Category: Infocom

📢 Մենք խոսում ենք թշնամու հետ սահմանազատման մասին, բայց մինչեւ այդ պետք է կատարենք ամենակարեւոր սահմանազատումը մեր ներսում․ լինել Նիկոլի հե՞տ, թե՞ հայրենիքի․ իշխանության մեջ քաղաքական, հայեցողական պաշտոններ զբաղեցնող յուրաքանչյուր անձ այդ հարցը պետք է ինքն իրեն տա․ ինքը Նիկոլի՞ հետ է, թե՞ հայրենիքի, սրանից բացի ուրիշ ոչ մի բաժանում մեզ պետք չէ։ Այսօրվանից այս հարցը հնչելու է անդադար, հնչելու է հասցեական, այս բախտորոշ ընտրության առջեւ կանգնած են բոլորը․ կամ Նիկոլի հետ եք, կամ հայրենիքի։ [«Հայաստան» խմբակցության պատգամավոր Իշխան Սաղաթելյանը՝ հաջակցություն Արցախի հանրահավաքի ժամանակ]

Պատմաբաններ Հրանտ Տեր-Աբրահամյանը, Տիգրան Զաքարյանը և Արսեն Հակոբյանը քննարկում են ադրբեջանցիների ինքնության ձևավորման արմատները, դրա դրսևորումները հայ-ադրբեջանական հակամարտության մեջ և այդ հակամարտության համատեքստում հայ-թուրքական հարաբերությունների կարգավորման հնարավորությունները:
https://www.youtube.com/watch?v=m5d70oSWF9I&ab_channel=infocom.am

❗️Մի քանի օրից ԱՄՆ-ում կհանդիպեն Հայաստանի ԱԳ նախարար Արարատ Միրզոյանը, Ադրբեջանի ԱԳ նախարար Ջեյհուն Բայրամովն ու ԱՄՆ պետքարտուղար Էնթոնի Բլինքենը: Այս մասին Միրզոյանը հայտարարեց ԱԺ մշտական հանձնաժողովների համատեղ նիստում՝ 2023 թ․ պետբյուջեի նախագծի քննարկմանը:

🇦🇲🇷🇺 ՀՀ-ում ՌԴ արտակարգ և լիազոր դեսպան Սերգեյ Կոպիրկինը պատասխանեց հարցին, թե ինչ դիրքորոշում ունի ՌԴ-ն ԼՂ կարգավիճակի հարցում․ «ԼՂ կարգավիճակի խնդիրն այն խնդիրն է, որը արժեր թողնել հաջորդ սերունդներին, երբ պայմաններ կստեղծվեն բոլոր կողմերի համար ընդունելի արդար որոշման համար»։
🔸 «Կարգավորման ողջ համալիրը պետք է լինի Հայաստանի և Ադրբեջանի պայմանավորվածությունների արդյունք»,- նշեց Կոպիրկինը։
🔗 Կարդալ ավելին

🇦🇲🇷🇺🇦🇿 Նախքան սահմանազատման աշխատանքների սկիզբը մենք բազմիցս ընդգծել ենք, որ դրան պետք է նախորդի ադրբեջանա-հայկական սահմանին կայունության և անվտանգության մակարդակը բարձրացնելու մեխանիզմների ստեղծումը։ ՌԴ դիրքորոշումը կայանում էր նրանում, որ սահմանազատման հանձնաժողովի ձևավորումն ու աշխատանքը ինքնին կդառնան սահմանների անվտանգության մեխանիզմ։
Անկեղծ ասած, այն ժամանակ մենք չէինք կիսում այս դիրքորոշումը, բայց ի վերջո որոշեցինք հիմնվել մեր ռազմավարական դաշնակցի, այսինքն՝ ՌԴ մեկնաբանության վրա։ Մեզ համար շատ կարևոր է ՌԴ հստակ դիրքորոշումը, ըստ որի` անհրաժեշտ է ադրբեջանական զորքերը դուրս բերել ելման դիրքեր 2021թ․-ի մայիսի 11-ի դրությամբ: [Նիկոլ Փաշինյան]
🔗 Կարդալ ավելին

🌲 Ամանորին ընդառաջ կենտրոնական տոնածառի մոնտաժման աշխատանքները կսկսվեն սովորականից ավելի վաղ՝ հաշվի առնելով այս տարի Երևանի քաղաքապետարանի կողմից մեծամասշտաբ ամանորյա լուսավորության նախագծի իրականացումը և այն, որ Երևանում անցկացվելու է «Մանկական Եվրատեսիլ 2022»-ը, ու մեր քաղաքը բազմաթիվ հյուրեր է ընդունելու: [Երևանի քաղաքապետարան]