչպես նաև բացառել ԶԼՄ-ների ներկայացուցիչների օրինական գործունեության խոչընդոտումները»։

⛺️ Կիրանց գյուղին հարող ավտոճանապարհին բնակիչները վրաններ են խփել։ Այդ միջոցով Կիրանց — Նոյեմբերյան ավտոճանապարհը փակ է։

Կիրանցի շրջանցիկ ճանապարհը՝ ավելի երկար ու վատթար
Հայ-ադրբեջանական սահմանի՝ Տավուշի մարզի մի քանի հատվածներում դելիմիտիացիայի եւ դեմարկացիայի գործընթացի արդյունքում Երեւան-Իջեւան-Բագրատաշեն ճանապարհի՝ Կիրանց գյուղի մոտ գտնվող մի հատված, ըստ վարչապետի աշխատակազմի հրապարակած քարտեզի, Ադրբեջանի վերահսկողության տակ է անցնելու` դառնալով ոչ գործածելի։
Վարչապետի աշխատակազմից նշել էին, որ դա Կիրանցի միակ ճանապարհը չէ, եւ գուցե վերանորոգվի Կիրանց-Աճարկուտ-Իջեւան ճանապարհը կամ Կիրանց գյուղի հատվածում ճանապարհի ծրագծի մի քանի հարյուր մետրանոց հատվածի փոփոխություն արվի։
«Ինֆոքոմն» Աճարկուտի այդ այլընտրանքային ճանապարհով մեկնել է Կիրանց՝ նկարահանելով ողջ ճանապարհը՝ ցույց տալու, թե ինչ վիճակում է այն եւ արդյոք արդեն նորոգվում է։

❗️Հայաստանի և Ադրբեջանի սահմանին գեոդեզիական չափումների հիման վրա, կոորդինատների ճշգրտման աշխատանքների շրջանակներում 2024 թվականի ապրիլի 25-ի դրությամբ տեղադրվել է 20 սահմանային սյուն։ Երկու երկրների փորձագիտական խմբերի աշխատանքները շարունակվում են։
[ՀՀ կառավարություն]

Ապրիլի 27-28-ին Մերիդիան կենտրոնում տեղի կունենա Career City Fest 2K24-ը: Միջոցառմանը կմասնակցի ֆինանսական և տեխնոլոգիական առաջատար Ամերիաբանկը, որի տաղավարի այցելուներին սպասվում է վիրտուալ ճամփորդություն դեպի Ameria Space։
Միջոցառման մասին՝ ավելին։
#վճարովի_բովանդակություն

📌 ՄԻՊ հանձնարարությամբ արագ արձագանքման խմբեր են մեկնել Ոստիկանության բաժիններ, այդ թվում՝ Նոյեմբերյանի բաժին, բերման ենթարկված անձանց տեսակցելու և նրանց իրավունքների ապահովման վիճակին տեղում ծանոթանալու նպատակով:
[ՀՀ ՄԻՊ գրասենյակ]

📌 ՄԻՊ հանձնարարությամբ արագ արձագանքման խմբեր են մեկնել Ոստիկանության բաժիններ, այդ թվում՝ Նոյեմբերյանի բաժին, բերման ենթարկված անձանց տեսակցելու և նրանց իրավունքների ապահովման վիճակին տեղում ծանոթանալու նպատակով:
[ՀՀ ՄԻՊ գրասենյակ]