Category: Infocom

🇦🇲🇺🇸🇦🇿 Հայաստանի և Ադրբեջանի կառավարությունների հետ յուրաքանչյուր ներգրավվածությունում մեր նպատակն է խրախուսել նրանց աշխատել երկու երկրների միջև տարաձայնությունները հարթելու և երկարատև ու կայուն խաղաղության համաձայնագրի հասնելու ուղղությամբ, «Ազատության» հարցին ի պատասխան՝ հայտարարել է Պետդեպարտամենտի խոսնակ Մեթյու Միլերը:
🔸 Մեթյու Միլերը Բրյուսելում ապրիլի 5-ին նախատեսվող Փաշինյան-Բլինքեն-Ֆոն դեր Լայեն հանդիպման մասին մանրամասներ չի հայտնել։

Երեկոյան հոթ դոգ #9 Պիղծ, ոչ հայեցի արժեքները, սատանիստական Հելոուինն ու աուրայի մաքրումը խնկով
Պիղծ, ոչ հայկական արժեքները, սատանիստական Հելոուինն ու հայկական Բարեկենդանը, հայեցիի ու ոչ հայեցիի սահմանները և նման հարցերի առաջացաման պատճառները, «սատանիստական» համերգների չեղարկումը Հայաստանում, մետալ երաժշտությունը Տիկնիկային թատրոնում ու երեխաների աուրայի պղծումը, աուրայի մաքրումը խունկ ծխելով, երևույթները փոխկապակցված ներկայացնելը՝ դավադրության տեսությունների հիմնական մեխանիզմ, «Երեկոյան հոթ դոգի» ու լույսի վարձի կապը, անծանոթ ինչ-որ խմբի ապամարդկայնացումը, մետալ կամ ռաբիս երաժշտություն լսողներին թիրախավորելը։
Երեկոյան այս մասին են հոթդոգում Քրիստիանն ու Ռոմանը, Մշակութային և սոցիալական նարատիվների լաբորատորիայի նախագահ Տիգրան Ամիրյանն ու արվեստաբան Արթուր Աթայանը։

🇦🇲🇦🇷 Արարատ Միրզոյանը հանդիպում է ունեցել Արգենտինայում առաջատար լրատվամիջոցների ներկայացուցիչների հետ:
📌 Միրզոյանը շեշտել է, որ գործընթացում կայուն առաջընթաց գրանցելու համար երկուստեք հանձնառության ցուցաբերումը պետք է լինի օրվա հրամայականը: Հայաստանն ունի նման հանձնառություն, սակայն Ադրբեջանի գործելաոճը չի վկայում համարժեք փոխադարձության առկայության մասին:
🗣 «Մենք շարունակում ենք բանակցություններն առանցքային հարցերում փոխհամաձայնության հասնելու նպատակով, և այս ճանապարհին կարևոր են նաև մեր միջազգային գործընկերների հստակ դիրքորոշումները, սատարումը առանցքային սկզբունքներին»,- նշել է նախարարը: [ՀՀ ԱԳՆ]

📢 Երևանում վաղվանից մեկնարկում են քաղաքում փոսային նորոգման աշխատանքները:
🔸Հրատապությունից ելնելով՝ աշխատանքներն իրականացվելու են նաև գիշերային ժամերին։
[Երևանի քաղաքապետարան]

🇦🇲🇫🇷 ՀՀ-ում Ֆրանսիայի դեսպան Օլիվիե Դըկոտինյին X-ում գրել է․
🗣«Ստեփանակերտ տանող ճանապարհը փակ է։ Լեռնային Ղարաբաղի 100 հազար հայ 9 ամիս տևած շրջափակումից և Ադրբեջանի դաժան հարձակումից հետո ստիպված է եղել լքել իր տունը: Նրանց վերադարձի իրավունքը, որը ճանաչվել է Միջազգային դատարանի կողմից, այսօր ոտնահարվում է»։ |tert.am|

🗣 Սոցիալական, կենցաղային պայմանները նպաստում են, որ մարդիկ թողնեն, լքեն Հայաստանը․ Արցախի ՄԻՊ Գեղամ Ստեփանյան
📌 «Ըստ պաշտոնական տեղեկատվության՝ շուրջ 7500-7700 արցախցի անվերադարձ հեռացել է ՀՀ-ից, բայց մեր վիճակագրությունը այլ բանի մասին է խոսում, որ թիվը հաստատ 12-13 հազարից ավելին է։ Հանրային տրամադրությունները շոշափելով՝ կարող եմ ասել, որ այդ թիվն աճելու է ուսումնական տարին ավարտելուց հետո»։
🏘 Ստեփանյանի խոսքերով՝ շրջանառվող բնակարանային ծրագիրը, մեծ դժգոհությունների առիթ է տվել, և եթե պարզվի՝ դրանով է լուծվում խնդիրը, դա մեծապես նպաստելու է արցախցիների արտագաղթին։
🔸 «Արցախի բնակչությանը ՀՀ-ում պահելու խնդիրը շատ սկզբունքային է մի քանի հանգամանքներից ելնելով․ առաջինը՝ հավաքական ինքնությունը պահելու և վերադարձի իրավունքը հավաքական իրացնելն է։ Մեզանից կախված բոլոր հնարավոր գործիքներն օգտագործում ենք՝ քարոզելու, համոզելու, որ պետք է մնալ Հայաստանում»։ |a1plus.am|

Տարվա ամենաերիտասարդական միջոցառումը՝ Վարդենիսում․ «ԴեմԱռԴեմ․ սերունդների երկխոսություն» մարզային ֆորում
Մարտի 30-ին Վարդենիսի Մշակույթի պալատում տեղի կունենա «ԴեմԱռԴեմ. Սերունդների երկխոսություն» մարզային ֆորումը, որի նպատակն է հարթակ տրամադրել մարզեցի այն երիտասարդներին, որոնք յուրահատուկ փորձառություն ու ասելիք ունեն և իրենց գործունեության ոլորտներում արդեն իսկ հասցրել են հաջողություններ գրանցել:
Միջոցառման մուտքն ազատ է՝ պարտադիր գրանցումով։ Գրանցվելու համար կարող եք անցնել հետևյալ հղումով:

📃 Արծվաշենցիները փոխհատուցման պահանջով դիմել են կառավարություն։

🗣 Գեղարքունիքի մարզի Ճամբարակ խոշորացված համայնքում ապրող Արծվաշենի 600 բնակիչ Նիկոլ Փաշինյանի կառավարությունից ոչ միայն ցանկանում է Արծվաշենում թողած սեփականության փոխհատուցման պատասխանը ստանալ, այլև իմանալ, թե անկալվների հարցի շուրջ համաձայնության դեպքում ինչ է սպասվում իրենց գյուղին։ Արծվաշեն համայնքի ղեկավար Մամիկոն Խեչոյանն ակնկալում է, որ անկալվների փոխանակման դեպքում գյուղը դարձյալ հայկական վերահսկողության տակ հայտնվի: |factor․am|